Multilingual Scriptures Home » Gothic NT AmbrosianusA Partial » Ephesians
| Gothic NT AmbrosianusA Partial | ||
| Chapter # | Verse # | Verse Detail |
| 1 | 1 | Pawlus, apaustaulus Xristaus Iesuis žairh wiljan gudis, žaim weiham žaim wisandam in Aifaison jah triggwaim in Xristau Iesu. |
| 1 | 2 | ansts izwis jah gawairži fram guda attin unsaramma jah fraujin Iesu Xristau. |
| 1 | 3 | žiužižs guž jah atta fraujins unsaris Iesuis Xristaus, izei gažiužida uns ana allai žiužeinai ahmeinai in himinakundaim in Xristau. |
| 1 | 4 | swaswe gawalida uns in imma faur gasatein fairhwaus, ei sijaima weihai jah unwammai in andwairžja is in frijažwai. |
| 1 | 5 | fauragarairož uns du suniwe gadedai žairh Iesu Xristu in ina bi leikainai wiljins seinis, |
| 1 | 6 | du hazeinai wulžaus anstais seinaizos, in žizaiei ansteigs was uns in žamma liubin sunau seinamma, |
| 1 | 7 | in žammei habam faurbauht, fralet frawaurhte žairh blož is, bi gabein wulžaus anstais is, |
| 1 | 8 | žoei ufarassau ganohida in uns in allai handugein jah frodein, |
| 1 | 9 | kannjan unsis runa wiljins seinis bi wiljin, saei fauragaleikaida imma |
| 1 | 10 | du fauragaggja usfulleinais mele, aftra usfulljan alla in Xristau, žo ana himinam jaž-žo ana airžai in imma, |
| 1 | 11 | in žammei hlauts gasatidai wesum, fauragaredanai bi wiljin gudis žis alla in allaim waurkjandins bi muna wiljins seinis, |
| 1 | 12 | ei sijaima weis du hazeinai wulžaus is žai faurawenjandans in Xristau, |
| 1 | 13 | in žammei jah jus gahausjandans waurd sunjus, aiwaggeli ganistais izwaraizos, žammei galaubjandans gasiglidai wauržuž ahmin gahaitis žamma weihin, |
| 1 | 14 | izei ist wadi arbjis unsaris du faurbauhtai gafreideinais, du hazeinai wulžaus is. |
| 1 | 15 | dužže jah ik, gahausjands izwara galaubein in fraujin Iesu Xristau jah frijažwa in allans žans weihans, |
| 1 | 16 | unsweibands awiliudo in izwara, gamund waurkjands in bidom meinaim, |
| 1 | 17 | ei guž fraujins unsaris Iesuis Xristaus, atta wulžaus, gibai izwis ahman handugeins jah andhuleinais in ufkunžja seinamma, |
| 1 | 18 | inliuhtida augona hairtins izwaris, ei witeiž jus hwa ist wens lažonais is, hwileiku[h] gabei wulžaus arbjis is in weihaim, |
| 1 | 19 | jah hwa ufarassus mikileins mahtais is in uns žaim galaubjandam bi waurstwa mahtais swinžeins is, |
| 1 | 20 | žatei gawaurhta in Xristau, urraisjands ina us daužaim jah gasatida in taihswon seinai in himinam |
| 1 | 21 | ufaro allaize reikje jah waldufnje jah mahte jah fraujinassiwe jah allaize namne namnidaize ni žatainei in žamma aiwa, ak jah in žamma anawairžin. |
| 1 | 22 | jah alla ufhnaiwida uf fotuns imma jah ina atgaf haubiž ufar alla aikklesjon, |
| 1 | 23 | sei ist leik is, fullo žis alla in allaim usfulljandins. |
| 2 | 1 | Jah izwis wisandans daužans missadedim jah frawaurhtim izwaraim, |
| 2 | 2 | in žaimei simle iddjeduž bi žizai aldai žis fairhwaus, bi reik waldufnjis luftaus, ahmins žis nu waurkjandins in sunum ungalaubeinais, |
| 2 | 3 | in žaimei jah weis allai usmetum suman in lustum leikis unsaris, taujandans wiljans leikis jah gamitone, jah wesum wistai barna hatize, swaswe jah žai anžarai. |
