Multilingual Scriptures Home » Gothic NT AmbrosianusA Partial » Luke
| Gothic NT AmbrosianusA Partial | ||
| Chapter # | Verse # | Verse Detail |
| 1 | 1 | Unte raihtis managai dugunnun meljan insaht bi žos gafullaweisidons in uns waihtins, |
| 1 | 2 | swaswe anafulhun unsis žaiei fram frumistin silbasiunjos jah andbahtos wesun žis waurdis; |
| 1 | 3 | galeikaida jah mis [jah ahmin weihamma] fram anastodeinai allaim glaggwuba afarlaistjandin gahahjo žus meljan, batista Žaiaufeilu, |
| 1 | 4 | ei gakunnais žize bi žoei galaisižs is waurde [a]staž. |
| 1 | 5 | was in dagam Herodes žiudanis Iudaias gudja namin Zakarias, us afar[am] Abijins, jah qeins is us dauhtrom Abarons, jah namo izos Aileisabaiž. |
| 1 | 6 | wesunuh žan garaihta ba in andwairžja gudis, gaggandona in allaim anabusnim jah garaihteim fraujins unwaha. |
| 1 | 7 | jah ni was im barne, unte was Aileisabaiž stairo, jah ba framaldra dage seinaize wesun. |
| 1 | 8 | warž žan, mižžanei gudjinoda is in wikon kunjis seinis in andwairžja gudis, |
| 1 | 9 | bi biuhtja gudjinassaus hlauts imma urrann du saljan, atgaggands in alh fraujins, |
| 1 | 10 | jah alls hiuhma was manageins beidandans uta hweilai žwmiamins; |
| 1 | 11 | warž žan imma in siunai aggilus fraujins standands af taihswon hunslastadis žwmiamins. |
| 1 | 12 | jah gadrobnoda Zakarias gasaihwands, jah agis disdraus ina. |
| 1 | 13 | qaž žan du imma sa aggilus: ni ogs žus, Zakaria, duže ei andhausida ist bida žeina, jah qens žeina Aileisabaiž gabairid sunu žus, jah haitais namo is Iohannen. |
| 1 | 14 | jah wairžiž žus faheds jah swegniža, jah managai in gabauržai is faginond. |
| 1 | 15 | wairžiž auk mikils in andwairžja fraujins jah wein jah leižu ni drigkid jah ahmins weihis gafulljada nauhžan in wambai aižeins seinaizos, |
| 1 | 16 | jah managans suniwe Israelis gawandeiž du fraujin guda ize. |
| 1 | 17 | jah silba fauraqimid in andwairžja is in ahmin jah mahtai Haileiins gawandjan hairtona attane du barnam jah untalans in frodein garaihtaize, manwjan fraujin managein gafahrida. |
| 1 | 18 | jah qaž Zakarias du žamma aggilau: bihwe kunnum žata? ik raihtis im sineigs, jah qens meina framaldrozei in dagam seinaim; |
| 1 | 19 | jah andhafjands sa aggilus qaž du imma: ik im Gabriel sa standands in andwairžja gudis, jah insandižs im rodjan du žus jah wailamerjan žus žata. |
| 1 | 20 | jah [sai] sijais žahands jah ni magands rodjan und žana dag ei wairžai žata, duže ei ni galaubides waurdam meinaim, žoei usfulljanda in mela seinamma. |
| 1 | 21 | jah was managei beidandans Zakariins, jah sildaleikidedun hwa latidedi ina in žizai alh. |
| 1 | 22 | usgaggands žan ni mahta du im rodjan, jah frožun žammei siun gasahw in alh; jah silba was bandwjands im jah [ga]was dumbs. |
| 1 | 23 | jah warž, biže usfullnodedun dagos andbahteis is, galaiž du garda seinamma. |
| 1 | 24 | afaruh žan žans dagans inkilžo warž Aileisabaiž qens is jah galaugnida sik menožs fimf, qižandei: |
| 1 | 25 | žatei swa mis gatawida frauja in dagam žaimei insahw afniman idweit mein in mannam. |
| 1 | 26 | žanuh žan in menož saihstin insandižs was aggilus Gabriel fram guda in baurg Galeilaias sei haitada Nazaraiž, |
| 1 | 27 | du magažai in fragibtim abin, žizei namo Iosef, us garda Daweidis, jah namo žizos magažais Mariam. |
| 1 | 28 | jah galeižands inn sa aggilus du izai qaž: fagino, anstai audahafta, frauja miž žus; žiužido žu in qinom. |
| 1 | 29 | iž si gasaihwandei gažlahsnoda bi innatgahtai is jah žahta sis hweleika wesi so goleins [žatei swa žiužida izai]. |
| 1 | 30 | jah qaž aggilus du izai: ni ogs žus, Mariam, bigast auk anst fram guda. |
| 1 | 31 | jah sai, ganimis in kilžein jah gabairis sunu jah haitais namo is Iesu. |
| 1 | 32 | sah wairžiž mikils jah sunus hauhistins haitada, jah gibid imma frauja guž stol Daweidis attins is. |
| 1 | 33 | jah žiudanož ufar garda Iakobis in ajukduž, jah žiudinassaus is ni wairžiž andeis. |
| 1 | 34 | qaž žan Mariam du žamma aggilau: hwaiwa sijai žata, žandei aban ni kann? |
| 1 | 35 | jah andhafjands sa aggilus qaž du izai: ahma weihs atgaggiž ana žuk, jah mahts hauhistins ufarskadweid žus, duže ei [jah] saei gabairada weihs haitada sunus gudis. |
| 1 | 36 | jah sai, Aileisabaiž nižjo žeina, jah so inkilžo sunau in aldomin seinamma, jah sa menožs saihsta ist izai sei haitada stairo, |
| 1 | 37 | unte nist unmahteig guda ainhun waurde. |
| 1 | 38 | qaž žan Mariam: sai, žiwi fraujins, wairžai mis bi waurda žeinamma. jah galaiž fairra izai sa aggilus. |
| 1 | 39 | usstandandei žan Mariam in žaim dagam iddja in bairgahein sniumundo in baurg Iudins, |
| 1 | 40 | jah galaiž in gard Zakariins jah golida Aileisabaiž. |
| 1 | 41 | jah warž, swe hausida Aileisabaiž golein Mariins, lailaik barn in qižau izos, jah gafullnoda ahmins weihis Aileisabaiž, |
| 1 | 42 | jah ufwopida stibnai mikilai jah qaž: žiužido žu in qinom, jah žiužido akran qižaus žeinis. |
| 1 | 43 | jah hwažro mis žata, ei qemi aižei fraujins meinis at mis? |
| 1 | 44 | sai allis, sunsei warž stibna goleinais žeinaizos in ausam meinaim, lailaik žata barn in swignižai in wambai meinai. |
| 1 | 45 | jah audaga so galaubjandei žatei wairžiž ustauhts žize rodidane izai fram fraujin. |
| 1 | 46 | jah qaž Mariam: mikileid saiwala meina fraujan, |
| 1 | 47 | jah swegneid ahma meins du guda nasjand meinamma. |
| 1 | 48 | unte insahw du hnaiweinai žiujos seinaizos; sai allis, fram himma nu audagjand mik alla kunja. |
| 1 | 49 | unte gatawida mis mikilein sa mahteiga, jah weih namo is. |
| 1 | 50 | jah armahairtei is in aldins alde žaim ogandam ina. |
| 1 | 51 | gatawida swinžein in arma seinamma, distahida mikilžuhtans gahugdai hairtins seinis; |
| 1 | 52 | gadrausida mahteigans af stolam jah ushauhida gahnaiwidans; |
| 1 | 53 | gredagans gasožida žiuže jah gabignandans insandida lausans. |
| 1 | 54 | hleibida Israela žiumagu seinamma, gamunands armahairteins, |
| 1 | 55 | swaswe rodida du attam unsaraim Abrahama jah fraiwa is und aiw. |
| 1 | 56 | gastož žan Mariam miž izai swe menožs žrins jah gawandida sik du garda seinamma. |
| 1 | 57 | iž Aileisabaiž usfullnoda mel du bairan jah gabar sunu. |
| 1 | 58 | jah hausidedun bisitands jah ganižjos izos, unte gamikilida frauja armahairtein seina bi izai, jah mižfaginodedun izai. |
| 1 | 59 | jah warž in daga ahtudin, qemun bimaitan žata barn jah haihaitun ina afar namin attins is Zakarian. |
| 1 | 60 | jah andhafjandei so aižei is qaž: ne, ak haitaidau Iohannes. |
| 1 | 61 | jah qežun du izai žatei ni ainshun ist in kunja žeinamma saei haitaidau žamma namin. |
| 1 | 62 | gabandwidedun žan attin is, žata hwaiwa wildedi haitan ina. |
| 1 | 63 | iž is sokjands spilda [nam] ga[h]melida qižands: Iohannes ist namo is; jah sildaleikidedun allai. |
| 1 | 64 | usluknoda žan munžs is suns jah tuggo is, jah rodida žiužjands guž. |
| 1 | 65 | jah warž ana allaim agis žaim bisitandam ina, jah in allai bairgahein Iudaias merida wesun alla žo waurda. |
| 1 | 66 | jah galagidedun allai žai hausjandans in hairtin seinamma qižandans: hwa skuli žata barn wairžan? jah žan handus fraujins was miž imma. |
| 1 | 67 | jah Zakarias, atta is, gafullnoda ahmins weihis jah praufetida jah qaž: |
| 1 | 68 | žiužeigs frauja guž Israelis, unte gaweisoda jah gawaurhta uslausein managein seinai, |
| 1 | 69 | jah urraisida haurn naseinais unsis in garda Daweidis žiumagaus seinis, |
| 1 | 70 | swaswe rodida žairh munž weihaize žize fram anastodeinai aiwis praufete seinaize, |
| 1 | 71 | giban nasein us fijandam unsaraim jah us handau allaize žize hatandane unsis, |
| 1 | 72 | taujan armahairtiža bi attam unsaraim jah gamunan triggwos weihaizos seinaizos, |
| 1 | 73 | aižis žanei swor wižra Abraham attan unsarana, ei gebi unsis |
| 1 | 74 | unagein us handau fijande unsaraize galausidaim skalkinon imma |
| 1 | 75 | in sunjai jah garaihtein in andwairžja is allans dagans unsarans. |
| 1 | 76 | jah žu, barnilo, praufetus hauhistins haitaza; fauragaggis auk faura andwairžja fraujins, manwjan wigans imma, |
| 1 | 77 | du giban kunži naseinais managein is in afleta frawaurhte ize, |
| 1 | 78 | žairh infeinandein armahairtein gudis unsaris, in žammei gaweisož unsara urruns us hauhižai, |
| 1 | 79 | gabairhtjan žaim in riqiza jah skadau daužus sitandam, du garaihtjan fotuns unsarans in wig gawairžjis. |
| 1 | 80 | iž žata barn wohs jah swinžnoda ahmin jah was ana aužidom und dag ustaikneinais seinaizos du Israela. |
| 2 | 1 | Warž žan in dagans jainans, urrann gagrefts fram kaisara Agustau, gameljan allana midjungard. |
| 2 | 2 | soh žan gilstrameleins frumista warž at [wisandin kindina Swriais] raginondin Saurim Kwreinaiau. |
| 2 | 3 | jah iddjedun allai, ei melidai weseina, hwarjizuh in seinai baurg. |
| 2 | 4 | Urrann žan jah Iosef us Galeilaia, us baurg Nazaraiž, in Iudaian, in baurg Daweidis sei haitada Bežla[i]haim, duže ei was us garda fadreinais Daweidis, |
| 2 | 5 | anameljan miž Mariin sei in fragiftim was imma qeins, wisandein inkilžon. |
| 2 | 6 | warž žan, mižžanei žo wesun jainar, usfullnodedun dagos du bairan izai. |
| 2 | 7 | jah gabar sunu seinana žana frumabaur jah biwand ina jah galagida ina in uzetin, unte ni was im rumis in stada žamma. |
| 2 | 8 | jah hairdjos wesun in žamma samin landa, žairhwakandans jah witandans wahtwom nahts ufaro hairdai seinai. |
| 2 | 9 | iž aggilus fraujins anaqam ins jah wulžus fraujins biskain ins, jah ohtedun agisa mikilamma. |
| 2 | 10 | jah qaž du im sa aggilus: ni ogeiž, unte sai, spillo izwis faheid mikila, sei wairžiž allai managein, |
| 2 | 11 | žatei gabaurans ist izwis himma daga nasjands, saei ist Xristus frauja, in baurg Daweidis. |
| 2 | 12 | jah žata izwis taikns: bigitid barn biwundan jah galagid in uzetin. |
| 2 | 13 | jah anaks warž miž žamma aggilau managei harjis himinakundis hazjandane guž jah qižandane: |
| 2 | 14 | wulžus in hauhistjam guda jah ana airžai gawairži in mannam gudis wiljins. |
| 2 | 15 | jah warž, biže galižun fairra im in himin žai aggiljus, jah žai mans žai hairdjos qežun du sis misso: žairhgaggaima ju und Bežlahaim jah saihwaima waurd žata wauržano, žatei frauja gakannida unsis. |
| 2 | 16 | jah qemun sniumjandans jah bigetun Marian jah Iosef jah žata barn ligando in uzetin. |
| 2 | 17 | gasaihwandans žan gakannidedun bi žata waurd žatei rodiž was du im bi žata barn. |
| 2 | 18 | jah allai žai gahausjandans sildaleikidedun bi žo rodidona fram žaim hairdjam du im. |
| 2 | 19 | iž Maria alla gafastaida žo waurda, žagkjandei in hairtin seinamma. |
| 2 | 20 | jah gawandidedun sik žai hairdjos mikiljandans jah hazjandans guž in allaize žizeei gahausidedun jah gasehwun swaswe rodiž was du im. |
| 2 | 21 | jah biže usfulnodedun dagos ahtau du bimaitan ina, jah haitan was namo is Iesus, žata qižano fram aggilau fauržizei ganumans wesi in wamba. |
| 2 | 22 | jah biže usfulnodedun dagos hraineinais ize bi witoda Mosezis, brahtedun ina in Iairusalem, atsatjan faura fraujin, |
| 2 | 23 | swaswe gamelid ist in witoda fraujins: žatei hwazuh gumakundaize uslukands qižu weihs fraujins haitada, |
| 2 | 24 | jah ei gebeina fram imma hunsl, swaswe qižan ist in witoda fraujins, gajuk hraiwadubono aižžau twos juggons ahake. |
| 2 | 25 | žaruh was manna in Iairusalem, žizei namo Swmaion, jah sa manna was garaihts jah gudafaurhts, beidands lažonais Israelis, jah ahma weihs was ana imma. |
