Multilingual Scriptures Home » Gothic NT AmbrosianusA Partial » Mark
| Gothic NT AmbrosianusA Partial | ||
| Chapter # | Verse # | Verse Detail |
| 1 | 1 | Anastodeins aiwaggeljons Iesuis Xristaus sunaus gudis. |
| 1 | 2 | swe gameliž ist in Esaļin praufetau: sai, ik insandja aggilu meinana faura žus, saei gamanweiž wig žeinana faura žus. |
| 1 | 3 | stibna wopjandins in aužidai: manweiž wig fraujins, raihtos waurkeiž staigos gudis unsaris. |
| 1 | 4 | was Iohannes daupjands in aužidai jah merjands daupein idreigos du aflageinai frawaurhte. |
| 1 | 5 | jah usiddjedun du imma all Iudaialand jah Iairusaulwmeis, jah daupidai wesun allai in Iaurdane ahwai fram imma, andhaitandans frawaurhtim seinaim. |
| 1 | 6 | wasuž-žan Iohannes gawasižs taglam ulbandaus jah gairda filleina bi hup seinana jah matida žramsteins jah miliž haižiwisk. |
| 1 | 7 | jah merida qižands: qimiž swinžoza mis sa afar mis, žizei ik ni im wairžs anahneiwands andbindan skaudaraip skohe is. |
| 1 | 8 | ažžan ik daupja izwis in watin, iž is daupeiž izwis in ahmin weihamma. |
| 1 | 9 | jah warž in jainaim dagam, qam Iesus fram Nazaraiž Galeilaias jah daupižs was fram Iohanne in Iaurdane. |
| 1 | 10 | jah suns usgaggands us žamma watin gasahw usluknans himinans jah ahman swe ahak atgaggandan ana ina. |
| 1 | 11 | jah stibna qam us himinam: žu is sunus meins sa liuba, in žuzei waila galeikaida. |
| 1 | 12 | jah suns sai, ahma ina ustauh in aužida. |
| 1 | 13 | jah was in žizai aužidai dage fidwor tiguns fraisans fram Satanin, jah was miž diuzam, jah aggileis andbahtidedun imma. |
| 1 | 14 | iž afar žatei atgibans warž Iohannes, qam Iesus in Galeilaia merjands aiwaggeljon žiudangardjos gudis, |
| 1 | 15 | qižands žatei usfullnoda žata mel jah atnehwida sik žiudangardi gudis: idreigož jah galaubeiž in aiwaggeljon. |
| 1 | 16 | jah hwarbonds faur marein Galeilaias gasahw Seimonu jah Andraian brožar is, žis Seimonis, wairpandans nati in marein; wesun auk fiskjans. |
| 1 | 17 | jah qaž im Iesus: hirjats afar mis, jah gatauja igqis wairžan nutans manne. |
| 1 | 18 | jah suns afletandans žo natja seina laistidedun afar imma. |
| 1 | 19 | jah jainžro inngaggands framis leit[ilat]a gasahw Iakobu žana Zaibaidaiaus jah Iohanne brožar is, jah žans in skipa manwjandans natja. |
| 1 | 20 | jah suns haihait ins. jah afletandans attan seinana Zaibaidaiu in žamma skipa miž asnjam, galižun afar imma. |
| 1 | 21 | jah galižun in Kafarnaum, jah suns sabbato daga galeižands in swnagogen laisida ins. jah usfilmans wauržun ana žizai laiseinai is; unte was laisjands ins swe waldufni habands jah ni swaswe žai bokarjos. |
| 1 | 23 | jah was in žizai swnagogen ize manna in unhrainjamma ahmin jah ufhropida |
| 1 | 24 | qižands: fralet, hwa uns jah žus, Iesu Nazorenai, qamt fraqistjan uns? kann žuk, hwas žu is, sa weiha gudis. |
| 1 | 25 | jah andbait ina Iesus qižands: žahai jah usgagg ut us žamma, ahma unhrainja. |
| 1 | 26 | jah tahida ina ahma sa unhrainja jah hropjands stibnai mikilai usiddja us imma. |
| 1 | 27 | jah afslaužnodedun allai sildaleikjandans, swaei sokidedun miž sis misso qižandans: hwa sijai žata? hwo so laiseino so niujo, ei miž waldufnja jah ahmam žaim unhrainjam anabiudiž jah ufhausjand imma? |