| 2 | 4 | iž guž, gabigs wisands in armahairtein, in žizos managons frijažwos žizaiei frijoda uns, |
| 2 | 5 | jah wisandans uns daužans frawaurhtim mižgaqiwida uns Xristau - anstai sijuž ganasidai - |
| 2 | 6 | jah mižurraisida jah mižgasatida in himinakundaim in Xristau Iesu, |
| 2 | 7 | ei ataugjai in ald[a]im žaim anagaggandeim ufarassu gabeins anstais seinaizos in selein bi uns in Xristau Iesu. |
| 2 | 8 | unte anstai siuž ganasidai žairh galaubein, jah žata ni us izwis, ak gudis giba ist; |
| 2 | 9 | ni us waurstwam, ei hwas ni hwopai, |
| 2 | 10 | ak is sium taui, gaskapanai in Xristau Iesu du waurstwam godaim, žoei fauragamanwida guž, ei in žaim gaggaima. |
| 2 | 11 | dužže gamuneiž žatei jus žiudos simle wesuž in leika, žai namnidans unbimaitanai fram žizai namnidon bimait in leika handuwaurht. |
| 2 | 12 | unte wesuž žan in jainamma mela inu Xristu, framažjai usmetis Israelis jah gasteis gahaite trausteis, wen ni habandans jah gudalausai in manasedai. |
| 2 | 13 | iž nu sai, in Xristau Iesu jus juzei simle wesuž fairra, wauržuž nehwa in bloža Xristaus. |
| 2 | 14 | sa auk ist gawairži unsar, saei gatawida žo ba du samin jah midgardiwaddju fažos gatairands, |
| 2 | 15 | fijažwa, ana leika seinamma witož anabusne garaideinim gatairands, ei žans twans gaskopi in sis silbin du ainamma niujamma mann, waurkjands gawairži, |
| 2 | 16 | jah gafrižodedi žans bans in ainamma leika guda žairh galgan, afslahands fijažwa in sis silbin. |
| 2 | 17 | jah qimands wailamerida gawairži izwis juzei fairra jah gawairži žaim ize nehwa; |
| 2 | 18 | unte žairh ina habam atgagg bajožs in ainamma ahmin du attin. |
| 2 | 19 | sai nu ni sijuž gasteis jah aljakonjai, ak sijuž gabaurgjans žaim weiham jah ingardjans gudis, |
| 2 | 20 | anatimridai . . . . |
| 3 | 9 | . . . . in guda žamma alla gaskapjandin, |
| 3 | 10 | ei kanniž wesi nu reikjam jah waldufnjam in žaim himinakundam žairh aikklesjon so filufaiho handugei gudis, |
| 3 | 11 | bi muna aiwe žanei gatawida in Xristau Iesu fraujin unsaramma, |
| 3 | 12 | in žammei habam balžein [freijhals] jah atgagg in trauainai žairh galaubein is. |
| 3 | 13 | in žize bidja, ni wairžaiž usgrudjans in aglom meinaim faur izwis, žatei ist wulžus izwar. |
| 3 | 14 | in žis biuga kniwa meina du attin fraujins unsaris Iesuis Xristaus, |
| 3 | 15 | us žammei all fadreinis in himina jah ana airžai namnjada, |
| 3 | 16 | ei gibai izwis bi gabein wulžaus seinis mahtai inswinžjan žairh ahman seinana [in] innuman mannan, |
| 3 | 17 | bauan Xristu žairh galaubein in hairtam izwaraim, |
| 3 | 18 | ei in frijažwai gawaurhtai jah gasulidai mageiž gafahan miž allaim žaim weiham hwa sijai braidei jal-laggei jah hauhei jah diupei; |
| 3 | 19 | kun[n]an žo ufarassau mikilon žis kunžjis frijažwa Xristaus, ei fulnaiž in allai fullon gudis. |
| 3 | 20 | ažžan žamma mahteigin ufar all taujan maizo [giban] žau bidjam aižžau fražjam bi mahtai žizai waurkjandein in unsis, |
| 3 | 21 | immuh wulžus in Xristau Iesu jah aikkles[jon] in allos aldins aiwe, amen. |