| 2 | 26 | jah was imma gataihan fram ahmin žamma weihin ni saihwan daužu, fauržize sehwi Xristu fraujins. |
| 2 | 27 | jah qam in ahmin in žizai alh; jah mižžanei innattauhun berusjos žata barn Iesu, ei tawidedeina bi biuhtja witodis bi ina, |
| 2 | 28 | jah is andnam ina ana armins seinans jah žiužida guda jah qaž: |
| 2 | 29 | nu fraleitais skalk žeinana, [fraujinond] frauja, bi waurda žeinamma in gawairžja; |
| 2 | 30 | žande sehwun augona meina nasein žeina, |
| 2 | 31 | žoei manwides in andwairžja allaizo manageino, |
| 2 | 32 | liuhaž du andhuleinai žiudom jah wulžu managein žeinai Israela. |
| 2 | 33 | jah was Iosef jah aižei is sildaleikjandona ana žaim žoei rodida wesun bi ina. |
| 2 | 34 | jah žiužida ina Swmaion jah qaž du Mariin, aižein is: sai, sa ligiž du drusa jah usstassai managaize in Israela jah du taiknai andsakanai. |
| 2 | 35 | jah žan žeina silbons saiwala žairhgaggiž hairus, ei andhuljaindau us managaim hairtam mitoneis. |
| 2 | 36 | jah was Anna praufeteis, dauhtar Fanuelis, us kunja Aseris; soh framaldra dage managaize libandei miž abin jera sibun fram magažein seinai, |
| 2 | 37 | soh žan widuwo [swe] jere ahtautehund jah fidwor, soh ni afiddja fairra alh fastubnjam jah bidom blotande fraujan nahtam jah dagam. |
| 2 | 38 | soh žizai hweilai atstandandei andhaihait fraujin jah rodida bi ina [in] allaim žaim usbeidandam lažon Iairusaulwmos. |
| 2 | 39 | jah biže ustauhun allata bi witoda fraujins, gawandidedun sik in Galeilaian, in baurg seina Nazaraiž. |
| 2 | 40 | iž žata barn wohs jah swinžnoda ahmins fullnands jah handugeins, jah ansts gudis was ana imma. |
| 2 | 41 | jah wratodedun žai birusjos is jera hwammeh in Iairusalem at dulž paska. |
| 2 | 42 | jah biže warž twalibwintrus, usgaggandam žan im in Iairusaulwma bi biuhtja dulžais, |
| 2 | 43 | jah ustiuhandam žans dagans, mižžane gawandidedun sik aftra, gastož Iesus sa magus in Iairusalem, jah ni wissedun Iosef jah aižei is. |
| 2 | 44 | hugjandona in gasinžjam ina wisan qemun dagis wig jah sokidedun ina in ganižjam jah in kunžam. |
| 2 | 45 | jah ni bigitandona ina gawandidedun sik in Iairusalem sokjandona ina. |
| 2 | 46 | jah warž afar dagans žrins, bigetun ina in alh sitandan in midjaim laisarjam jah hausjandan im jah fraihnandan ins. |
| 2 | 47 | usgeisnodedun žan allai žai hausjandans is ana frodein jah andawaurdjam is. |
| 2 | 48 | jah gasaihwandans ina sildaleikidedun, jah qaž du imma so aižei is: magau, hwa gatawides uns swa? sai, sa atta žeins jah ik winnandona sokidedum žuk. |
| 2 | 49 | jah qaž du im: hwa žatei sokideduž mik? niu wisseduž žatei in žaim attins meinis skulda wisan? |
| 2 | 50 | jah ija ni frožun žamma waurda žatei rodida du im. |
| 2 | 51 | jah iddja miž im jah qam in Nazaraiž, jah was ufhausjands im; jah aižei is gafastaida žo waurda alla in hairtin seinamma. |
| 2 | 52 | jah Iesus žaih frodein jah wahstau jah anstai at guda jah mannam. |
| 3 | 1 | In jera žan fimftataihundin žiudinassaus Teibairiaus kaisaris, raginondin Puntiau Peilatau Iudaia, jah fidurraginja žis Galeilaias Herodeis, Filippauzuh žan brožrs is fidurraginja žis Ituraias jah Trakauneitidaus landis, jah Lwsaniaus Abeilenes fidurraginja, |
| 3 | 2 | at auhmistam gudjam Annin jah Kajafin, warž waurd gudis at Iohannen, Zaxariins sunau, in aužidai. |
| 3 | 3 | jah qam and allans gaujans Iaurdanaus merjands daupein idreigos du fraleta frawaurhte, |
| 3 | 4 | swaswe gamelid ist in bokom waurde Esaeiins praufetaus qižandins: stibna wopjandins in aužidai, manweid wig fraujins, raihtos waurkeiž staigos is; |
| 3 | 5 | all dalei usfulljada jah all fairgunje jah hlaine gahnaiwjada, jah wairžiž žata wraiqo du raihtamma jah usdrusteis du wigam slaihtaim. |
| 3 | 6 | jah gasaihwiž all leike nasein gudis. |
| 3 | 7 | qaž žan du žaim atgaggandeim manageim daupjan fram sis: kuni nadre, hwas gataiknida izwis žliuhan faura žamma anawairžin hatiza? |
| 3 | 8 | waurkjaiž nu akran wairžata idreigos jah ni duginnaiž qižan in izwis: attan aigum Abraham; qiža auk izwis žatei mag guž us stainam žaim urraisjan barna Abrahama. |
| 3 | 9 | ažžan ju so aqizi at waurtim bagme ligiž: all nu bagme unbairandane akran god usmaitada jah in fon galagjada. |
| 3 | 10 | jah frehun ina manageins qižandans: an hwa taujaima? |
| 3 | 11 | andhafjands žan qaž [du im]: sa habands twos paidos gibai žamma unhabandin, jah saei habai matins, samaleiko taujai. |
| 3 | 12 | qemun žan [jah] motarjos daupjan jah qežun du imma: laisari, hwa taujaima? |
| 3 | 13 | žaruh qaž du im: ni waiht ufar žatei garaid sijai izwis, lausjaiž. |
| 3 | 14 | frehun žan ina jah žai militondans qižandans: jah weis hwa taujaima? jah qaž du im: ni mannanhun holož, ni mannanhun anamahtjaid jah waldaiž annom izwaraim. |
| 3 | 15 | at wenjandein žan allai managein jah žagkjandam allaim in hairtam seinaim bi Iohannein, niu aufto sa wesi Xristus, |
| 3 | 16 | andhof žan Iohannes allaim qižands: ik allis izwis watin daupja, iž gaggiž swinžoza mis, žizei ik ni im wairžs andbindan skaudaraip skohis is; sah izwis daupeiž in ahmin weihamma jah funin. |
| 3 | 17 | habands winžiskauron in handau seinai jah gahraineiž gažrask sein jah briggiž kaurn in bansta seinamma, iž ahana intandeiž funin unhwapnandin. |
| 3 | 18 | managuž-žan jah anžar žrafstjands žiužspilloda managein. |
| 3 | 19 | iž Herodes sa taitrarkes gasakans fram imma bi Herodiadein, qen brožrs is, jah bi alla žoei gawaurhta ubila Herodes. |
| 3 | 20 | anaaiauk jah žata ana alla jah galauk Iohannen in karkarai. |
| 3 | 21 | warž žan, biže daupida alla managein, jah at Iesu ufdaupidamma jah bidjandin usluknoda himins, |
| 3 | 22 | jah atiddja ahma sa weiha leikis siunai swe ahaks ana ina, jah stibna us himina warž qižandei: žu is sunus meins sa liuba, in žuzei waila galeikaida. |
| 3 | 23 | jah silba was Iesus swe jere žrije tigiwe uf gakunžai, swaei sunus munds was Iosefis, sunaus Heleis, |
| 3 | 24 | sunaus Matžatis, sunaus Laiwweis, sunaus Mailkeis, sunaus Jannins, sunaus Iosefis, |
| 3 | 25 | sunaus Mattažiwis, sunaus Ammons, sunaus Naumis. sunaus Aizleimis, sunaus Naggais, |
| 3 | 26 | sunaus Mahažis, sunaus Mattažiaus, sunaus Saimaieinis, sunaus Iosefis, sunaus Iodins, |
| 3 | 27 | sunaus Iohannins, sunaus Resins, sunaus Zauraubabilis, sunaus Salažielis, sunaus Nerins, |
| 3 | 28 | sunaus Mailkeins, sunaus Addeins, sunaus Kosamis, sunaus Airmodamis, sunaus Heris, |
| 3 | 29 | sunaus Iosezis, sunaus Aileiaizairis, sunaus Ioreimis, sunaus Mattažanis, sunaus Laiwweis, |
| 3 | 30 | sunaus Swmaions, sunaus Iudins, sunaus Iosefis, sunaus Iohannins, sunaus Aileiakeimis, |
| 3 | 31 | sunaus Mailaianis, sunaus Maeinanis, sunaus Mattažanis, sunaus Nažanis, sunaus Daweidis, |
| 3 | 32 | sunaus Iaissaizis, sunaus Obeidis, sunaus Bauauzis, sunaus Salmonis, sunaus Nahassonis, |
| 3 | 33 | sunaus Ameinadabis, sunaus Aramis, sunaus Aizoris, sunaus Faraizis, sunaus Iudins, |
| 3 | 34 | sunaus Iakobis, sunaus Isakis, sunaus Abrahamis, sunaus Žarins, sunaus Nakoris, |
| 3 | 35 | sunaus Sairokis, sunaus Ragawis, sunaus Falaigis, sunaus Aibairis, sunaus Salamis, |
| 3 | 36 | sunaus Kaeinanis, sunaus Arfaksadis, sunaus Semis, sunaus Nauelis, sunaus Lamaikis, |
| 3 | 37 | sunaus Mažusalis, sunaus Ainokis, sunaus Iaredis, sunaus Malailaielis, sunaus Kaeinanis, |
| 3 | 38 | sunaus Ainosis, sunaus Sedis, sunaus Adamis, sunaus gudis. |
| 4 | 1 | Iž Iesus, ahmins weihis fulls, gawandida sik fram Iaurdanau jah tauhans was in ahmin in aužidai |
| 4 | 2 | dage fidwor tiguns, fraisans fram diabulau. jah ni matida waiht in dagam jainaim, jah at ustauhanaim žaim dagam, biže gredags warž. |
| 4 | 3 | jah qaž du imma diabulus: jabai sunaus sijais gudis, qiž žamma staina ei wairžai hlaibs. |
| 4 | 4 | jah andhof Iesus wižra ina qižands: gamelid ist žatei ni bi hlaib ainana libaid manna, ak bi all waurde gudis. |
| 4 | 5 | jah ustiuhands ina diabulaus ana fairguni hauhata, ataugida imma allans žiudinassuns žis midjungardis in stika melis. |
| 4 | 6 | jah qaž du imma sa diabulus: žus giba žata waldufni žize allata jah wulžu ize, unte mis atgiban ist, jah žishwammeh žei wiljau, giba žata. |
| 4 | 7 | žu nu jabai inweitis mik in andwairžja meinamma, wairžiž žein all. |
| 4 | 8 | jah andhafjands imma Iesus qaž: gamelid ist, fraujan guž žeinana inweitais jah imma ainamma fullafahjais. |
| 4 | 9 | žažroh gatauh ina in Iairusalem jah gasatida ina ana giblin alhs jah qaž du imma: jabai sunus sijais gudis, wairp žuk žažro dalaž; |
| 4 | 10 | gamelid ist auk žatei aggilum seinaim anabiudiž bi žuk du gafastan žuk, |
| 4 | 11 | jah žatei ana handum žuk ufhaband, ei hwan ni gastagqjais bi staina fotu žeinana. |
| 4 | 12 | jah andhafjands qaž imma Iesus žatei qižan ist: ni fraisais fraujan guž žeinana. |
| 4 | 13 | jah ustiuhands all fraistobnjo diabulus, afstož fairra imma und mel. |
| 4 | 14 | jah gawandida sik Iesus in mahtai ahmins in Galeilaian, jah meriža urrann and all gawi bisitande bi ina. |
| 4 | 15 | jah is laisida in gaqumžim ize, mikilids fram allaim. |
| 4 | 16 | jah qam in Nazaraiž, žarei was fodižs, jah galaiž inn bi biuhtja seinamma in daga sabbato in swnagogein jah usstož siggwan bokos. |
| 4 | 17 | jah atgibanos wesun imma bokos Eisseiins praufetus, jah uslukands žos bokos bigat stad, žarei was gamelid: |
| 4 | 18 | ahma fraujins ana mis, in žizei gasalboda mik du wailamerjan unledaim, insandida mik du ganasjan žans gamalwidans hairtin, |
| 4 | 19 | merjan frahunžanaim fralet jah blindaim siun, fraletan gamaidans in gažrafstein, merjan jer fraujins andanem. |
| 4 | 20 | jah faifalž žos bokos jah usgibands andbahta gasat. jah allaim in žizai swnagogein wesun augona fairweitjandona du imma. |
| 4 | 21 | dugann žan rodjan du im žatei himma daga usfullnodedun mela žo in ausam izwaraim. |
| 4 | 22 | jah allai alakjo weitwodidedun imma jah sildaleikidedun bi žo waurda anstais žo usgaggandona us munža is jah qežun: niu sa ist sunus Iosefis? |
| 4 | 23 | jah qaž du im: aufto qižiž mis žo gajukon: žu leiki, hailei žuk silban; hwan filu hausidedum wauržan in Kafarnaum, tawei jah her in gabauržai žeinai. |
| 4 | 24 | qaž žan: amen izwis qiža, žatei ni ainshun praufete andanems ist in gabauržai seinai: |
| 4 | 25 | ažžan bi sunjai qiža izwis žatei managos widuwons wesun in dagam Heleiins in Israela, žan galuknoda himins du jeram žrim jah menožs saihs, swe warž huhrus mikils and alla airža: |
| 4 | 26 | jah ni du ainaihun žizo insandižs was Helias, alja in Saraipta Seidonais du qinon widuwon. |
| 4 | 27 | jah managai žrutsfillai wesun uf Haileisaiu praufetau in Israela, jah ni ainshun ize gahrainids was, alja Naiman sa Saur. |
| 4 | 28 | jah fullai wauržun allai modis in žizai swnagogein hausjandans žata. |
| 4 | 29 | jah usstandans uskusun imma ut us baurg jah brahtedun ina und auhmisto žis fairgunjis ana žammei so baurgs ize gatimrida was, du afdrausjan ina žapro. |
| 4 | 30 | iž is žairhleižands žairh midjans ins iddja. |
| 4 | 31 | jah galaiž in Kafarnaum, baurg Galeilaias jah was laisjands ins in sabbatim. |
| 4 | 32 | jah sildaleikidedun bi žo laisein is, unte in waldufnja was waurd is. |
| 4 | 33 | jah in žizai swnagogein was manna habands ahman unhulžons unhrainjana jah ufhropida, |
| 4 | 34 | qižands: let! hwa uns jah žus, Iesu Nazorenu? qamt fraqistjan unsis? kann žuk, hwas is, sa weiha gudis. |