| 1 | 28 | usiddja žan meriža is suns and allans bisitands Galeilaias. |
| 1 | 29 | jah suns us žizai swnagogen usgaggandans qemun in garda Seimonis jah Andraiins miž Iakobau jah Iohannen. |
| 1 | 30 | iž swaihro Seimonis lag in brinnon: jah suns qežun ina bi ija. |
| 1 | 31 | jah duatgaggands urraisida žo undgreipands handu izos, jah aflailot žo so brinno suns, jah andbahtida im. |
| 1 | 32 | andanahtja žan wauržanamma, žan gasaggq sauil, berun du imma allans žans ubil habandans jah unhulžons habandans. |
| 1 | 33 | jah so baurgs alla garunana was at daura. |
| 1 | 34 | jah gahailida managans ubil habandans missaleikaim sauhtim jah unhulžons managos uswarp jah ni fralailot rodjan žos unhulžons, unte kunžedun ina. |
| 1 | 35 | jah air uhtwon usstandands usiddja jah galaiž ana aužjana staž jah jainar baž. |
| 1 | 36 | jah galaistans wauržun imma Seimon jah žai miž imma. |
| 1 | 37 | jah bigitandans ina qežun du imma žatei allai žuk sokjand. |
| 1 | 38 | jah qaž du im: gaggam du žaim bisunjane haimom jah baurgim, ei jah jainar merjau, unte duže qam. |
| 1 | 39 | jah was merjands in swnagogim ize and alla Galeilaian jah unhulžons uswairpands. |
| 1 | 40 | jah qam at imma žrutsfill habands, bidjands ina jah kniwam knussjands jah qižands du imma žatei jabai wileis, magt mik gahrainjan. |
| 1 | 41 | iž Iesus infeinands, ufrakjands handu seina attaitok imma jah qaž imma: wiljau wairž hrains. |
| 1 | 42 | jah biže qaž žata Iesus, suns žata žrutsfill aflaiž af imma, jah hrains warž. |
| 1 | 43 | jah gahwotjands imma suns ussandida ina |
| 1 | 44 | jah qaž du imma: saihw ei mannhun ni qižais waiht; ak gagg žuk silban ataugjan gudjin jah atbair fram gahraineinai žeinai žatei anabauž Moses du weitwodižai im. |
| 1 | 45 | iž is usgaggands dugann merjan filu jah usqižan žata waurd, swaswe is južan ni mahta andaugjo in baurg galeižan, ak uta ana aužjaim stadim was; jah iddjedun du imma allažro. |
| 2 | 1 | Jah galaiž aftra in Kafarnaum afar dagans, jah gafrehun žatei in garda ist. |
| 2 | 2 | jah suns gaqemun managai, swaswe južan ni gamostedun nih at daura, jah rodida im waurd. |
| 2 | 3 | jah qemun at imma usližan bairandans, hafanana fram fidworim. |
| 2 | 4 | jah ni magandans nehwa qiman imma faura manageim, andhulidedun hrot žarei was Iesus jah usgrabandans insailidedun žata badi [jah fralailotun] ana žammei lag sa usliža. |
| 2 | 5 | gasaihwands žan Iesus galaubein ize qaž du žamma usližin: barnilo, afletanda žus frawaurhteis žeinos. |
| 2 | 6 | wesunuh žan sumai žize bokarje jainar sitandans jah žagkjandans sis in hairtam seinaim: |
| 2 | 7 | hwa sa swa rodeiž naiteinins? hwas mag afletan frawaurhtins, niba ains guž? |
| 2 | 8 | jah suns ufkunnands Iesus ahmin seinamma žatei swa žai mitodedun sis, qaž du im: duhwe mitož žata in hairtam izwaraim? |
| 2 | 9 | hwažar ist azetizo du qižan žamma usližin: afletanda žus frawaurhteis seinos, žau qižan: urreis jah nim žata badi žeinata jah gagg? |
| 2 | 10 | ažžan ei witeiž žatei waldufni habaiž sunus mans ana airžai afletan frawaurhtins, qaž du žamma usližin: |
| 2 | 11 | žus qiža: urreis nimuh žata badi žein jah gagg du garda žeinamma. |