| 4 | 1 | Bidja nu izwis ik bandja in fraujin, wairžaba gaggan žizos lažonais žizaiei lažodai siuž, |
| 4 | 2 | miž allai hauneinai jah qairrein, miž usbeisnai usžulandans izwis misso in frijažwai, |
| 4 | 3 | usdaudjandans fastan ainamundiža ahmins in gabundjai gawairžeis. |
| 4 | 4 | ain leik jah ains ahma, swaswe atlažodai sijuž in aina wen lažonais izwaraizos. |
| 4 | 5 | ains frauja, aina galaubeins, aina daupeins, |
| 4 | 6 | ains guž jah atta allaize, saei ufar allaim jah and allans jah in allaim uns. |
| 4 | 7 | iž ainhwarjammeh unsara atgibana ist ansts bi mitaž gibos Xristaus; |
| 4 | 8 | in žizei qižiž: ussteigands in hauhiža ushanž hunž jah atuhgaf gibos mannam. |
| 4 | 9 | žatuž-žan usstaig, hwa ist, niba žatei jah atstaig fauržis in undar[a]isto airžos? |
| 4 | 10 | saei atstaig, sa ist jah saei usstaig ufar allans himinans, ei usfullidedi allata. |
| 4 | 11 | jah silba gaf sumans apaustauluns, sumanzuž-žan praufetuns, sumansuž-žan aiwaggelistans, sumansuž-žan hairdjans jah laisarjans, |
| 4 | 12 | du ustauhtai weihaize du waurstwa andbahtjis, du timreinai leikis Xristaus, |
| 4 | 13 | unte garinnaima allai in ainamundiža galaubeinais jah ufkunžjis sunus gudis, du waira fullamma, in mitaž wahstaus fullons Xristaus, |
| 4 | 14 | ei žanaseižs ni sijaima niuklahai uswagidai jah uswalugidai winda hwammeh laiseinais, liutein manne, in filudeisein du listeigon uswandjai airzeins, |
| 4 | 15 | iž sunja taujandans in frijažwai wahsjaima in ina žo alla, ize ist haubiž, Xristus, |
| 4 | 16 | us žammei all leik gagatilož [jah] gagahafti ž žairh allos gawissins andstaldis, bi waurstwa in mitaž ana ainhwarjoh fero, uswahst leikis taujiž du timreinai seinai in frijažwai. |
| 4 | 17 | žata nu qiža jah weitwodja in fraujin, ei žanaseižs ni gaggaiž, swaswe jah anžaros žiudos gaggand in uswissja hugis seinis, |
| 4 | 18 | riqizeinai gahugdai wisandans, framažjai libainais gudis in unwitjis žis wisandins in im, in daubižos hairtane seinaize, |
| 4 | 19 | žaiei uswenans wauržanai sik silbans atgebun aglaitein in waurstwein unhrainižos allaizos, in faihufrikein. |
| 4 | 20 | iž jus ni swa ganemuž Xristu, |
| 4 | 21 | jabai swežauh ina hausideduž jah in imma uslaisidai sijuž, swaswe ist sunja in Iesu, |
| 4 | 22 | ei aflagjaiž jus bi frumin usmeta žana fairnjan mannan žana riurjan bi lustum afmarzeinais. |
| 4 | 23 | anuž-žan-niujaiž ahmin fražjis izwaris, |
| 4 | 24 | jag-gahamož žamma niujin mann žamma bi guda gaskapanin in garaihtein jah weihižai sunjos. |
| 4 | 25 | in žizei aflagjandans liugn rodjaiž sunja hwarjizuh miž nehwundjin seinamma, unte sijum anžar anžaris ližus. |
| 4 | 26 | žwairhaiž-žan sijaiž jah ni frawaurkjaiž, sunno ni dissigqai ana žwairhein izwara. |
| 4 | 27 | ni gibiž staž unhulžin. |
| 4 | 28 | saei hlefi, žanaseižs ni hlifai, iž mais arbaidjai, waurkjands swesaim handum žiuž, ei habai dailjan žaurbandin. |
| 4 | 29 | ainhun waurde ubilaize us munža izwaramma ni usgaggai, ak žatei gož sijai du timreinai galaubeinais, ei gibai anst hausjandam. |
| 4 | 30 | jah ni gaurjaiž žana weihan ahman gudis, in žammei gasiglidai sijuž in daga uslauseinais. |