| 4 | 35 | jah gahwotida imma Iesus qižands: afdobn jah usgagg us žamma. jah gawairpands ina sa unhulža in midjaim urrann af imma, ni waihtai gaskažjands imma. |
| 4 | 36 | jah warž afslaužnan [ana] allans, jah rodidedun du sis misso qižandans: hwa waurde žata, žatei miž waldufnja jah mahtai anabiudiž žaim unhrainjam ahmam jah usgaggand? |
| 4 | 37 | jah usiddja meriža fram imma and allans stadins žis bisunjane landis. |
| 4 | 38 | usstandands žan us žizai swnagogai galaiž in gard Seimonis. swaihro žan žis Seimonis was anahabaida brinnon mikilai, jah bedun ina bi žo. |
| 4 | 39 | jah atstandands ufar ija gasok žizai brinnon, jah aflailot ija. sunsaiw žan usstandandei andbahtida im. |
| 4 | 40 | mižžanei žan sagq sunno, allai swa managai swe habaidedun siukans sauhtim missaleikaim, brahtedun ins at imma: iž is ainhwarjammeh ize handuns analagjands gahailida ins. |
| 4 | 41 | usiddjedun žan jah unhulžons af managaim hropjandeins jah qižandeins žatei žu is Xristus, sunus gudis. jah gasakands im ni lailot žos rodjan, unte wissedun [silban] Xristu ina wisan. |
| 4 | 42 | bižeh žan warž dags, usgaggands galaiž ana aužjana stad, jah manageins sokidedun ina jah qemun und ina jah gahabaidedun ina, ei ni afliži fairra im. |
| 4 | 43 | žaruh is qaž du im žatei jah žaim anžaraim baurgim wailamerjan ik skal bi žiudangardja gudis, unte duže mik insandida. |
| 4 | 44 | jah was merjands in swnagogim Galeilaias. |
| 5 | 1 | Jah warž, mižžanei managei anatramp ina du hausjan waurd gudis, jah is silba was standands nehwa saiwa Gainnesaraiž, |
| 5 | 2 | jah gasahw twa skipa standandona at žamma saiwa, iž fiskjans afgaggandans af im usžwohun natja. |
| 5 | 3 | galaiž žan in ain žize skipe, žatei was Seimonis: haihait ina aftiuhan fairra staža leitil jah gasitands laisida us žamma skipa manageins. |
| 5 | 4 | bižeh žan gaandida rodjands, qaž du Seimonau: brigg ana diupiža, jah athahid žo natja izwara du fiskon. |
| 5 | 5 | jah andhafjands Seimon qaž du imma: talzjand, alla naht žairharbaidjandans waiht ni nemum; iž afar waurda žeinamma wairpam natja. |
| 5 | 6 | jah žata taujandans galukun manageins fiske filu, swe natja dishnupnodedun ize. |
| 5 | 7 | jah bandwidedun gamanam žoei wesun in anžaramma skipa, ei atiddjedeina hilpan ize. jah qemun jah gafullidedun ba žo skipa, swe sugqun. |
| 5 | 8 | gaumjands žan Seimon Paitrus draus du kniwam Iesuis qižands: [bidja žuk] usgagg fairra mis, unte manna frawaurhts im, frauja. |
| 5 | 9 | sildaleik auk dishabaida ina jah allans žans miž imma in gafahis žize fiske žanzei ganutun; |
| 5 | 10 | samaleikoh žan jah Iakobau jah Iohannen, sununs Zaibaidaiaus, žaiei wesun gadailans Seimona. jah qaž du Seimona Iesus: ni ogs žus, fram himma nu manne sind nutans. |
| 5 | 11 | jah gatiuhandans žo skipa ana airža afleitandans allata laistidedun afar imma. |
| 5 | 12 | jah warž, mižžanei was is in ainai baurge, jah sai, manna fulls žrutsfillis jah gasaihwands Iesu driusands ana andwairži bad ina qižands: frauja, jabai wileis, magt mik gahrainjan. |
| 5 | 13 | jah ufrakjands handu attaitok imma qižands: wiljau, wairž hrains. jah suns žata žrutsfill aflaiž af imma. |
| 5 | 14 | jah is faurbaud imma ei mann ni qeži; ak gagg jah ataugei žuk silban gudjin jah atbair imma fram žizai gahraineinai žeinai žatei anabaud Moses du weitwodižai im. |
| 5 | 15 | usmernoda žan žata waurd mais bi ina, jah garunnun hiuhmans managai hausjon jah leikinon fram imma sauhte seinaizo. |
| 5 | 16 | iž is was afleižands ana aužidos jah bidjands. |
| 5 | 17 | jah warž in ainamma dage, jah is was laisjands. jah wesun sitandans Fareisaieis jah witodalaisarjos, žaiei wesun gaqumanai us allamma haimo Galeilaias jah Iudaias jah Iairusaulwmon; jah mahts fraujins was du hailjan ins. |
| 5 | 18 | jah sai mans bairandans ana ligra mannan saei was usliža, jah sokidedun hwaiwa ina innatbereina jah galagidideina in andwairžja is. |
| 5 | 19 | jah ni bigitandans hwaiwa innatbereina ina in manageins, ussteigandans ana hrot and skaljos, gasatidedun ina miž žamma badja in midjaim faura Iesua. |
| 5 | 20 | jah gasaihwands galaubein ize qaž du žamma usližin: manna, afleitanda žus frawaurhteis žeinos. |
| 5 | 21 | jah dugunnun žagkjan žai bokarjos jah Fareisaieis qižandans: hwas ist sa, saei rodeiž naiteinins? hwas mag afletan frawaurhtins, alja ains guž? |
| 5 | 22 | ufkunnands žan Iesus mitonins ize andhafjands qaž du im: hwa bižagkeiž in hairtam izwaraim? |
| 5 | 23 | hwažar ist azetizo qižan: afletanda žus frawaurhteis, žau qižan: urreis jah gagg? |
| 5 | 24 | ažžan ei witeid žatei waldufni habaid sa sunus mans ana airžai afletan frawaurhtins, qaž du žamma usližin: du žus qiža, urreis jah ushafjands žata badi žeinata gagg in gard žeinana. |
| 5 | 25 | jah sunsaiw usstandands in andwairžja ize, ushafjands ana žammei lag, galaiž in gard seinana mikiljands guž. |
| 5 | 26 | jah usfilmei dissat allans, jah mikilidedun guž jah fullai wauržun agisis qižandans žatei gasaihwam wulžaga himma daga. |
| 5 | 27 | jah afar žata usiddja jah gasahw motari, namin Laiwwi, sitandan ana motastada, jah qaž du imma: laistei afar mis. |
| 5 | 28 | jah bileižands allaim, usstandands iddja afar imma. |
| 5 | 29 | jah gawaurhta dauht mikila Laiwweis imma in garda seinamma, jah was managei motarje mikila jah anžaraize, žaiei wesun miž im anakumbjandans. |
| 5 | 30 | jah birodidedun bokarjos ize jah Fareisaieis du siponjam is qižandans: duhwe miž žaim motarjam jah frawaurhtaim matjid jah drigkid? |
| 5 | 31 | jah andhafjands Iesus qaž du im: ni žaurbun hailai leikeis, ak žai unhailans. |
| 5 | 32 | ni qam lažon garaihtans, ak frawaurhtans in idreiga. |
| 5 | 33 | iž eis qežun du imma: duhwe siponjos Iohannes fastand ufta jah bidos taujand, samaleiko jah Fareisaiei, iž žai žeinai siponjos matjand jah drigkand? |
| 5 | 34 | žaruh is qaž du im: ni magud sununs bružfadis, unte sa bružfads miž im ist, gataujan fastan. |
| 5 | 35 | ažžan qimand dagos, jah žan afnimada af im sa bružfads, jah žan fastand in jainaim dagam. |
| 5 | 36 | qažuh žan jah gajukon du im, žatei ainshun plat snagins niujis ni lagjid ana snagan fairnjana, aižžau jah sa niuja aftaurnid, jah žamma fairnjin ni gatimid žata af žamma niujin. |
| 5 | 37 | jah ainshun ni giutid wein niujata in balgins fairnjans, aižžau distairid žata niujo wein žans balgins jah silbo usgutniž, jah žai balgeis fraqistnand; |
| 5 | 38 | ak wein juggata in balgins niujans giutand, jah bajožs gafastanda. |
| 5 | 39 | jah ainshun drigkandane fairni, ni suns wili jugg; qižiž auk: žata fairnjo batizo ist. |
| 6 | 1 | Jah warž in sabbato anžaramma frumin gaggan imma žairh atisk, jah raupidedun ahsa siponjos is jah matidedun bnauandans handum. |
| 6 | 2 | iž sumai Fareisaie qežun du im: hwa taujid žatei ni skuld ist taujan in sabbato dagam? |
| 6 | 3 | jah andhafjands wižra ins Iesus qaž: ni žata ussuggwud žatei gatawida Daweid, žan gredags was, silba jah žaiei miž imma wesun? |
| 6 | 4 | hwaiwa inngalaiž in gard gudis jah hlaibans faurlageinais usnam jah matida jah gaf žaim miž sis wisandam, žanzei ni skuld ist matjan, nibai ainaim gudjam? |
| 6 | 5 | jah qaž du im žatei frauja ist sa sunus mans jah žamma sabbato daga. |
| 6 | 6 | jah warž žan in anžaramma daga sabbato galeižan imma in swnagogein jah laisjan. jah was jainar manna, jah handus is so taihswo was žaursus. |
| 6 | 7 | witaidedunuh žan žai bokarjos jah Fareisaieis, jau in sabbato daga leikinodedi, ei bigeteina til du wrohjan ina. |
| 6 | 8 | iž is wissuh mitonins ize jah qaž du žamma mann, žamma žaursja habandin handu: urreis jah stand in midjaim. žaruh is urreisands gastož. |
| 6 | 9 | qaž žan Iesus du im: fraihna izwis hwa skuld ist sabbato dagam, žiuž taujan žau unžiuž taujan, saiwala ganasjan žau usqistjan? |
| 6 | 10 | jah ussaihwands allans ins qaž du imma: ufrakei žo handu žeina. žaruh is ufrakida, jah gastož so handus is, swaswe so anžara. |
| 6 | 11 | iž eis fullai wauržun unfrodeins jah rodidedun du sis misso hwa tawidideina žamma Iesua. |
| 6 | 12 | jah warž in dagam žaim, ei usiddja Iesus in fairguni bidjan; jah was naht žairwakands in bidai gudis. |
| 6 | 13 | jah biže warž dags, atwopida siponjans seinans jah gawaljands us im twalib, žanzei jah apaustuluns namnida: |
| 6 | 14 | Seimon žanei jah namnida Paitru, jah Andraian brožar is; Iakobu jah Iohannen, Filippu jah Baržulomaiu; |
| 6 | 15 | Mažžaiu jah Žoman, Iakobu žana Alfaius jah Seimon žana haitanan Zeloten; |
| 6 | 16 | Iudan Iakobaus jah Iudan Iskarioten, saei jah warž galewjands ina. |
| 6 | 17 | jah atgaggands dalaž miž im gastož ana stada ibnamma jah hiuma siponje is jah hansa mikila manageins af allamma Iudaias jah Iairusalem jah žize faur marein Twre jah Seidone [jah anžaraizo baurge], |
| 6 | 18 | žaiei qemun hausjan imma jah hailjan sik sauhte seinaizo; jah žai anahabaidans fram ahmam unhrainjaim, jah gahailidai wauržun. |
| 6 | 19 | jah alla managei sokidedun attekan imma, unte mahts af imma usiddja jah ganasida allans. |
| 6 | 20 | jah is ushafjands augona seina du siponjam seinaim qaž: audagai jus unledans ahmin, unte izwara ist žiudangardi himine. |
| 6 | 21 | audagai jus gredagans nu, unte sadai wairžiž. audagai jus gretandans nu, unte ufhlohjanda. |
| 6 | 22 | audagai sijuž, žan fijand izwis mans jah afskaidand izwis jah idweitjand jah uswairpand namin izwaramma swe ubilamma in sunaus mans; |
| 6 | 23 | faginod in jainamma daga jah laikid, unte sai, mizdo izwara managa in himinam; bi žamma auk tawidedun praufetum attans ize. |
| 6 | 24 | ažžan wai izwis žaim gabeigam, unte ju habaid gažlaiht izwara. |
| 6 | 25 | wai izwis, jus sadans nu, unte gredagai wairžiž; wai izwis, jus hlahjandans nu, unte gaunon jah gretan duginnid. |
| 6 | 26 | wai, žan waila izwis qižand allai mans; samaleiko allis tawidedun galiugapraufetum attans ize. |
| 6 | 27 | akei izwis qiža žaim hausjandam: frijod žans hatandans izwis; waila taujaid žaim fijandam izwis. |
| 6 | 28 | žiužjaiž žans fraqižandans izwis; bidjaid fram žaim anamahtjandam izwis. |
| 6 | 29 | žamma stautandin žuk bi kinnu, galewei imma jah anžara; jah žamma nimandin af žus wastja, jah paida ni warjais. |
| 6 | 30 | hwammeh žan bidjandane žuk gif jah af žamma nimandin žein ni lausei. |
| 6 | 31 | jah swaswe wileid ei taujaina izwis mans, jah jus taujaid im samaleiko. |
| 6 | 32 | ažžan jabai frijod žans frijondans izwis, hwa izwis laune ist? jah auk žai frawaurhtans žans frijondans sik frijond. |
| 6 | 33 | jah jabai žiuž taujaid žaim žiuž taujandam izwis, hwa izwis laune ist? jah auk žai frawaurhtans žata samo taujand. |
| 6 | 34 | jah jabai leihwid fram žaimei weneid andniman, hwa izwis laune ist? jah auk frauwaurhtai frawaurhtaim leihwand, ei andnimaina samalaud. |
| 6 | 35 | swežauh frijod žans fijands izwarans, žiuž taujaid jah leihwaid ni waihtais uswenans, jah wairžiž mizdo izwara managa, jah wairžiž sunjus hauhistins, unte is gods ist žaim unfagram jah unseljam. |
| 6 | 36 | wairžaid bleižjandans, swaswe jah atta izwar bleižs ist. |
| 6 | 37 | jah ni stojid, ei ni stojaindau; ni afdomjaid, jah ni afdomjanda; fraletaid, jah fraletanda. |
| 6 | 38 | gibaid, jah gibada izwis, mitads guda jah ufarfulla jah gawigana jah ufargutana gibada in barm izwarana; žizai auk samon mitadjon žizaiei mitid mitada izwis. |