| 2 | 12 | jah urrais suns jah ushafjands badi usiddja faura andwairžja allaize, swaswe usgeisnodedun allai jah hauhidedun mikiljandans guž, qižandans žatei aiw swa ni gasehwun. |
| 2 | 13 | jah galaiž aftra faur marein, jah all manageins iddjedun du imma, jah laisida ins. |
| 2 | 14 | jah hwarbonds gasahw Laiwwi žana Alfaiaus sitandan at motai jah qaž du imma: gagg afar mis. jah usstandands gagg afar imma. |
| 2 | 15 | jah warž, biže is anakumbida in garda is, jah managai motarjos jah frawaurhtai mižanakumbidedun Iesua jah siponjam is; wesun auk managai jah iddjedun afar imma. |
| 2 | 16 | jah žai bokarjos jah Fareisaieis gasaihwandans ina matjandan miž žaim motarjam jah frawaurhtaim, qežun du žaim siponjam is: hwa ist žatei miž motarjam jah frawaurhtaim matjiž jah driggkiž? |
| 2 | 17 | jah gahausjands Iesus qaž du im: ni žaurbun swinžai lekeis, ak žai ubilaba habandans; ni qam lažon uswaurhtans, ak frawaurhtans. |
| 2 | 18 | jah wesun siponjos Iohannis jah Fareisaieis fastandans; jah atiddjedun jah qežun du imma: duhwe siponjos Iohannes jah Fareisaieis fastand, iž žai žeinai siponjos ni fastand? |
| 2 | 19 | jah qaž im Iesus: ibai magun sunjus bružfadis, und žatei miž im ist bružfažs, fastan? swa lagga hweila swe miž sis haband bružfaž, ni magun fastan. |
| 2 | 20 | ažžan atgaggand dagos žan afnimada af im sa bružfažs, jah žan fastand in jainamma daga. |
| 2 | 21 | ni manna plat fanins niujis siujiž ana snagan fairnjana; ibai afnimai fullon af žamma sa niuja žamma fairnjin, jah wairsiza gataura wairžiž. |
| 2 | 22 | ni manna giutiž wein juggata in balgins fairnjans; ibai aufto distairai wein žata niujo žans balgins, jah wein usgutniž, jah žai balgeis fraqistnand; ak wein juggata in balgins niujans giutand. |
| 2 | 23 | jah warž žairhgaggan imma sabbato daga žairh atisk, jah dugunnun siponjos is skewjandans raupjan ahsa. |
| 2 | 24 | jah Fareisaieis qežun du imma: sai, hwa taujand siponjos žeinai sabbatim žatei ni skuld ist? |
| 2 | 25 | jah is qaž du im: niu ussuggwuž aiw hwa gatawida Daweid, žan žaurfta jah gredags was, is jah žai miž imma? |
| 2 | 26 | Hwaiwa galaiž in gard gudis uf Abiažara gudjin jah hlaibans faurlageinais matida, žanzei ni skuld ist matjan niba ainaim gudjam, jah gaf jah žaim miž sis wisandam? |
| 2 | 27 | jah qaž im: sabbato in mans warž gaskapans, ni manna in sabbato dagis; |
| 2 | 28 | swaei frauja ist sa sunus mans jah žamma sabbato. |
| 3 | 1 | Jah galaiž aftra in swnagogen, jah was jainar manna gažaursana habands handu. |
| 3 | 2 | jah witaidedun imma hailidediu sabbato daga, ei wrohidedeina ina. |
| 3 | 3 | jah qaž du žamma mann žamma gažaursana habandin handu: urreis in midumai. |
| 3 | 4 | jah qaž du im: skuldu ist in sabbatim žiuž taujan aižžau unžiuž taujan, saiwala nasjan aižžau usqistjan? iž eis žahaidedun. |
| 3 | 5 | jah ussaihwands ins miž moda, gaurs in daubižos hairtins ize qaž du žamma mann: ufrakei žo handu žeina! jah ufrakida, jah gastož aftra so handus is. |
| 3 | 6 | jah gaggandans žan Fareisaieis sunsaiw miž žaim Herodianum garuni gatawidedun bi ina, ei imma usqemeina. |
| 3 | 7 | jah Iesus aflaiž miž siponjam seinaim du marein, jah filu manageins us Galeilaia laistidedun afar imma, |