| 4 | 31 | alla baitrei jah hatis jah žwairhei jah hrops jah wajamereins afwairpaidau af izwis miž allai unselein. |
| 4 | 32 | wairžaiduh miž izwis misso seljai, armahairtai, fragibandans izwis misso, swaswe guž in Xristau fragaf izwis. |
| 5 | 1 | Wairžaiž nu galeikondans guda swe barna liuba |
| 5 | 2 | jah gaggaiž in frijažwai, swaswe jah Xristus frijoda uns jah atgaf sik silban faur uns hunsl jah sauž guda du daunai wožjai. |
| 5 | 3 | ažžan horinassus jah allos unhrainižos aižžau faihufrikei nih namnjaidau . . . . |
| 5 | 17 | dužže ni wairžaiž unfrodai, ak fražjandans hwa sijai wilja fraujins. |
| 5 | 18 | jah ni anadrigkaiž izwis weina, in žammei ist usstiurei, ak fullnaiž in ahmin, |
| 5 | 19 | rodjandans izwis in psalmom jah hazeinim jah saggwim ahmeinaim, siggwandans in hairtam izwaraim fraujin, |
| 5 | 20 | awiliudondans sinteino fram allaim in namin fraujins unsaris Iesuis Xristaus attin jah guda, |
| 5 | 21 | ufhausjandans izwis misso in agisa Xristaus. |
| 5 | 22 | qenes seinaim abnam ufhausjaina swaswe fraujin; |
| 5 | 23 | unte wair ist haubiž qenais swaswe jah Xristus haubiž aikklesjons, jah is ist nasjands leikis. |
| 5 | 24 | akei swaswe aikklesjo ufhauseiž Xristu, swah qenes abnam seinaim in allamma. |
| 5 | 25 | jus wairos frijož qenins izwaros, swaswe jah Xristus frijoda aikklesjon jah sik silban atgaf faur žo, |
| 5 | 26 | ei žo gaweihaidedi gahrainjands žwahla watins in waurda, |
| 5 | 27 | ei ustauhi silba sis wulžaga aikklesjon, ni habandein wamme aižžau maile aižžau hwa swaleikaize, ak ei sijai weiha jah unwamma. |
| 5 | 28 | swa jah wairos skulun frijon seinos qenins swe leika seina. [sein silbins leik frijož,] saei seina qen frijož, [jah] sik silban frijož. |
| 5 | 29 | ni auk manna hwanhun sein leik fijaida, ak fodeiž ita jah warmeiž swaswe jah Xristus aikklesjon . . . . |
| 6 | 9 | . . . . fraletandans im hwotos, witandans žatei im jah izwis sama frauja ist in himinam, jah wiljahalžei nist at imma. |
| 6 | 10 | žata nu anžar, brožrjus meinai, inswinžjaiž izwis in fraujin jah in mahtai swinžeins is. |
| 6 | 11 | gahamož izwis sarwam gudis, ei mageiž standan wižra listins diabulaus; |
| 6 | 12 | unte nist izwis brakja wižra leik jah blož, ak wižra reikja jah waldufnja, wižra žans fairhwu habandans riqizis žis, wižra žo ahmeinona unseleins in žaim himinakundam. |
| 6 | 13 | dužže nimiž sarwa gudis, ei mageiž andstandan in žamma daga ubilin jah in allamma uswaurkjandans standan. |
| 6 | 14 | standaiž nu, ufgaurdanai hupins izwarans sunjai jag-gapaidodai brunjon garaihteins, |
| 6 | 15 | jag-gaskohai fotum in manwižai aiwaggeljons gawairžjis |
| 6 | 16 | ufar all andnimandans skildu galaubeinais, žammei maguž allos arhwaznos žis unseljins funiskos afhwapjan; |
| 6 | 17 | jah hilm naseinais nimaiž jah meki ahmins, žatei ist waurd gudis; |
| 6 | 18 | žairh allos aihtronins jah bidos aihtrondans in alla mela in ahmin jah du žamma [du]wakandans sinteino usdaudein jah bidom fram allaim žaim weiham, |
| 6 | 19 | jah fram mis, ei mis gibaidau . . . . |