| 6 | 39 | qažuh žan gajukon im: ibai mag blinds blindana tiuhan? niu bai in dal gadriusand? |
| 6 | 40 | nist siponeis ufar laisari seinana; iž gamanwids hwarjizuh wairžai swe laisaris is. |
| 6 | 41 | ažžan hwa gaumeis gramsta in augin brožrs žeinis, iž anza in žeinamma augin ni gaumeis? |
| 6 | 42 | aižžau hwaiwa magt qižan du brožr žeinamma: brožar let, ik uswairpa gramsta žamma in augin žeinamma, silba in augin žeinamma anza ni gaumjands? liuta, uswairp fauržis žamma anza us augin žeinamma, jah žan gaumjais uswairpan gramsta žamma in augin brožrs žeinis. |
| 6 | 43 | ni auk ist bagms gods taujands akran ubil, nih žan bagms ubils taujands akran god. |
| 6 | 44 | hwarjizuh raihtis bagme us swesamma akrana uskunžs ist; ni auk us žaurnum lisand[a] smakkans, nih žan us aihwatundjai trudand[a] weinabasja. |
| 6 | 45 | žiužeigs manna us žiužeigamma huzda hairtins seinis usbairid žiuž, jah ubils manna us ubilamma hairtins seinis usbairid ubil: uzuh allis ufarfullein hairtins rodeid munžs is. |
| 6 | 46 | ažžan hwa mik haitid frauja, frauja! jah ni taujid žatei qiža? |
| 6 | 47 | hwazuh sa gaggands du mis jah hausjands waurda meina jah taujands žo, ataugja izwis hwamma galeiks ist. |
| 6 | 48 | galeiks ist mann timrjandin razn, saei grob jah gadiupida jah gasatida grunduwaddjau ana staina. at garunjon žan wauržanai bistagq ahwa bi jainamma razna jah ni mahta gawagjan ita; gasulid auk was ana žamma staina. |
| 6 | 49 | iž sa hausjands jah ni taujands galeiks ist mann timrjandin razn ana airžai inuh grunduwaddju, žatei bistagq flodus, jah suns gadraus, jah warž so uswalteins žis raznis mikila. |
| 7 | 1 | Biže žan usfullida alla žo waurda seina in hliumans manageins, galaiž in Kafarnaum. |
| 7 | 2 | hundafade žan sumis skalks siukands swultawairžja [was], saei was imma swers. |
| 7 | 3 | gahausjands žan bi Iesu insandida du imma sinistans Iudaie, bidjands ina ei qimi jah ganasidedi žana skalk is. |
| 7 | 4 | iž eis qimandans at Iesua bedun ina usdaudo, qižandans žatei wairžs ist, žammei fragibis žata; |
| 7 | 5 | unte frijož žiuda unsara, jah swnagogein is gatimrida unsis. |
| 7 | 6 | iž Iesus iddjuh miž im. jah južan ni fairra wisandin imma žamma garda, insandida du imma sa hundafads frijonds, qižands du imma: frauja, ni draibei žuk, unte ni im wairžs ei uf hrot mein inngaggais. |
| 7 | 7 | dužei ni mik silban wairžana rahnida at žus qiman; ak qiž waurda, jah gahailnid sa žiumagus meins. |
| 7 | 8 | jah žan auk ik manna im uf waldufnja gasatids, habands uf mis silbin gadrauhtins; jah qiža du žamma: gagg, jah gaggid; jah anžaramma: qim her, jah qimid; jah du skalka meinamma: tawei žata, jah taujid. |
| 7 | 9 | gahausjands žan žata Iesus sildaleikida ina jah wandjands sik du žizai afarlaistjandein sis managein qaž: amen, qiža izwis, ni in Israela swalauda galaubein bigat. |
| 7 | 10 | jah gawandjandans sik žai insandidans du garda bigetun žana siukan skalk hailana. |
| 7 | 11 | jah warž in žamma afardaga, iddja in baurg namnida Naem; jah mididdjedun imma siponjos is ganohai jah manageins filu. |
| 7 | 12 | bižeh žan nehwa was daura žizos baurgs, žaruh sai, utbaurans was naus, sunus ainaha aižein seinai, jah si silbo widowo, jah managei žizos baurgs ganoha miž izai. |
| 7 | 13 | jah gasaihwands žo frauja [Iesus] infeinoda du izai jah qaž du izai: ni gret! |
| 7 | 14 | jah duatgaggands attaitok hwilftrjom; iž žai bairandans gastožun; jah qaž: juggalaud, du žus qiža: urreis! |
| 7 | 15 | jah ussat sa naus jah dugann rodjan. jah atgaf ina aižein is. |
| 7 | 16 | dissat žan allans agis, jah mikilidedun guž, qižandans žatei praufetus mikils urrais in unsis, jah žatei gaweisoda guž manageins seinaizos. |
| 7 | 17 | jah usiddja žata waurd and alla Iudaia bi ina jah and allans bisitands. |
| 7 | 18 | jah gataihun Iohannen siponjos is bi alla žo. |
| 7 | 19 | jah athaitands twans siponje seinaize Iohannes insandida ins du Iesua qižands: žū is sa qimanda žau anžaranu wenjaima? |
| 7 | 20 | qimandans žan at imma žai wairos qežun: Iohannes sa daupjands insandida ugkis du žus, qižands: žū is sa qimanda žau anžaranu wenjaima? |
| 7 | 21 | inuh žan žizai hweilai gahailida managans af sauhtim jah slahim jah ahmane ubilaize jah blindaim managaim fragaf siun. |
| 7 | 22 | jah andhafjands Iesus qaž du im: gaggandans gateihats Iohannen žatei gasehwuts jah gahausideduts, žatei blindai ussaihwand, haltai gaggand, žrutsfillai gahrainjanda, baudai gahausjand, naweis urreisand, unledai wailamerjanda; |
| 7 | 23 | jah audags ist sahwazuh saei ni gamarzjada in mis. |
| 7 | 24 | at galeižandam žan žaim airum Iohannes dugann rodjan du manageim bi Iohannen: hwa usiddjeduž in aužida saihwan? raus fram winda wagid? |
| 7 | 25 | akei hwa usiddjeduž saihwan? mannan in hnasqjaim wastjom gawasidana? sai, žai in wastjom wulžagaim jah fodeinai wisandans in žiudangardjom sind. |
| 7 | 26 | akei hwa usiddjeduž saihwan? praufetu? jai, qiža izwis, jah mais praufetu. |
| 7 | 27 | sa ist, bi žanei gamelid ist: sai, ik insandja aggilu meinana faura andwairžja žeinamma, saei gamanweid wig žeinana faura žus. |
| 7 | 28 | qiža allis izwis, maiza in baurim qinono praufetus Iohanne žamma daupjandin ainshun nist; iž sa minniza [imma] in žiudangardjai gudis maiza imma ist. |
| 7 | 29 | jah alla managei gahausjandei jah motarjos garaihtana domidedun guž, ufdaupidai daupeinai Iohannis. |
| 7 | 30 | iž Fareisaieis jah witodafastjos runa gudis fraqežun ana sik, ni daupidai fram imma. |
| 7 | 31 | hwe nu galeiko žans mans žis kunjis, jah hwe sijaina galeikai? |
| 7 | 32 | galeikai sind barnam žaim in garunsai sitandam jah wopjandam seina misso jah qižandam: swiglodedum izwis jah ni plinsideduž, gaunodedum izwis jan ni gaigrotuž. |
| 7 | 33 | urrann raihtis Iohannes sa daupjands, nih hlaif matjands nih wein drigkands, jah qižiž: unhulžon habaiž. |
| 7 | 34 | urrann sunus mans matjands jah drigkands, jah qižiž: sai, manna afetja jah weindrugkja, frijonds motarje jah frawaurhtaize. |
| 7 | 35 | jah gasunjoda warž handugei fram barnam seinaim allaim. |
| 7 | 36 | baž žan ina sums Fareisaie ei matidedi miž imma; jah atgaggands in gard žis Fareisaiaus anakumbida. |
| 7 | 37 | žaruh sai, qino in žizai baurg. sei was frawaurhta, jah ufkunnandei žatei anakumbida in razna žis Fareisaiaus, briggandei alabalstraun balsanis |
| 7 | 38 | jah standandei faura fotum is aftaro greitandei, dugann natjan fotuns is tagram jah skufta haubidis seinis biswarb jah kukida fotum is jah gasalboda žamma balsana. |
| 7 | 39 | gasaihwands žan sa Fareisaius, saei haihait ina, rodida sis ains qižands: sa iž wesi praufetus, ufkunžedi žau, hwo jah hwileika so qino sei tekiž imma, žatei frawaurhta ist. |
| 7 | 40 | jah andhafjands Iesus qaž du Paitrau: Seimon, skal žus hwa qižan. iž is qaž: laisari, qiž! |
| 7 | 41 | twai dulgis skulans wesun dulgahaitjin sumamma; ains skulda skatte fimf hunda, iž anžar fimf tiguns. |
| 7 | 42 | ni habandam žan [im] hwažro usgebeina, baim fragaf. hwažar nu žize, qiž, mais ina frijod? |
| 7 | 43 | andhafjands žan Seimon qaž: žana gawenja žammei managizo fragaf. žaruh is qaž du imma: raihtaba stauides. |
| 7 | 44 | jah gawandjands sik du žizai qinon qaž du Seimona: gasaihwis žo qinon? atgaggandin in gard žeinana wato mis ana fotuns meinans ni gaft; iž is tagram seinaim ganatida meinans fotuns jah skufta seinamma biswarb. |
| 7 | 45 | ni kukides mis; iž si, fram žammei innatiddja, ni swaif bikukjan fotuns meinans. |
| 7 | 46 | alewa haubid meinata ni salbodes; iž si balsana gasalboda fotuns meinans. |
| 7 | 47 | in žizei qiža žus: afletanda frawaurhteis izos žos managons, unte frijoda filu; iž žammei leitil fraletada, leitil frijod. |
| 7 | 48 | qažuh žan du izai: afletanda žus frawaurhteis žeinos. |
| 7 | 49 | jah dugunnun žai mižanakumbjandans qižan in sis silbam: hwas sa ist saei [jah] frawaurhtins afletai? |
| 7 | 50 | iž is qaž žan du žizai qinon: galaubeins žeina ganasida žuk, gagg in gawairži. |
| 8 | 1 | Jah warž biže [afar žata], ei jah is wratoda and baurgs jah haimos merjands jah wailaspillonds žiudangardja gudis, jah žai twalib miž imma, |
| 8 | 2 | jah qinons žozei wesun galeikinodos ahmane ubilaize jah sauhte, jah Marja sei haitana was Magdalene, us žizaiei usiddjedun unhulžons sibun, |
| 8 | 3 | jah Iohanna, qens Kusins, fauragaggjins Herodes, jah Susanna jah anžaros managos, žozei andbahtededun im us aiginam seinaim. |
| 8 | 4 | gaqumanaim žan hiumam managaim jah žaim žaiei us baurgim gaļddjedun du imma, qaž žairh gajukon: |
| 8 | 5 | urrann saiands du saian fraiwa seinamma; jah mižžanei saiso, sum gadraus faur wig jah gatrudan warž, jah fuglos himinis fretun žata. |
| 8 | 6 | jah anžar gadraus ana staina jah uskijanata gažaursnoda, in žizei ni habaida qrammiža. |
| 8 | 7 | jah sum gadraus in midumai žaurniwe, jah mižuskeinandans žai žaurnjus afhwapidedun žata. |
| 8 | 8 | jah anžar gadraus ana airžai godai jah uskeinoda jah tawida akran taihuntaihundfalž. žata žan qižands ufwopida: saei habai ausona du hausjan, gahausjai. |
| 8 | 9 | frehun žan ina siponjos is qižandans, hwa sijai so gajuko. |
| 8 | 9 | atiddjedun žan du imma aižei jah brožrjus is jah ni mahtedun andqižan imma faura managein. |
| 8 | 10 | iž is qaž: izwis atgiban ist kunnan runos žiudinassaus gudis; iž žaim anžaraim in gajukom, ei saihwandans ni gasaihwaina, jah gahausjandans ni fražjaina. |
| 8 | 11 | ažžan žata ist so gajuko: žata fraiw ist waurd gudis. |
| 8 | 12 | iž žai wižra wig sind žai hausjandans; žažroh qimiž diabulus jah usnimiž žata waurd af hairtin ize, ei galaubjandans ni ganisaina. |
| 8 | 13 | iž žai ana žamma staina, ize žan hausjand, miž faheidai andnimand žata waurd, jah žai waurtins ni haband, žaiei du mela galaubjand jah in mela fraistubnjos afstandand. |
| 8 | 14 | iž žata in žaurnuns gadriusando žai sind žai[ei] gahausjandans jah af saurgom jah gabein jah gabaurjožum žizos libainais gaggandans afhwapnand jah ni gawrisqand. |
| 8 | 15 | iž žata ana žizai godon airžai žai sind žai ize in hairtin godamma jah seljamma gahausjandans žata waurd gahaband jah akran bairand in žulainai. |
| 8 | 16 | ažžan ni manna lukarn tandjands dishuljiž ita kasa aižžau uf ligr [ga]satjiž, ak ana lukarnastažin [ga]satjiž, ei žai inngaggandans saihwaina liuhad. |
| 8 | 17 | ni auk ist analaugn, žatei swikunž ni wairžai, nih fulgin, žatei ni gakunnaidau jah in swekunžamma qimai. |
| 8 | 18 | saihwiž nu hwaiwa hauseiž; unte saei habaiž, gibada imma, jah saei ni habaiž, jah žatei žugkeiž haban, afnimada af imma. l |
| 8 | 20 | jah gataihan warž imma žatei aižei žeina jah brožrjus žeinai standand uta gasaihwan žuk gairnjandona. |
| 8 | 21 | iž is andhafjands qaž du im: aižei meina jah brožrjus meinai žai sind, žai waurd gudis gahausjandans jah taujandans. |
| 8 | 22 | warž žan in ainamma žize dage, jah is galaiž in skip jah siponjos is, jah qaž du im: galeižam hindar žana marisaiw! jah galižun. |
| 8 | 23 | žaruh žan swe faridedun, anasaislep; jah atiddja skura windis in žana marisaiw, jah gafullnodedun jah birekjai wauržun. |
| 8 | 24 | duatgaggandans žan urraisidedun ina qižandans: talzjand, fraqistnam! iž is urreisands gasok winda jah žamma wega watins; jah anaslawaidedun jah warž wis. |
| 8 | 25 | qaž žan du im: hwar ist galaubeins izwara? ogandans žan sildaleikidedun qižandans du sis misso: hwas siai sa, ei jah windam faurbiudiž jah watnam, jah ufhausjand imma? |