| 3 | 8 | jah us Iudaia jah us Iairusaulwmim jah us Idumaia jah hindana Iaurdanaus; jah žai bi Twra jah Seidona, manageins filu, gahausjandans hwan filu is tawida, qemun at imma. |
| 3 | 9 | jah qaž žaim siponjam seinaim ei skip habaiž wesi at imma in žizos manageins, ei ni žraiheina ina. |
| 3 | 10 | managans auk gahailida, swaswe drusun ana ina ei imma attaitokeina, jah swa managai swe habaidedun wundufnjos |
| 3 | 11 | jah ahmans unhrainjans, žaih žan ina gasehwun, drusun du imma jah hropeidedun qižandans žatei žu is sunus gudis. |
| 3 | 12 | jah filu andbait ins ei ina ni gaswikunžidedeina. |
| 3 | 13 | jah ustaig in fairguni jah athaihait žanzei wilda is, jah galižun du imma. |
| 3 | 14 | jah gawaurhta twalif du wisan miž sis, jah ei insandidedi ins merjan |
| 3 | 15 | jah haban waldufni du hailjan sauhtins jah uswairpan unhulžons. |
| 3 | 16 | jah gasatida Seimona namo Paitrus; |
| 3 | 17 | jah Iakobau žamma Zaibaidaiaus jah Iohanne brožr Iakobaus jah gasatida im namna Bauanairgais, žatei ist: sunjus žeihwons; jah Andraian jah Filippu jah Baržaulaumaiu jah Matžaiu jah žoman jah Iakobu žana Alfaiaus jah žaddaiu jah Seimona žana Kananeiten |
| 3 | 19 | jah Iudan Iskarioten, saei jah galewida ina. |
| 3 | 20 | jah atiddjedun in gard, jah gaļddja sik [aftra] managei, swaswe ni mahtedun nih hlaif matjan. |
| 3 | 21 | jah hausjandans fram imma bokarjos jah anžarai usiddjedun gahaban ina; qežun auk žatei usgaisižs ist. |
| 3 | 22 | jah bokarjos žai af Iairusaulwmai qimandans qežun žatei Baiailzaibul habaiž, jah žatei in žamma reikistin unhulžono uswairpiž žaim unhulžom. |
| 3 | 23 | jah athaitands ins in gajukom qaž du im: hwaiwa mag Satanas Satanan uswairpan? |
| 3 | 24 | jah jabai žiudangardi wižra sik gadailjada, ni mag standan so žiudangardi jaina. |
| 3 | 25 | jah jabai gards wižra sik gadailjada, ni mag standan sa gards jains. |
| 3 | 26 | jah jabai Satana usstož ana sik silban jah gadailižs warž, ni mag gastandan, ak andi habaiž. |
| 3 | 27 | ni manna mag kasa swinžis galeižands in gard is wilwan, niba fauržis žana swinžan gabindiž; jah [žan] žana gard is diswilwai. |
| 3 | 28 | amen, qiža izwis, žatei allata afletada žata frawaurhte sunum manne, jah naiteinos swa managos swaswe wajamerjand; |
| 3 | 29 | ažžan saei wajamereiž ahman weihana ni habaiž fralet aiw, ak skula ist aiweinaizos frawaurhtais. |
| 3 | 30 | unte qežun: ahman unhrainjana habaiž. |
| 3 | 31 | jah qemun žan aižei is jah brožrjus is jah uta standandona insandidedun du imma: sai, aižei žeina jah brožrjus žeinai jah swistrjus žeinos uta sokjand žuk. |
| 3 | 33 | jah andhof im qižands: hwo ist so aižei meina aižžau žai brožrjus meinai? |
| 3 | 34 | jah bisaihwands bisunjane žans bi sik sitandans qaž: sai, aižei meina jah žai brožrjus meinai. |
| 3 | 35 | saei allis waurkeiž wiljan gudis, sa jah brožar meins jah swistar jah aižei ist. |
| 4 | 1 | Jah aftra [Iesus] dugann laisjan at marein, jah galesun sik du imma manageins filu, swaswe ina galeižan[dan] in skip gasitan in marein; jah alla so managei wižra marein ana staža was. |
| 4 | 2 | jah laisida ins in gajukom manag jah qaž im in laiseinai seinai: |
| 4 | 3 | hauseiž! sai, urrann sa saiands du saian fraiwa seinamma. |
| 4 | 4 | jah warž, mižžanei saiso, sum raihtis gadraus faur wig, jah qemun fuglos jah fretun žata. |
| 4 | 5 | anžaruž-žan gadraus ana stainahamma, žarei ni habaida airža managa, jah suns urrann, in žizei ni habaida diupaizos airžos; |
| 4 | 6 | at sunnin žan urrinnandin ufbrann, jah unte ni habaida waurtins, gažaursnoda. |
| 4 | 7 | jah sum gadraus in žaurnuns; jah ufarstigun žai žaurnjus jah afhwapidedun žata, jah akran ni gaf. |
| 4 | 8 | jah sum gadraus in airža goda jah gaf akran urrinnando jah wahsjando, jah bar ain .l. jah ain .j. jah ain .r. |
| 4 | 9 | jah qaž: saei habai ausona hausjandona, gahausjai. |
| 4 | 10 | iž biže warž sundro, frehun ina žai bi ina miž žaim twalibim žizos gajukons. |
| 4 | 11 | jah qaž im: izwis atgiban ist kunnan runa žiudangardjos gudis, iž jainaim žaim uta in gajukom allata wairžiž, |
| 4 | 12 | ei saihwandans saihwaina jah ni gaumjaina, jah hausjandans hausjaina jah ni fražjaina, ibai hwan gawandjaina sik jah afletaindau im frawaurhteis. |
| 4 | 13 | jah qaž du im: ni wituž žo gajukon, jah hwaiwa allos žos gajukons kunneiž? |
| 4 | 14 | sa saiands waurd saijiž. |
| 4 | 15 | ažžan žai wižra wig sind, žarei saiada žata waurd, jah žan gahausjand unkarjans, suns qimiž Satanas jah usnimiž waurd žata insaiano in hairtam ize. |
| 4 | 16 | jah [žai] sind žamaleiko žai ana stainahamma saianans, žaiei žan hausjand žata waurd, suns miž fahedai nimand ita |
| 4 | 17 | jah ni haband waurtins in sis, ak hweilahwairbai sind; žažroh, biže qimiž aglo aižžau wrakja in žis waurdis, suns gamarzjanda. |
| 4 | 18 | jah žai sind žai in žaurnuns saianans, žai waurd hausjandans, |
| 4 | 19 | jah saurgos žizos libainais jah afmarzeins gabeins jah žai bi žata anžar lustjus inatgaggandans afhwapjand žata waurd, jah akranalaus wairžiž. |
| 4 | 20 | jah žai sind žai ana airžai žizai godon saianans, žaiei hausjand žata waurd jah andnimand jah akran bairand, ain .l. jah ain .j. jah ain .r. |
| 4 | 21 | jah qaž du im: ibai lukarn qimiž duže ei uf melan satjaidau aižžau undar ligr? niu ei ana lukarnastažan satjaidau? |
| 4 | 22 | nih allis ist hwa fulginis žatei ni gabairhtjaidau: nih warž analaugn, ak ei swikunž wairžai. |
| 4 | 23 | jabai hwas habai ausona hausjandona, gahausjai. |
| 4 | 24 | jah qaž du im: saihwiž, hwa hauseiž! in žizaiei mitaž mitiž, mitada izwis jah biaukada izwis žaim galaubjandam. |
| 4 | 25 | unte žishwammeh saei habaiž gibada imma; jah saei ni habaiž jah žatei habaiž afnimada imma. |
| 4 | 26 | jah qaž: swa ist žiudangardi gudis, swaswe jabai manna wairžiž fraiwa ana airža. |
| 4 | 27 | jah slepiž jah urreisiž naht jah daga, jah žata fraiw keiniž jah liudiž swe ni wait is. |
| 4 | 28 | silbo auk airža akran bairiž: frumist gras, žažroh ahs, žažroh fulliž kaurnis in žamma ahsa. |
| 4 | 29 | žanuh biže atgibada akran, suns insandeiž gilža, unte atist asans. |
| 4 | 30 | jah qaž: hwe galeikom žiudangardja gudis, aižžau in hwileikai gajukon gabairam žo? |
| 4 | 31 | swe kaurno sinapis, žatei žan saiada ana airža, minnist allaize fraiwe ist žize ana airžai; |
| 4 | 32 | jah žan saiada, urriniž jah wairžiž allaize grase maist jah gataujiž astans mikilans, swaswe magun uf skadau is fuglos himinis gabauan. |
| 4 | 33 | jah swaleikaim managaim gajukom rodida du im žata waurd, swaswe mahtedun hausjon. |