| 8 | 26 | jah atfaridedun in gawi Gaddarene, žatei ist wižrawairž Galeilaia. |
| 8 | 27 | usgaggandin žan imma ana airža, gamotida imma wair sums us baurg saei habaida unhulžons mela lagga jah wastjom ni gawasižs was jah in garda ni gawas, ak in hlaiwasnom. |
| 8 | 28 | gasaihwands žan Iesu jah ufhropjands draus du imma jah stibnai mikilai qaž: hwa mis jah žus, Iesu, sunau gudis hauhistins? bidja žuk, ni balwjais mis. |
| 8 | 29 | unte anabaud ahmin žamma unhrainjin usgaggan af žamma mann; manag auk mel frawalw ina, jah bundans was eisarnabandjom jah fotubandjom fastaižs was, jah dishniupands žos bandjos draibižs was fram žamma unhulžin ana aužidos. |
| 8 | 30 | frah žan ina Iesus qižands: hwa ist namo žein? žaruh qaž: harjis; unte unhulžons managos galižun in ina. |
| 8 | 31 | jah bad ina ei ni anabudi im in afgrundiža galeižan. |
| 8 | 32 | wasuž-žan jainar hairda sweine managaize haldanaize in žamma fairgunja; jah bedun ina ei uslaubidedi im in žo galeižan. jah uslaubida im. |
| 8 | 33 | usgaggandans žan suns žai unhulžans af žamma mann galižun in žo sweina, jah rann sa wrižus and driuson in žana marisaiw jah afhwapnodedun. |
| 8 | 34 | gasaihwandans žan žai haldandans žata wauržano gažlauhun jah gataihun in baurg jah in weihsa. |
| 8 | 35 | usiddjedun žan saihwan žata wauržano jah qemun at Iesua jah bigetun sitandan žana mannan af žammei unhulžons usiddjedun, gawasidana jah fražjandan faura fotum Iesuis, jah ohtedun. |
| 8 | 36 | gataihun žan im jah žai gasaihwandans hwaiwa ganas sa daimonareis. |
| 8 | 37 | jah bedun ina allai gaujans žize Gaddarene galeižan fairra sis, unte agisa mikilamma dishabaidai wesun. iž is galeižands in skip gawandida sik. |
| 8 | 38 | baž žan ina sa wair af žammei žos unhulžons usiddjedun, ei wesi miž imma; fralailot žan ina Iesus qižands: |
| 8 | 39 | gawandei žuk du garda žeinamma jah usspillo hwan filu gatawida žus guž. jah galaiž and baurg alla merjands hwan filu gatawida imma Iesus. |
| 8 | 40 | warž žan, mižžanei gawandida sik Iesus, andnam ina managei; wesun auk allai beidandans is. |
| 8 | 41 | jah sai, qam wair žizei namo Iaeirus, sah fauramažleis swnagogais was, jah driusands faura fotum Iesuis bad ina gaggan in gard seinana; |
| 8 | 42 | unte dauhtar ainoho was imma swe wintriwe twalibe, jah so swalt. mižžanei žan iddja is, manageins žraihun ina. |
| 8 | 43 | jah qino wisandei in runa bložis jera twalif, soei in lekjans fraqam allamma aigina seinamma, jah ni mahta was fram ainomehun galeikinon, |
| 8 | 44 | atgaggandei du aftaro attaitok skauta wastjos is, jah suns gastož sa runs bložis izos. |
| 8 | 45 | jah qaž Iesus: hwas sa tekands mis? laugnjandam žan allaim qaž Paitrus jah žai miž imma: talzjand, manageins bihwairband žuk jah žreihand, jah qižis: hwas sa tekands mis? |
| 8 | 46 | žaruh is qaž: taitok mis sums; ik auk ufkunža maht usgaggandein af mis. |
| 8 | 47 | gasaihwandei žan so qino žatei ni galaugnida, reirandei [qam] jah atdriusandei du imma, in žizei attaitok imma, gataih imma in andwairžja allaizos manageins jah hwaiwa gahailnoda suns. |
| 8 | 48 | iž Iesus qaž du izai: žrafstei žuk, dauhtar: galaubeins žeina ganasida žuk; gagg in gawairžja. |
| 8 | 49 | nauhžan imma rodjandin gaggiž sums manne fram žis fauramažleis swnagogas, qižands du imma žatei gadaužnoda dauhtar žeina; ni draibei žana laisari. |
| 8 | 50 | iž is gahausjands andhof imma qižands: ni faurhtei; žatainei galaubei, jah ganasjada. |
| 8 | 51 | qimands žan in garda ni fralailot ainohun inngaggan, alja Paitru jah Iakobu jah Iohannen jah žana attan žizos maujos jah aižein. |
| 8 | 52 | gaigrotun žan allai jah faiflokun žo. žaruh qaž: ni gretiž, unte ni gaswalt, ak slepiž. |
| 8 | 53 | jah bihlohun ina gasaihwandans žatei gaswalt. |
| 8 | 54 | žanuh is usdreibands allans ut jah fairgreipands handu izos wopida qižands: mawi, urreis! |
| 8 | 55 | jah gawandida ahman izos, jah ustož suns. jah anabaud izai giban mat. |
| 8 | 56 | jah usgeisnodedun fadrein izos; iž is faurbaud im ei mann ni qižeina žata wauržano. |
| 9 | 1 | Gahaitands žan žans twalif apaustauluns atgaf im maht jah waldufni ufar allaim unhulžom jah sauhtins gahailjan. |
| 9 | 2 | jah insandida ins merjan žiudangardja gudis jah gahailjan allans žans unhailans. |
| 9 | 3 | jah qaž du im: ni waiht nimaiž in wig; nih waluns nih matibalg nih hlaib nih skattans, nih žan tweihnos paidos haban. |
| 9 | 4 | jah in žanei gard gaggaiž, žar saljiž jah žažroh usgaggaiž. |
| 9 | 5 | jah swa managai swe ni andnimaina izwis, usgaggandans us žizai baurg jainai jah mulda af fotum izwaraim afhrisjaiž du weitwodižai ana ins. |
| 9 | 6 | usgaggandans žan žairhiddjedun and haimos wailamerjandans jah leikinondans and all. |
| 9 | 7 | gahausida žan Herodis sa taitrarkes žo wauržanona fram imma alla jah žahta, unte qežun sumai žatei Iohannes urrais us daužaim. |
| 9 | 8 | sumai žan qežun [žatei] Helias ataugida sik; sumaiuž-žan žatei praufetus sums žize airizane usstož. |
| 9 | 9 | jah qaž Herodes: Iohannau ik haubiž afmaimait, iž hwas ist sa, bi žanei ik hausja swaleik? jah sokida ina gasaihwan. |
| 9 | 10 | jah gawandjandans sik apaustauleis usspillodedun imma, swa filu swe gatawidedun. jah andnimands ins afiddja sundro ana staž aužjana baurgs namnidaizos Baidsaiļdan. |
| 9 | 11 | iž žos manageins finžandeins laistidedun afar imma, jah andnimands ins rodida du im žo bi žiudangardja gudis jah žans žarbans leikinassaus gahailida. |
| 9 | 12 | žanuh dags južan dugann hneiwan. atgaggandans žan du imma žai twalif qežun du imma: fralet žo managein, ei galeižandans in žos bisunjane haimos jah weihsa saljaina jah bugjaina sis matins, unte her in aužjamma stada sium. |
| 9 | 13 | žanuh qaž du im: gibiž im jus matjan. iž eis qežun du imma: nist hindar uns maizo fimf hlaibam, jah fiskos twai, niba žau žatei weis gaggandans bugjaima allai žizai manaseidai matins. |
| 9 | 14 | wesun auk swe fimf žusundjos waire. qaž žan du siponjam seinaim: gawaurkeiž im anakumbjan kubituns, ana hwarjanoh fimf tiguns. |
| 9 | 15 | jah gatawidedun swa jah gatawidedun anakumbjan allans. |
| 9 | 16 | nimands žan žans fimf hlaibans jah twans fiskans, insaihwands du himina gažiužida ins jah gabrak jah gaf siponjam du faurlagjan žizai managein. |
| 9 | 17 | jah matidedun jah sadai wauržun allai; jah ushafan warž, žatei aflifnoda im gabruko, tainjons twalif. |
| 9 | 18 | jah warž, mižžanei was is bidjands sundro, gamotidedun imma siponjos is, jah frah ins qižands: hwana mik qižand wisan žos manageins? |
| 9 | 19 | iž eis andhafjandans qežun: Iohannen žana daupjand, anžarai žan Heleian, sumai žan žatei praufetus sums žize airizane usstož. |
| 9 | 20 | qaž žan du im: ažžan jus hwana mik qižiž wisan? andhafjands žan Paitrus qaž: žu is Xristus, sunus gudis. |
| 9 | 21 | iž is žan gahwotjands im faurbauž ei mann ni qižeina žata; |
| 9 | 22 | qižands žatei skal sunus mans manag winnan jah uskusans fram sinistam wairžan jah gudjam jah bokarjam jah usqiman jah žridjin daga urreisan. |
| 9 | 23 | qaž žan du allaim: jabai hwas wili afar mis gaggan, afaikai sik silban jah nimai galgan seinana dag hwanoh jah laistjai mik. |
| 9 | 24 | saei allis wili saiwala seina nasjan, fraqisteiž izai; ažžan saei fraqisteiž saiwalai seinai in meina, ganasjiž žo. |
| 9 | 25 | hwo allis žaurfte gataujiž sis manna, gageigands žo manased alla, iž sis silbin fraqistjands aižžau gasleižjands? |
| 9 | 26 | saei allis skamaiž sik meina aižžau meinaize waurde, žizuh sunus mans skamaid sik, biže qimiž in wulžu seinamma jah attins jah žize weihane aggele. |
| 9 | 27 | qižuh žan izwis sunja: sind sumai žize her standandane, žaiei ni kausjand daužau, unte gasaihwand žiudinassau gudis. |
| 9 | 28 | wauržun žan afar žo waurda swe dagos ahtau, ganimands Paitru jah Iakobu jah Iohannen usiddja in fairguni bidjan. |
| 9 | 29 | jah warž, mižžanei baž is, siuns andwairžjis is anžara jah gawaseins is hweita skeinandei. |
| 9 | 30 | jah sai, wairos twai mižrodidedun imma, žaiei wesun Moses jah Helias; |
| 9 | 31 | žai gasaihwanans in wulžau qežun urruns is, žoei skulda usfulljan in Iairusalem. |
| 9 | 32 | iž Paitrus jah žai miž imma wesun kauridai slepa: gawaknandans žan gesehwun wulžu is jah žans twans wairans žans mižstandandans imma. |
| 9 | 33 | jah warž, mižžanei afskaiskaidun sik af imma, qaž Paitrus du Iesua: talzjand, god ist unsis her wisan, jah gawaurkjaima hleižros žrins, aina žus jah aina Mose jah aina Helijin, ni witands hwa qižiž. |
| 9 | 34 | žata žan imma qižandin warž milhma jah ufarskadwida ins; faurhtidedun žan in žammei jainai qemun in žamma milhmin. |
| 9 | 35 | jah stibna warž us žamma milhmin qižandei: sa ist sunus meins sa liuba, žamma hausjaiž. |
| 9 | 36 | jah mižžanei warž so stibna, bigitans warž Iesus ains. jah eis žahaidedun jah mann ni gataihun in jainaim dagam ni waiht žizei gasehwun. |
| 9 | 37 | warž žan in žamma [afar]daga, dalaž atgaggandam im af fairgunja, gamotida imma manageins filu. |
| 9 | 38 | jah sai, manna us žizai managein ufwopida qižands: laisari, bidja žuk insaihwan du sunu meinamma, unte ainaha mis ist. |
| 9 | 39 | jah sai, ahma nimiž ina unhrains jah anaks hropeiž jah tahjiž ina miž hwažon jah halisaiw aflinniž af imma gabrikands ina. |
| 9 | 40 | jah baž siponjans žeinans ei usdribeina imma, jah ni mahtedun. |
| 9 | 41 | andhafjands žan Iesus qaž: o kuni ungalaubjando jah inwindo, und hwa siau at izwis jah žulau izwis? attiuh žana sunu žeinana hidrei. |
| 9 | 42 | žaruh nauhžan duatgaggandin imma, gabrak ina sa unhulža jah tahida. gahwotida žan Iesus ahmin žamma unhrainjin jah gahailida žana magu jah atgaf ina attin is. |
| 9 | 43 | usfilmans žan wauržun allai ana žizai mikilein gudis. at allaim žan sildaleikjandam bi alla žoei gatawida Iesus [qaž Paitrus: frauja, duhwe weis ni mahtedum usdreiban žamma? iž Iesus qaž: žata kuni ni usgaggiž, nibai in bidom jah in fastubnja.] qaž žan du siponjam seinaim: |
| 9 | 44 | lagjiž jus in ausona izwara žo waurda, unte sunus mans skulds ist atgiban in handuns manne. |
| 9 | 45 | iž eis ni frožun žamma waurda, jah was gahuliž faura im, ei ni frožeina imma; jah ohtedun fraihnan ina bi žata waurd. |
| 9 | 46 | galaiž žan mitons in ins, žata hwarjis žau ize maists wesi. |
| 9 | 47 | iž Iesus gasaihwands žo miton hairtins ize, fairgreipands barn gasatida faura sis |
| 9 | 48 | jah qaž du im: sahwazuh saei andnimiž žata barn ana namin meinamma, mik andnimiž; jah sahwazuh saei mik andnimiž, andnimiž žana sandjandan mik; unte sa minnista wisands in allaim izwis, sa wairžiž mikils. |
| 9 | 49 | andhafjands žan Iohannes qaž: talzjand, gasehwum sumana ana žeinamma namin usdreibandan unhulžons jah waridedun imma, unte ni laisteiž miž unsis. |
| 9 | 50 | jah qaž du im Iesus: ni warjiž, unte saei nist wižra izwis, faur izwis ist. [ni ainshun auk ist manne, saei ni gawaurkjai maht in namin meinamma.] |
| 9 | 51 | warž žan in žammei usfulnodedun dagos andanumtais is, jah is andwairži seinata gatulgida du gaggan in Iairusalem. |
| 9 | 52 | jah insandida airuns faura sis, jah gaggandans galižun in haim Samareite, swe manwjan imma. |
| 9 | 53 | jah ni andnemun ina, unte andwairži is was gaggando du Iairusalem. |
| 9 | 54 | gasaihwandans žan siponjos is Iakobus jah Iohannes qežun: frauja, wileizu ei qižaima, fon atgaggai us himina jah fraqimai im, swe jah Heleias gatawida? |
| 9 | 55 | gawandjands žan gasok im jah qaž du im: niu wituž hwis ahmane sijuž? |
| 9 | 56 | unte sunus mans ni qam saiwalom qistjan, ak nasjan. jah iddjedun in anžara haim. |
| 9 | 57 | warž žan gaggandam im in wiga qaž sums du imma: laistja žuk žishwaduh žadei gaggis, frauja. |
| 9 | 58 | jah qaž du imma Iesus: fauhons grobos aigun jah fuglos himinis sitlans; iž sunus mans ni habaip hwar haubiž galagjai. |
| 9 | 59 | qaž žan du anžaramma: laistei mik; iž is qaž: frauja, uslaubei mis galeižan fauržis jah usfilhan attan meinana. |
| 9 | 60 | qaž žan du imma Iesus: let žans daužans usfilhan seinans nawins: iž žu gagg jah gaspillo žiudangardja gudis. |
| 9 | 61 | qaž žan jah anžar: laistja žuk, frauja; iž fauržis uslaubei mis andqižan žaim žaiei sind in garda meinamma. |
| 9 | 62 | qaž žan du imma Iesus: ni manna uslagjands handu seina ana hohan jah saihwands aftra, gatils ist in žiudangardja gudis. |
| 10 | 1 | Afaruž-žan žata ustaiknida frauja jah anžarans sibuntehund jah insandida ins twans hwanzuh faura andwairžja seinamma in all baurge jah stade, žadei munaida is gaggan. |
| 10 | 2 | qažuh žan du im: asans managa, iž waurstwjans fawai; bidjiž nu fraujan asanais ei ussatjai waurstwjans in žo asan seina. |
| 10 | 3 | gaggiž, sai ik insandja izwis swe lamba in midumai wulfe. |
| 10 | 4 | ni bairaiž pugg nih matibalg nih gaskohi; ni mannanhun bi wig goljaiž. |
| 10 | 5 | in žane gardei inngaggaiž, frumist qižaiž: gawairži žamma garda. |
| 10 | 6 | jah jabai sijai jainar sunus gawairžjis, gahweilaiž sik ana imma gawairži izwar; iž jabai ni, du izwis gawandjai. |
| 10 | 7 | inuh žan žamma garda wisaiž matjandans jah driggkandans žo at im; wairžs auk ist waurstwja mizdons seinaizos. ni faraiž us garda in gard. |
| 10 | 8 | jah in žoei baurge gaggaiž jah andnimaina izwis, matjaiž žata faurlagido izwis. |
| 10 | 9 | jah lekinož žans in izai siukans jah qižiž du im: atnehwida ana izwis žiudangardi gudis. |
| 10 | 10 | iž in žoei baurge inngaggaiž jah ni andnimaina izwis, usgaggandans ana fauradaurja izos qižaiž: |
| 10 | 11 | jah stubju žana gahaftnandan unsis us žizai baurg izwarai ana fotuns unsarans afhrisjam izwis; swežauh žata witeiž žatei atnehwida sik ana izwis žiudangardi gudis. |
| 10 | 12 | qiža izwis žatei Saudaumjam in jainamma daga sutizo wairžiž žau žizai baurg jainai. |
| 10 | 13 | wai žus Kaurazein, wai žus Baižsaļdan! Unte iž in Twrai jah Seidonai wauržeina mahteis žozei wauržun in izwis, airis žau in sakkum jah azgon sitandeins gaļdreigodedeina. |
| 10 | 14 | swežauh Twrai jah Seidonai sutizo wairžiž in daga stauos žau izwis. |
| 10 | 15 | jah žu Kafarnaum, žu und himin ushauhido, und halja gadrausjaza. |
| 10 | 16 | saei hauseiž izwis, mis hauseiž, jah saei ufbrikiž izwis, mis ufbrikiž; iž saei ufbrikiž mis, ufbrikiž žamma sandjandin mik. |
| 10 | 17 | gawandidedun žan sik žai sibuntehund miž fahedai qižandans: frauja, jah unhulžons ufhausjand unsis in namin žeinamma. |
| 10 | 18 | qaž žan du im: gasahw Satanan swe lauhmunja driusandan us himina. |
| 10 | 19 | sai, atgaf izwis waldufni trudan ufaro waurme jah skaurpjono jah ana allai mahtai fijandis, jah waihte ainohun izwis ni gaskažjiž. |
| 10 | 20 | swežauh žamma ni faginož, ei žai ahmans izwis ufhausjand: iž faginod in žammei namna izwara gamelida sind in himinam. |
| 10 | 21 | inuh žizai hweilai swegnida ahmin Iesus jah qaž: andhaita žus, atta, frauja himinis jah airžos, unte affalht žo faura snutraim jah frodaim jah andhulides žo niuklahaim. Jai, atta, unte swa warž galeikaiž in andwairžja žeinamma. jah gawandižs du siponjam seinaim qaž: |
| 10 | 22 | all mis atgiban ist fram attin meinamma, jah ni hwashun kann hwas ist sunus, alja atta, jah hwas ist atta, alja sunus, jah žammei wili sunus andhuljan. |
| 10 | 23 | jah gawandižs du siponjam seinaim sundro qaž: audaga augona, žoei saihwand žoei jus saihwiž. |
| 10 | 24 | qiža auk izwis žatei managai praufeteis jah žiudanos wildedun saihwan žatei jus saihwiž jah ni gasehwun, jah hausjan žatei jus [ga]hauseiž jah ni [ga]hausidedun. |
| 10 | 25 | jah sai, witodafasteis sums ustož fraisands ina jah qižands: laisari, hwa taujands libainais aiweinons arbja wairža? |
| 10 | 26 | žaruh qaž du imma: in witoda hwa gameliž ist? hwaiwa ussiggwis? |
| 10 | 27 | iž is andhafjands qaž: frijos fraujan guž žeinana us allamma hairtin žeinamma jah us allai saiwalai žeinai jah us allai mahtai žeinai jah us allai gahugdai žeinai, jah nehwundjan žeinana swe žuk silban. |
| 10 | 28 | žanuh qaž du imma: raihtaba andhoft; žata tawei jah libais. |
| 10 | 29 | iž is wiljands uswaurhtana sik domjan qaž du Iesua: an hwas ist mis nehwundja? |
| 10 | 30 | andhafjands žan Iesus qaž: manna [sums] galaiž af Iairusalem in Iaireikon jah in waidedjans frarann, žaiei jah biraubodedun ina jah banjos analagjandans . . . . |
| 14 | 9 | . . . . žana aftumistan haban staž. |
| 14 | 10 | ak žan haitaizau, atgaggands anakumbei ana žamma aftumistin stada, ei biže qimai saei haihait žuk, qižai du žus: frijond, usgagg hauhis. žanuh ist žus hauhiža faura žaim mižanakumbjandam žus. |
| 14 | 11 | unte hwazuh saei hauheiž sik silba, gahnaiwjada, jah saei hnaiweiž sik silban, ushauhjada. |
| 14 | 12 | qažuž-žan jah žamma haitandin sik: žan waurkjais undaurnimat aižžau nahtamat, ni haitais frijonds žeinans nih brožruns žeinans nih nižjans žeinans nih garaznans gabeigans, ibai aufto jah eis aftra haitaina žuk jah wairžiž žus usguldan; |
| 14 | 13 | ak žan waurkjais dauht, hait unledans, gamaidans, haltans, blindans. |
| 14 | 14 | jah audags wairžis, unte eis ni haband usgildan žus; usgildada auk žus in ustassai žize uswaurhtane. |
| 14 | 15 | gahausjands žan sums žizei anakumbjandane žata qaž du imma: audags saei matjiž hlaif in žiudangardjai gudis. |
| 14 | 16 | žaruh qaž imma frauja: manna sums gawaurhta nahtamat mikilana jah haihait managans. |
| 14 | 17 | jah insandida skalk seinana hweilai nahtamatis qižan žaim haitanam: gaggiž, unte ju manwu ist allata. |
| 14 | 18 | jah dugunnun suns faurqižan allai. sa frumista qaž: land bauhta jah žarf galeižan jah saihwan žata; bidja žuk, habai mik faurqižanana. |
| 14 | 19 | jah anžar qaž: juka auhsne usbauhta fimf jah gagga kausjan žans; bidja žuk, habai mik faurqižanana. |
| 14 | 20 | jah sums qaž: qen liugaida jah duže ni mag qiman. |
| 14 | 21 | jah qimands sa skalks gataih fraujin seinamma žata. žanuh žwairhs sa gardawaldands qaž du skalka seinamma: usgagg sprauto in gatwons jah staigos baurgs jah unledans jah gamaidans jah blindans jah haltans attiuh hidre. |
| 14 | 22 | jah qaž sa skalks: frauja, warž swe anabaust, jah nauh stads ist. |
| 14 | 23 | jah qaž sa frauja du žamma skalka: usgagg and wigans jah fažos jah naužei innatgaggan, ei usfulnai gards meins. |
| 14 | 24 | qiža allis izwis žatei ni ainshun manne jainaize žize faura haitanane kauseiž žis nahtamatis meinis. |
| 14 | 25 | mižiddjedun žan imma hiuhmans managai, jah gawandjands sik qaž du im: |
| 14 | 26 | jabai hwas gaggiž du mis jah ni fijaiž attan seinana jah aižein jah qen jah barna jah brožruns jah swistruns, nauhuž-žan seina silbins saiwala, ni mag meins siponeis wisan. |
| 14 | 27 | jah saei ni bairiž galgan seinana jah gaggai afar mis, ni mag wisan meins siponeis. |
| 14 | 28 | izwara hwas raihtis wiljands kelikn timbrjan, niu frumist gasitands rahneiž manwižo habaiu [žo] du ustiuhan; |
| 14 | 29 | ibai aufto, biže gasatidedi grunduwaddju jah ni mahtedi ustiuhan, allai žai gasaihwandans duginnaina bilaikan ina, |
| 14 | 30 | qižandans žatei sa manna dustodida timbrjan jah ni mahta ustiuhan. |
| 14 | 31 | aižžau hwas žiudans gaggands stigqan wižra anžarana žiudan du wigan [i]na, niu gasitands fauržis žankeiž, siaiu mahteigs miž taihun žusundjom gamotjan žamma miž twaim tigum žusundjo gaggandin ana sik? |
| 14 | 32 | aižžau [jabai nist mahteigs] nauhžanuh fairra imma wisandin insandjands airu bidjiž gawairžjis. |
| 14 | 33 | swah nu hwarjizuh izwara saei ni afqižiž allamma aigina seinamma, ni mag wisan meins siponeis. |
| 14 | 34 | god salt; iž jabai salt baud wairžiž, hwe gasupoda? |
| 14 | 35 | nih du airžai, ni du maihstau fagr ist; ut uswairpand imma. saei habai ausona [ga]hausjandona, gahausjai. |
| 15 | 1 | Wesunuž-žan imma nehwjandans sik allai motarjos jah frawaurhtai hausjan imma. |
| 15 | 2 | jah birodidedun Fareisaieis jah bokarjos, qižandans žatei sa frawaurhtans andnimiž jah mižmatjiž im. |
| 15 | 3 | qaž žan du im žo gajukon qižands: |
| 15 | 4 | hwas manna izwara aigands taihuntehund lambe jah fraliusands ainamma žize, niu bileižiž žo niuntehund jah niun ana aužidai jah gaggiž afar žamma fralusanin, unte bigitiž žata? |
| 15 | 5 | Jah bigitands uslagjiž ana amsans seinans faginonds, |
| 15 | 6 | jah qimands in garda galažož frijonds jah garaznans qižands du im: faginož miž mis žammei bigat lamb mein žata fralusano. |
| 15 | 7 | qiža izwis žatei swa faheds wairžiž in himina in ainis frawaurhtis idreigondins žau in niuntehundis jah niune garaihtaize žaiei ni žaurbun idreigos. |
| 15 | 8 | aižžau suna qino drakmans habandei taihun, jabai fraliusiž drakmin ainamma, niu tandeiž lukarn jah usbaugeiž razn jah sokeiž glaggwaba, unte bigitiž? |
| 15 | 9 | jah bigitandei gahaitiž frijondjos jah garaznons qižandei: faginož miž mis, unte bigat drakman žammei fralaus. |
| 15 | 10 | swa qiža izwis, faheds wairžiž in andwairžja aggele gudis in ainis idreigondins frawaurhtis. |
| 15 | 11 | qažuž-žan: manne sums aihta twans sununs. |
| 15 | 12 | jah qaž sa juhiza ize du attin: atta, gif mis, sei undrinnai mik dail aiginis; jah disdailida im swes sein. |
| 15 | 13 | jah afar ni managans dagans brahta samana allata sa juhiza sunus jah aflaiž in land fairra wisando jah jainar distahida žata swes seinata libands usstiuriba. |
| 15 | 14 | biže žan frawas allamma, warž huhrus abrs and gawi jainata, jah is dugann alažarba wairžan. |
| 15 | 15 | jah gaggands gahaftida sik sumamma baurgjane jainis gaujis, jah insandida ina haižjos seinaizos haldan sweina. |
| 15 | 16 | jah gairnida sad itan haurne, žoei matidedun sweina, jah manna imma ni gaf. |
| 15 | 17 | qimands žan in sis qaž: hwan filu asnje attins meinis ufarassau haband hlaibe, iž ik huhrau fraqistna. |
| 15 | 18 | usstandands gagga du attin meinamma jah qiža du imma: atta, frawaurhta mis in himin jah in andwairžja žeinamma; |
| 15 | 19 | ju žanaseižs ni im wairžs ei haitaidau sunus žeins; gatawei mik swe ainana asnje žeinaize. |
| 15 | 20 | jah usstandands qam at attin seinamma. nauhžanuh žan fairra wisandan gasahw ina atta is jah infeinoda jah žragjands draus ana hals is jah kukida imma. |
| 15 | 21 | jah qaž imma sa sunus: atta, frawaurhta in himin jah in andwairžja žeinamma, ju žanaseižs ni im wairžs ei haitaidau sunus žeins. |
| 15 | 22 | qaž žan sa atta du skalkam seinaim: sprauto bringiž wastja žo frumiston jah gawasjiž ina jah gibiž figgragulž in handu is jah gaskohi ana fotuns is; |
| 15 | 23 | jah bringandans stiur žana alidan ufsneižiž, jah matjandans wisam waila; |
| 15 | 24 | unte sa sunus meins daužs was jah gaqiunoda, jah fralusans was jah bigitans warž; jah dugunnun wisan. |
| 15 | 25 | wasuž-žan sunus is sa alžiza ana akra; jah qimands atiddja nehw razn jah gahausida saggwins jah laikins. |
| 15 | 26 | jah athaitands sumana magiwe frahuh hwa wesi žata. |