| 4 | 34 | iž inuh gajukon ni rodida im, iž sundro siponjam seinaim andband allata. |
| 4 | 35 | jah qaž du im in jainamma daga at andanahtja žan wauržanamma: usleižam jainis stadis. |
| 4 | 36 | jah afletandans žo managein andnemun ina swe was in skipa; jah žan anžara skipa wesun miž imma. |
| 4 | 37 | jah warž skura windis mikila jah wegos waltidedun in skip, swaswe ita južan gafullnoda. |
| 4 | 38 | jah was is ana notin ana waggarja slepands, jah urraisidedun ina jah qežun du imma: laisari, niu kara žuk žizei fraqistnam? |
| 4 | 39 | jah urreisands gasok winda jah qaž du marein: gaslawai, afdumbn! jah anasilaida sa winds jah warž wis mikil. |
| 4 | 40 | jah qaž du im: duhwe faurhtai sijuž swa? hwaiwa ni nauh habaiž galaubein? |
| 4 | 41 | jah ohtedun sis agis mikil jah qežun du sis misso: hwas žannu sa sijai, unte jah winds jah marei ufhausjand imma? |
| 5 | 1 | Jah qemun hindar marein in landa Gaddarene. |
| 5 | 2 | jah usgaggandin imma us skipa suns gamotida imma manna us aurahjom in ahmin unhrainjamma, |
| 5 | 3 | saei bauain habaida in aurahjom: jah ni naudibandjom eisarneinaim manna mahta ina gabindan. |
| 5 | 4 | unte is ufta eisarnam bi fotuns gabuganaim jah naudibandjom eisarneinaim gabundans was jah galausida af sis žos naudibandjos jah žo ana fotum eisarna gabrak, jah manna ni mahta ina gatamjan. |
| 5 | 5 | jah sinteino nahtam jah dagam in aurahjom jah in fairgunjam was hropjands jah bliggwands sik stainam. |
| 5 | 6 | saihwands žan Iesu fairražro rann jah inwait ina |
| 5 | 7 | jah hropjands stibnai mikilai qaž: hwa mis jah žus, Iesu, sunau gudis žis hauhistins? biswara žuk bi guda, ni balwjais mis! |
| 5 | 8 | unte qaž imma: usgagg, ahma unhrainja, us žamma mann! |
| 5 | 9 | jah frah ina: hwa namo žein? jah qaž du imma: namo mein Laigaion, unte managai sijum. |
| 5 | 10 | jah baž ina filu ei ni usdrebi im us landa. |
| 5 | 11 | wasuh žan jainar hairda sweine haldana at žamma fairgunja. |
| 5 | 12 | jah bedun ina allos žos unhulžons qižandeins: insandei unsis in žo sweina, ei in žo galeižaima. |
| 5 | 13 | jah uslaubida im Iesus suns. jah usgaggandans ahmans žai unhrainjans galižun in žo sweina, jah rann so hairda and driuson in marein; wesunuž-žan swe twos žusundjos, jah afhwapnodedun in marein. |
| 5 | 14 | jah žai haldandans žo sweina gažlauhun jah gataihun in baurg jah in haimom, jah qemun saihwan hwa wesi žata wauržano. |
| 5 | 15 | jah atiddjedun du Iesua jah gasaihwand žana wodan sitandan jah gawasidana jah fražjandan žana saei habaida laigaion, jah ohtedun. |
| 5 | 16 | jah spillodedun im žaiei gasehwun, hwaiwa warž bi žana wodan jah bi žo sweina. |
| 5 | 17 | jah dugunnun bidjan ina galeižan hindar markos seinos. |
| 5 | 18 | jah ingaggandan ina in skip baž ina, saei was wods, ei miž imma wesi. |
| 5 | 19 | jah ni lailot ina, ak qaž du imma: gagg du garda žeinamma du žeinaim jah gateih im, hwan filu žus frauja gatawida jah gaarmaida žuk. |
| 5 | 20 | jah galaiž jah dugann merjan in Daikapaulein, hwan filu gatawida imma Iesus; jah allai sildaleikidedun. |
| 5 | 21 | jah usleižandin Iesua in skipa aftra hindar marein, gaqemun sik manageins filu du imma, jah was faura marein. |
| 5 | 22 | jah sai, qimiž ains žizai swnagogafade namin Jaeirus; jah saihwands gadraus du fotum Iesuis |
| 5 | 23 | jah baž ina filu, qižands žatei dauhtar meina aftumist habaiž, ei qimands lagjais ana žo handuns, ei ganisai jah libai. |
| 5 | 24 | jah galaiž miž imma, jah iddjedun afar imma manageins filu jah žraihun ina. |
| 5 | 25 | jah qinono suma wisandei in runa bložis jera twalif |
| 5 | 26 | jah manag gažulandei fram managaim lekjam jah fraqimandei allamma seinamma jah ni waihtai botida, ak mais wairs habaida, |
| 5 | 27 | gahausjandei bi Iesu, atgaggandei in managein aftana attaitok wastjai is. |
| 5 | 28 | unte qaž žatei jabai wastjom is atteka, ganisa. |
| 5 | 29 | jah sunsaiw gažaursnoda sa brunna bložis izos, jah ufkunža ana leika žatei gahailnoda af žamma slaha. |
| 5 | 30 | jah sunsaiw Iesus ufkunža in sis silbin žo us sis maht usgaggandein; gawandjands sik in managein qaž: hwas mis taitok wastjom? |
| 5 | 31 | jah qežun du imma siponjos is: saihwis žo managein žreihandein žuk jah qižis: hwas mis taitok? |
| 5 | 32 | jah wlaitoda saihwan žo žata taujandein. |
| 5 | 33 | iž so qino ogandei jah reirandei, witandei žatei warž bi ija, qam jah draus du imma jah qaž imma alla žo sunja. |
| 5 | 34 | iž is qaž du izai: dauhtar, galaubeins žeina ganasida žuk, gagg in gawairži jah sijais haila af žamma slaha žeinamma. |
| 5 | 35 | nauhžanuh imma rodjandin qemun fram žamma swnagogafada, qižandans žatei dauhtar žeina gaswalt; hwa žanamais draibeis žana laisari? |
| 5 | 36 | iž Iesus sunsaiw gahausjands žata waurd rodiž, qaž du žamma swnagogafada: ni faurhtei, žatainei galaubei. |
| 5 | 37 | jah ni fralailot ainohun ize miž sis afargaggan, nibai Paitru jah Iakobu jah Iohannen brožar Iakobis. |
| 5 | 38 | jah galaiž in gard žis swnagogafadis jah gasahw auhjodu jah gretandans jaf waifairhwjandans filu. |
| 5 | 39 | jah inatgaggands qaž du im: hwa auhjož jah gretiž? žata barn ni gadaužnoda, ak slepiž. |
| 5 | 40 | jah bihlohun ina. iž is uswairpands allaim, ganimiž attan žis barnis jah aižein jah žans miž sis jah galaiž in žarei was žata barn ligando. |
| 5 | 41 | jah fairgraip bi handau žata barn qažuh du izai: taleiža kumei, žatei ist gaskeiriž: mawilo, du žus qiža: urreis. |
| 5 | 42 | jah suns urreis so mawi jah iddja; was auk jere twalibe; jah usgeisnodedun faurhtein mikilai. |
| 5 | 43 | jah anabauž im filu ei manna ni funži žata; jah haihait ize giban matjan. |
| 6 | 1 | Jah usstož jainžro jah qam in landa seinamma, jah laistidedun afar imma siponjos is. |
| 6 | 2 | jah biže warž sabbato, dugann in swnagoge laisjan, jah managai hausjandans sildaleikidedun qižandans: hwažro žamma žata, jah hwo so handugeino so gibano imma, ei mahteis swaleikos žairh handuns is wairžand? |
| 6 | 3 | niu žata ist sa timrja, sa sunus Marjins, iž brožar Iakoba[us] jah Iuse[zis] jah Iudins jah Seimonis? jah niu sind swistrjus is her at unsis? jah gamarzidai wauržun in žamma. |
| 6 | 4 | qaž žan im Iesus žatei nist praufetus unswers, niba in gabauržai seinai in ganižjam in garda seinamma. |
| 6 | 5 | jah ni mahta jainar ainohun mahtai gataujan, niba fawaim siukaim handuns galagjands gahailida. |
| 6 | 6 | jah sildaleikida in ungalaubeinais ize jah bitauh weihsa bisunjane laisjands. |