| 15 | 27 | žaruh is qaž du imma žatei brožar žeins qam, jah ufsnaiž atta žeins stiur žana alidan, unte hailana ina andnam. |
| 15 | 28 | žanuh modags warž jah ni wilda inngaggan, iž atta is usgaggands ut bad ina. |
| 15 | 29 | žaruh is andhafjands qaž du attin: sai, swa filu jere skalkinoda žus jah ni hwanhun anabusn žeina ufariddja, jah mis ni aiw atgaft gaitein, ei miž frijondam meinaim biwesjau; |
| 15 | 30 | iž žan sa sunus žeins, saei fret žein swes miž kalkjom, qam, ufsnaist imma stiur žana alidam. |
| 15 | 31 | žaruh qaž du imma: barnilo, žu sinteino miž mis [wast jah] is, jah all žata mein žein ist; |
| 15 | 32 | waila wisan jah faginon skuld was, unte bropar žeins daužs was jah gaqiunoda, jah fralusans jah bigitans warž. |
| 16 | 1 | Qažuž-žan du siponjam seinaim: manne sums was gabeigs, saei aihta fauragaggjan, jah sa frawrohižs warž du imma ei distahidedi aigin is. |
| 16 | 2 | jah atwopjands ina qaž du imma: duhwe žata hausja fram žus? usgif ražjon fauragaggjis žeinis, ni magt auk ju žanamais fauragaggja wisan. |
| 16 | 3 | qaž žan in sis sa fauragaggja: hwa taujau, žandei frauja meins afnimiž fauragaggi af mis? graban ni mag, bidjan skama mik. |
| 16 | 4 | andžahta mik hwa taujau, ei žan, biže afsatjaidau us fauragaggja, andnimaina mik in gardins seinans. |
| 16 | 5 | jah athaitands ainhwarjanoh faihuskulane fraujins seinis qaž žamma frumistin: hwan filu skalt fraujin meinamma? |
| 16 | 6 | žaruh qaž: taihuntaihund kase alewis. jah qaž du imma: nim žus bokos jah gasitands sprauto gamelei fimf tiguns. |
| 16 | 7 | žaproh žan du anžaramma qaž: ažžan žu, hwan filu skalt? iž is qaž: taihuntaihund mitade kaurnis. jah qaž du imma: nim žus bokos jah melei ahtautehund. |
| 16 | 8 | jah hazida sa frauja žana fauragaggjan inwindižos, unte frodaba gatawida; unte žai sunjos žis aiwis frodozans sunum liuhadis in kunja seinamma sind. |
| 16 | 9 | jah ik izwis qiža: taujaiž izwis frijonds us faihužraihna inwindižos, ei žan ufligaiž, andnimaina izwis in aiweinos hleižros. |
| 16 | 10 | saei triggws ist in leitilamma jah in managamma triggws ist; jah sa in leitilamma untriggwa jah in managamma untriggws ist. |
| 16 | 11 | jabai nu in inwindamma faihužraihna triggwai ni wauržuž, žata sunjeino hwas izwis galaubeip? |
| 16 | 12 | jah jabai in žamma framažjin triggwai ni wauržuž, žata izwar hwas izwis gibiž? |
| 16 | 13 | ni ainshun žiwe mag twaim fraujam skalkinon; andizuh ainana fijaiž jah anžarana frijož, aižžau ainamma andtilož, iž anžaramma frakann; ni maguž guda skalkinon jah faihužraihna. |
| 16 | 14 | gahausidedun žan žo alla jah žai Fareisaieis, faihufrikai wisandans, jah bimampidedun ina. |
| 16 | 15 | jah qaž du im: jus sijuž juzei garaihtans domeiž izwis silbans in andwairžja manne; iž guž kann hairtona izwara, unte žata hauho in mannam andaset in andwairžja gudis. |
| 16 | 16 | witož jah praufeteis und Iohannen; žažroh žiudangardi gudis wailamerjada jah hwazuh in izai naužjada. |
| 16 | 17 | iž azetizo ist himin jah airža hindarleižan žau witodis ainana writ gadriusan. |
| 16 | 18 | hwazuh sa afletands qen seina jah liugands anžara horinož, jah hwazuh saei afleitana liugaiž, horinož. |
| 16 | 19 | ažžan manne sums was gabigs jah gawasids was paurpaurai jah bwssaun jah waila wisands daga hwammeh bairhtaba. |
| 16 | 20 | iž unleds sums was namin haitans Lazarus; sah atwaurpans was du daura is, banjo fulls. |
| 16 | 21 | jah gairnida saž itan drauhsno žizo driusandeino af biuda žis gabeigins, akei jah hundos atrinnandans bilaigodedun banjos is. |
| 16 | 22 | warž žan gaswiltan žamma unledin jah briggan fram aggilum in barma Abrahamis; gaswalt žan jah sa gabeiga jah gafulhans warž. |
| 16 | 23 | jah in haljai ushafjands augona seina wisands in balweinim gasahw žan Abraham fairražro jah Lazzaru in barmim is. |
| 16 | 24 | jah is ufhropjands . . . . |
| 17 | 3 | . . . . jabai frawaurkjai brožar žeins, gasak imma; jah žan jabai idreigo sik, fraletais imma. |
| 17 | 4 | jah jabai sibun sinžam ana dag frawaurkjai du žus, jah sibun sinžam ana dag gawandjai sik qižands: idreigo mik, fraletais imma. |
| 17 | 5 | jah qežun apaustauleis du fraujin: biauk uns galaubein. |
| 17 | 6 | qaž žan frauja: jabai habaidedeiž galaubein swe kaurno sinapis, aižžau jus [jabai] qižeiž du bairabagma žamma: uslausei žuk us waurtim jah ussatei žuk in marein, jah andhausidedi žau izwis. |
| 17 | 7 | hwas žan izwara skalk aigands arjandan aižžau haldandan, saei atgaggandin af haižjai qižai: suns hindarleiž anuhkumbei? |
| 17 | 8 | ak niu qižiž du imma: manwei hwa du naht matjau jah bigaurdans andbahtei mis, unte matja jah drigka, jah biže gamatjis jah gadrigkais žu? |
| 17 | 9 | iba žank žu fairhaitis skalka jainamma, unte gatawida žatei anabudan was? ni man. |
| 17 | 10 | swa jah jus, žan taujaiž alla žo anabudanona izwis, qižaiž žatei skalkos unbrukjai sijum, unte žatei skuldedum taujan gatawidedum. |
| 17 | 11 | jah warž, mižžanei iddja is in Iairusalem, jah is žairhiddja žairh midja Samarian jah Galeilaian. |
| 17 | 12 | jah inngaggandin imma in suma haimo, gamotidedun imma taihun žrutsfillai mans, žaih gastožun fairražro. |
| 17 | 13 | jah silbans ushofon stibna qižandans: Iesu, talzjand, armai unsis! |
| 17 | 14 | jah gaumjands qaž du im: gaggandans ataugeiž izwis gudjam. jah warž, mižžanei galižun, gahrainidai wauržun. |
| 17 | 15 | iž ains žan ize gaumjands žammei hrains warž, gawandida sik miž stibnai mikilai hauhjands guž |
| 17 | 16 | jah draus ana andawleizn faura fotum is awiliudonds imma; sah was Samareites. |
| 17 | 17 | andhafjands žan Iesus qaž: niu taihun žai gahrainidai wauržun? iž žai niun hwar? |
| 17 | 18 | ni bigitanai wauržun gawandjandans giban wulžu guda, niba sa aljakunja? |
| 17 | 19 | jah qaž du imma: usstandands gagg, galaubeins žeina ganasida žuk. |
| 17 | 20 | fraihans žan fram Fareisaium: hwan qimiž žiudangardi gudis? andhof im jah qaž: ni qimiž žiudangardi gudis miž atwitainai; |
| 17 | 21 | nih qižand: sai her, aižžau sai jainar; sai auk, žiudangardi gudis in izwis ist. |
| 17 | 22 | qaž žan du siponjam: ažžan qimand dagos, žan gairneiž ainana žize dage sunaus mans gasaihwan jah ni gasaihwiž. |
| 17 | 23 | jah qižand izwis: sai her, aižžau sai jainar; ni galeižaiž nih laistjaiž. |
| 17 | 24 | swaswe raihtis lauhmoni lauhatjandei us žamma uf himina in žata uf himina skeiniž, swa wairžiž sunus mans in daga seinamma. |
| 17 | 25 | ažžan fauržis skal manag gažulan jah uskiusada fram žamma kunja. |
| 17 | 26 | jah swaswe warž in dagam Nauelis, swah wairžiž jah in dagam sunaus mans. |
| 17 | 27 | etun jah drugkun, liugaidedun jah liugaidos wesun, und žanei dag galaiž Nauel in arka; jah qam midjasweipains jah fraqistida allans. |
| 17 | 28 | samaleiko jah swe warž in dagam Lodis; etun jah drugkun, bauhtedun jah frabauhtedun, satidedun, timridedun; |
| 17 | 29 | iž žammei daga usiddja Lod us Saudaumim, rignida swibla jah funin us himina jah fraqistida allaim. |
| 17 | 30 | bi žamma wairžiž žamma daga, ei sunus mans andhuljada. |
| 17 | 31 | in jainamma daga, saei sijai ana hrota jah kasa is in razna, ni atsteigai dalaž niman žo; jah saei ana haižjai, samaleiko ni gawandjai sik ibukana. |
| 17 | 32 | gamuneiž qenais Lodis. |
| 17 | 33 | saei sokeiž saiwala seina ganasjan, fraqisteiž izai, jah saei fraqisteiž izai in meina, ganasjiž žo. |
| 17 | 34 | qiža izwis žatei žizai naht twai wairžand ana ligra samin, ains usnimada jah anžar bileižada; |
| 17 | 35 | twos wairžand malandeins samana, aina usnimada jah anžara bileižada. |
| 17 | 37 | jah andhafjandans qežun du imma: hwar, frauja? iž is qaž im: žarei leik, jaindre galisand sik arans. |
| 18 | 1 | Qažuž-žan jah gajukon im du žammei sinteino skulun bidjan jah ni wairžan usgrudjans, |
| 18 | 2 | qižands: staua was sums in sumai baurg, guž ni ogands jah mannan ni aistands. |
| 18 | 3 | wasuž-žan jah widuwo in žizai baurg jainai jah atiddja du imma qižandei: fraweit mik ana andastažja meinamma. |
| 18 | 4 | jah ni wilda laggai hweilai. Afaruž-žan žata qaž in sis silbin: jabai jah guž ni og jah mannan ni aista, |
| 18 | 5 | iž in žizei usžriutiž mis so widuwo, fraweita žo, ibai und andi qimandei usagljai mis. |
| 18 | 6 | qaž žan frauja: hauseiž hwa staua inwindižos qižiž. |
| 18 | 7 | iž guž niu gawrikai žans gawalidans seinans, žans wopjandans du sis dagam jah nahtam, jah usbeidands ist ana im? |
| 18 | 8 | ažžan qiža izwis žatei gawrikiž ins sprauto. iž swežauh sunus mans qimands bi-u-gitai galaubein ana airžai? |
| 18 | 9 | qaž žan du sumaim, žaiei silbans trauaidedun sis ei weseina garaihtai jah frakunnandans žaim anžaraim, žo gajukon: |
| 18 | 10 | mans twai usiddjedun in alh bidjan, ains Fareisaius jah anžar motareis. |
| 18 | 11 | sa Fareisaius standands sis žo bad: guž, awiliudo žus, unte ni im swaswe žai anžarai mans, wilwans, inwindai, horos, aižžau [jah] swaswe sa motareis. |
| 18 | 12 | fasta twaim sinžam sabbataus jah afdailja taihundon dail allis žize gastalda. |
| 18 | 13 | jah sa motareis fairražro standands ni wilda nih augona seina ushafjan du himina, ak sloh in brusts seinos qižands: guž, hulžs sijais mis frawaurhtamma. |
| 18 | 14 | qiža izwis: atiddja sa garaihtoza gataihans du garda seinamma žau raihtis jains; unte sahwazuh saei hauheiž sik silba, gahnaiwjada, iž saei hnaiweiž sik silba, ushauhjada. |
| 18 | 15 | berun žan du imma barna, ei im attaitoki. gasaihwandans žan siponjos andbitun ins. |
| 18 | 16 | iž Iesus athaitands ins qaž: letiž žo barna gaggan du mis jah ni warjiž žo, unte žize swaleikaize ist žiudangardi gudis. |
| 18 | 17 | amen, qiža izwis, saei ni andnimiž žiudangardja gudis swe barn, ni qimiž in izai. |
| 18 | 18 | jah frah ina sums reike qižands: laisari žiužeiga, hwa taujands libainais aiweinons arbja wairžau? |
| 18 | 19 | qaž žan du imma Iesus: hwa mik qižis žiužeigana? ni ainshun žiužeigs niba ains guž. |
| 18 | 20 | žos anabusnins kant: ni horinos; ni mauržrjais; ni hlifais; ni galiugaweitwods sijais; swerai attan žeinana jah aižein. |
| 18 | 21 | iž is qažuh: žata allata gafastaida us jundai meinai. |
| 18 | 22 | gahausjands žan žata Iesus qaž du imma: nauh ainis žus wan ist: all žatei habais frabugei jah gadailei unledaim, jah habais huzd in himina, jah hiri laistjan mik. |
| 18 | 23 | iž is gahausjands žata gaurs warž; was auk gabeigs filu. |
| 18 | 24 | gasaihwands žan ina Iesus gaurana wauržanana qaž: hwaiwa agluba žai faihu habandans inngaleižand in žiudangardja gudis! |
| 18 | 25 | ražizo allis ist ulbandau žairh žairko nežlos žairhleižan žau gabigamma in žiudangardja gudis galeižan. |
| 18 | 26 | qežun žan žai gahausjandans: an hwas mag ganisan? |
| 18 | 27 | iž is qaž: žata unmahteigo at mannam mahteig ist at guda. |
| 18 | 28 | qaž žan Paitrus: sai, weis aflailotum allata jah laistidedum žuk. |
| 18 | 29 | iž is qažuh du im: amen, qiža izwis žatei ni ainshun ist žize afletandane gard aižžau fadrein aižžau brožruns aižžau qen aižžau barna in žiudangardjos gudis, |
| 18 | 30 | saei ni andnimai managfalž in žamma mela jah in aiwa žamma qimandin libain aiweinon. |
| 18 | 31 | ganimands žan žans ·ib· qaž du im: sai, usgaggam in Iairusalem, jah ustiuhada all žata gamelido žairh praufetuns bi sunu mans. |
| 18 | 32 | atgibada auk žiudom jah bilaikada jah anamahtjada jah bispeiwada, |
| 18 | 33 | jah us bliggwandans usqimand imma, jah žridjin daga usstandiž. |
| 18 | 34 | jah eis ni waihtai žis frožun, jah was žata waurd gafulgin af im, jah ni wissedun žo qižanona. |
| 18 | 36 | gahausjands žan managein faurgaggandein frah hwa wesi žata. |
| 18 | 37 | gataihun žan imma žatei Iesus Nazoraius žairhgaggiž. |
| 18 | 38 | iž is ubuhwopida qižands: Iesu, sunu Dęweidis, armai mik! |
| 18 | 39 | jah žai faur[a]gaggandans andbitun ina ei žahaidedi: iž is und filu mais hropida: sunau Daweidis, armai mik! |
| 18 | 40 | gastandands žan Iesus haihait ina tiuhan du sis. biže nehwa was žan imma, frah ina |
| 18 | 41 | qižands: hwa žus wileis ei taujau? iž is qaž: frauja, ei ussaihwau. |
| 18 | 42 | jah Iesus qaž du imma: ussaihw, galaubeins žeina ganasida žuk. |
| 18 | 43 | jah suns ussahw jah laistida ina awiliudonds guda. jah alla managei gasaihwandei gaf hazein guda. |
| 18 | 85 | warž žan, mižžanei nehwa was is Iaireikon, blinda sums sat faur wig du aihtron. |
| 19 | 1 | Jah inngaleižands žairhlaiž Iaireikon. |
| 19 | 2 | jah sai, guma namin haitans Zakkaius, sah was fauramažleis motarje jah was gabigs, |
| 19 | 3 | jah sokida gasaihwan Iesu, hwas wesi, jah ni mahta faura managein, unte wahstau leitils was. |
| 19 | 4 | jah bižragjands faur usstaig ana smakkabagm, ei gasehwi ina, unte is and žata munaida žairhgaggan. |
| 19 | 5 | jah biže qam ana žamma stada, insaihwands iup Iesus gasahw ina jah qaž du imma: Zakkaiu, sniumjands dalaž atsteig: himma daga auk in garda žeinamma skal ik wisan. |
| 19 | 6 | jah sniumjands atstaig jah andnam ina faginonds. |
| 19 | 7 | jah gasaihwandans allai birodidedun, qižandans žatei du frawaurhtis mans galaiž [in gard] ussaljan. |
| 19 | 8 | standands žan Zakkaius qaž du fraujin: sai, halbata aiginis meinis, frauja, gadailja unledaim, jah jabai hwis hwa afholoda, fidurfalž fragilda. |
| 19 | 9 | qaž žan du imma Iesus žatei himma daga naseins žamma garda warž, unte jah sa sunus Abrahamis ist; |
| 19 | 10 | qam auk sunus mans sokjan jah nasjan žans fralusanans. |
| 19 | 11 | at gahausjandam žan im žata, biaukands qaž gajukon, bi žatei nehwa Iairusalem was, jah žuhta im ei suns skulda wesi žiudangardi gudis gaswikunžjan. |
| 19 | 12 | qaž žan: manna sums godakunds gaggida landis franiman sis žiudangardja jah gawandida sik. |
| 19 | 13 | athaitands žan taihun skalkans seinans atgaf im taihun dailos jah qaž du im: kaupož, unte ik qimau. |
| 19 | 14 | iž baurgjans is fijaidedun ina jah insandidedun airu afar imma qižandans: ni wileima žana žiudanon ufar unsis. |
| 19 | 15 | jah warž, biže atwandida sik aftra, andnimands žiudangardja jah haihait wopjan du sis žans skalkans žaimei atgaf žata silubr, ei gakunnaidedi hwa hwarjizuh gawaurhtedi. |
| 19 | 16 | qam žan sa frumista qižands: frauja, skatts žeins gawaurhta taihun skattans. |
| 19 | 17 | jah qaž du imma: waila, goda skalk, unte in leitilamma wast triggws, sijais waldufni habands ufar taihun baurgim. |
| 19 | 18 | jah qam anžar qižands: frauja, skatts žeins gawaurhta fimf skattans. |
| 19 | 19 | qaž žan jah du žamma: jah žu sijais ufaro fimf baurgim. |
| 19 | 20 | jah sums qam qižands: frauja, sai, sa skatts žeins žanei habaida galagidana in fanin; |
| 19 | 21 | ohta mis auk žuk, unte manna hardus is. nimis žatei ni lagides jah sneižis žatei ni saisost. |
| 19 | 22 | jah qaž du imma: us munža žeinamma stoja žuk, unselja skalk jah lata. wisseis žatei ik manna hardus im, nimands žatei ni lagida jah sneižands žatei ni saiso; |
| 19 | 23 | jah duhwe ni atlagides žata silubr mein du skattjam? jah [ik] qimands miž wokra galausidedjau žata. |
| 19 | 24 | jah du žaim faurastandandam qaž: nimiž af imma žana skatt jah gibiž žamma žos taihun dailos habandin. |
| 19 | 25 | jah qežun du imma: frauja, habaiž taihun dailos. |
| 19 | 26 | qiža allis izwis žatei hwarjammeh habandane gibada, iž af žamma unhabandin jah žatei habaiž afnimada af imma. |
| 19 | 27 | ažžan swežauh fijands meinans jainans, žaiei ni wildedun mik žiudanon ufar sis, briggiž her jah usqimiž faura mis. |
| 19 | 28 | jah qižands žata iddja fram, usgaggands in Iairusaulwma. |
| 19 | 29 | jah warž, biže nehwa was Bežsfagein jah Bežanijin, at fairgunja žatei haitada alewjo, insandida twans siponje seinaize |
| 19 | 30 | qižands: gaggats in žo wižrawairžon haim, in žizaiei inngaggandans bigitats fulan asilaus gabundanana, ana žammei ni ainshun aiw manne sat; andbindandans ina attiuhiž. |
| 19 | 31 | jah jabai hwas inqis fraihnai: duhwe andbindiž? swa qižaits du imma žatei frauja žis gairneiž. |
| 19 | 32 | galeižandans žan žai insandidans bigetun, swaswe qaž du im. |
| 19 | 33 | andbindandam žan im [žana fulan] qežun žai fraujans žis du im: duhwe andbindats žana fulan? |
| 19 | 34 | iž eis qežun: fraujin žaurfts žis ist. |
| 19 | 35 | jah attauhun žana fulan Iesua jah uswairpandans wastjos seinos ana žana fulan ussatidedun Iesu. |
| 19 | 36 | gaggandin žan imma ufstrawidedun wastjom seinaim ana wiga. |
| 19 | 37 | biže žan is nehwa was, južan at ibdaljin žis fairgunjis alewabagme, dugunnun alakjo managei siponje faginondans hazjan guž stibnai mikilai in allaizo žoze sehwun mahte, |
| 19 | 38 | qižandans: žiužida sa qimanda žiudans in namin fraujins; gawairži in himina jah wulžus in hauhistjam. |
| 19 | 39 | jah sumai Fareisaie us žizai managein qežun du imma: laisari, sak žaim siponjam žeinaim. |
| 19 | 40 | jah andhafjands qaž du im: qiža izwis žatei jabai žai slawand, stainos hropjand. |
| 19 | 41 | jah sunsei nehwa was, gasaihwands žo baurg gaigrot bi žo, qižands: |
| 19 | 42 | žatei iž wissedeis jah žu in žamma daga žeinamma žo du gawairžja žeinamma! iž nu gafulgin ist faura augam žeinaim, |
| 19 | 43 | žatei qimand dagos ana žus, jah bigraband fijands žeinai grabai žuk jah bistandand žuk jah biwaibjand žuk allažro. |
| 19 | 44 | jah airžai žuk gaļbnjand jah barna žeina in žus jah ni letand in žus stain ana staina, in žizei ni ufkunžes žata mel niuhseinais žeinaizos. |
| 19 | 45 | jah galeižands in alh dugann uswairpan žans frabugjandans in izai jah bugjandans, |
| 19 | 46 | qižands du im: gameliž ist žatei gards meins gards bido ist; iž jus ina gatawideduž du filegrja žiube. |
| 19 | 47 | jah was laisjands daga hwammeh in žizai alh: iž žai auhmistans gudjans jah bokarjos sokidedun ina usqistjan jah žai frumistans manageins. |
| 19 | 48 | jah ni bigetun hwa gatawidedeina; managei auk alakjo hahaida du hausjan imma. |
| 20 | 1 | Jah warž in sumamma dage jainaize at laisjandin imma žo managein in alh jah wailamerjandin, atstožun žai gudjans jah bokarjos miž žaim sinistam |
| 20 | 2 | jah qežun du imma qižandans: qiž unsis, in hwamma waldufnje žata taujis, aižžau hwas ist saei gaf žus žata waldufni? |
| 20 | 3 | andhafjands žan qaž du im: fraihna izwis jah ik ainis waurdis jah qižip mis: |
| 20 | 4 | daupeins Iohannis uzuh himina was žau uzuh mannam? |
| 20 | 5 | iž eis žahtedun miž sis misso qižandans žatei jabai qižam: us himina, qižiž: ažžan duhwe ni galaubideduž imma? |
| 20 | 6 | iž jabai qižam: us mannam, alla so managei stainam afwairpiž unsis; triggwaba galaubjand auk allai Iohannen praufetu wisan. |
| 20 | 7 | jah andhofun ei ni wissedeina hwažro. |
| 20 | 8 | jah Iesus qaž im: ni ik izwis qiža, in hwamma waldufnje žata tauja. |
| 20 | 9 | dugann žan du managein qižan žo gajukon: manna ussatida weinagard, jah anafalh ina waurstwjam jah aflaiž jera ganoha. |
| 20 | 10 | jah in mela insandida du žaim aurtjam skalk, ei akranis žis weinagardis gebeina imma. iž žai aurtjans usbliggwandans ina insandidedun lausana. |
| 20 | 11 | jah anaaiauk sandjan anžarana skalk; iž eis jah jainana bliggwandans jah unswerandans insandidedun lausana. |
| 20 | 12 | jah anaaiauk sandjan žridjan; iž eis jah žana gawondondans uswaurpun. |
| 20 | 13 | qaž žan sa frauja žis weinagardis: hwa taujau? sandja sunu meinana žana liuban; aufto žana gasaihwandans aistand. |
| 20 | 14 | gasaihwandans žan ina žai aurtjans žahtedun miž sis misso qižandans, sa ist sa arbinumja; afslaham ina, ei uns wairžai žata arbi. |
| 20 | 15 | jah uswairpandans ina ut us žamma weinagarda usqemun. hwa nu taujai im frauja žis weinagardis? |
| 20 | 16 | qimiž jah usqisteiž aurtjam žaim jah gibiž žana weinagard anžaraim. gahausjandans qežun žan: nis-sijai. |
| 20 | 17 | iž is insaihwands du im qaž: ažžan hwa ist žata gamelido: stains žammei uskusun timrjans, sah warž du haubida waihstins? |
| 20 | 18 | hwazuh saei driusiž ana žana stain, gakrotuda; iž ana žanei driusiž, diswinžeiž ina. |
| 20 | 19 | jah sokidedun žai bokarjos jah auhumistans gudjans uslagjan ana ina handuns in žizai hweilai jah ohtedun žo managein; frožun auk žatei du im žo gajukon qaž. |
| 20 | 20 | jah afleižandans insandidedun ferjans, žans us liutein taiknjandans sik garaihtans wisan, ei gafaifaheina is waurdei jah atgebeina ina reikja jah waldufnja kindinis. |
| 20 | 21 | jah frehun ina qižandans: laisari, witum žatei raihtaba rodeis jah laiseis jah ni andsaihwis andwairži, ak bi sunjai wig gudis laiseis: |
| 20 | 22 | skuldu ist unsis kaisara gild giban žau niu? |
| 20 | 23 | bisaihwands žan ize unselein Iesus qaž du im: hwa mik fraisiž? |
| 20 | 24 | ataugeiž mis skatt: hwis habaiž manleikan jah ufarmeli? andhafjandans žan qežun: kaisaris. |
| 20 | 25 | iž is qažuh du im: us-nu-gibiž žo kaisaris kaisara jah žo gudis guda. |
| 20 | 26 | jah ni mahtedun gafahan is waurde in andwairžja manageins jah sildaleikjandans andawaurde is gažahaidedun. |
| 20 | 27 | du atgaggandans žan sumai Saddukaie, žaiei qižand usstass ni wisan, frehun ina |
| 20 | 28 | qižandans: laisari, Moses gamelida uns, jabai hwis brožar gadaužnai aigands qen, jah sa unbarnahs gadaužnai, ei nimai brožar is žo qen jah urraisjai fraiw brožr seinamma. |
| 20 | 29 | sibun nu brožrjus wesun, jah sa frumista nimands qen gadaužnoda unbarnahs. |
| 20 | 30 | jah nam anžar žo qen, jah sa gaswalt unbarnahs. |
| 20 | 31 | jah žridja nam žo samaleiko; samaleiko žan jah žai sibun, jah ni biližun barne jah gaswultun. |
| 20 | 32 | Spedista allaize gadaužnoda jah so qens. |
| 20 | 33 | in žizai usstassai nu, hwarjis žize wairžiž qens? žai auk sibun aihtedun žo du qenai. |
| 20 | 34 | jah andhafjands qaž du im Iesus: žai sunjus žis aiwis liugand jah liuganda; |
| 20 | 35 | iž žaiei wairžai sind jainis aiwis niutan jah usstassais us daužaim, ni liugand ni liuganda; |
| 20 | 36 | nih allis gaswiltan žanaseižs magun, ibnans aggilum auk sind jah sunjus sind gudis, usstassais sunjus wisandans. |
| 20 | 37 | ažžan žatei urreisand daužans, jah Moses bandwida ana aihwatundjai, swe qižiž: sahw fraujan guž Abrahamis jah guž Isakis jah guž Iakobis. |
| 20 | 38 | ažžan guž nist daužaize, ak qiwaize; allai auk imma liband. |
| 20 | 39 | andhafjandans žan sumai žize bokarje qežun: laisari, waila qast. |
| 20 | 40 | niž-žan žanaseižs gadaurstedun fraihnan ina ni waihtais. |
| 20 | 41 | qaž žan du im: hwaiwa qižand Xristu sunu Daweidis wisan? |
| 20 | 42 | jah silba Daweid qižiž in bokom psalmo[no]: qaž frauja du fraujin meinamma: sit af taihswon meinai, |
| 20 | 43 | unte ik galagja fijands žeinans fotubaurd fotiwe žeinaize. |
| 20 | 44 | Daweid ina fraujan haitiž, jah hwaiwa sunus imma ist? |
| 20 | 45 | at gahausjandein žan allai managein qaž du siponjam seinaim: |
| 20 | 46 | atsaihwiž faura bokarjam žaim wiljandam gaggan in hweitaim . . . . |