| 6 | 7 | jah athaihait žans twalif jah dugann insandjan twans hwanzuh jah gaf im waldufni ahmane unhrainjaize. |
| 6 | 8 | jah faurbauž im ei waiht ni nemeina in wig, niba hrugga aina, nih matibalg nih hlaif nih in gairdos aiz, |
| 6 | 9 | ak gaskohai suljom: jah ni wasjaiž twaim paidom. |
| 6 | 10 | jah qaž du im: žishwaduh žei gaggaiž in gard, žar saljaiž, unte usgaggaiž jainžro. |
| 6 | 11 | jah swa managai swe ni andnimaina izwis nih hausjaina izwis, usgaggandans jainžro ushrisjaiž mulda žo undaro fotum izwaraim du weitwodižai im. amen, qiža izwis: sutizo ist Saudaumjam aižžau Gaumaurjam in daga stauos žau žizai baurg jainai. |
| 6 | 12 | jah usgaggandans meridedun ei idreigodedeina. |
| 6 | 13 | jah unhulžons managos usdribun jah gasalbodedun alewa managans siukans jah gahailidedun. |
| 6 | 14 | jah gahausida žiudans Herodes, swikunž allis warž namo is, jah qaž žatei Iohannes sa daupjands us daužaim urrais, [jah] dužže waurkjand žos mahteis in imma. |
| 6 | 15 | anžarai žan qežun žatei Helias ist; anžarai žan qežun žatei praufetes ist swe ains žize praufete. |
| 6 | 16 | gahausjands žan Herodes qaž žatei žammei ik haubiž afmaimait Iohanne, sa ist: sah urrais us daužaim. |
| 6 | 17 | sa auk raihtis Herodes insandjands gahabaida Iohannen jah gaband ina in karkarai in Hairodiadins qenais Filippaus brožrs seinis, unte žo galiugaida. |
| 6 | 18 | qaž auk Iohannes du Heroda žatei ni skuld ist žus haban qen brožrs žeinis. |
| 6 | 19 | iž so Herodia naiw imma jah wilda imma usqiman jah ni mahta; |
| 6 | 20 | unte Herodes ohta sis Iohannen, kunnands ina wair garaihtana jah weihana, jah witaida imma jah hausjands imma manag gatawida jah gabaurjaba imma andhausida. |
| 6 | 21 | jah wauržans dags gatils, žan Herodes mela gabauržais seinaizos nahtamat waurhta žaim maistam seinaize jah žusundifadim jah žaim frumistam Galeilaias, |
| 6 | 22 | jah atgaggandin inn dauhtar Herodiadins, jah plinsjandein jah galeikandein Heroda jah žaim mižanakumbjandam, qaž žiudans du žizai maujai: bidei mik žishwizuh žei wileis, jah giba žus. |
| 6 | 23 | jah swor izai žatei žishwah žei bidjais mik, giba žus und halba žiudangardja meina. |
| 6 | 24 | iž si usgaggandei qaž du aižein seinai: hwis bidjau? iž si qaž: haubidis Iohannis žis daupjandins. |
| 6 | 25 | jah atgaggandei sunsaiw sniumundo du žamma žiudana baž qižandei: wiljau ei mis gibais ana mesa haubiž Iohannis žis daupjandins. |
| 6 | 26 | jah gaurs wauržans sa žiudans in žizai aiže jah in žize mižanakumbjandane ni wilda izai ufbrikan. |
| 6 | 27 | jah suns insandjands sa žiudans spaikulatur, anabauž briggan haubiž is. iž is galeižands afmaimait imma haubiž in karkarai |
| 6 | 28 | jah atbar žata haubiž is ana mesa jah atgaf ita žizai maujai, jah so mawi atgaf ita aižein seinai. |
| 6 | 29 | jah gahausjands siponjos is qemun jah usnemun leik is jah galagidedun ita in hlaiwa. |
| 6 | 30 | jah gaļddjedun apaustauleis du Iesua jah gataihun imma allata jah swa filu swe gatawidedun .... |
| 6 | 53 | ..... jah duatsniwun. |
| 6 | 54 | jah usgaggandam im us skipa, sunsaiw ufkunnandans ina, |
| 6 | 55 | birinnandans all žata gawi dugunnun ana badjam žans ubil habandans bairan, žadei hausidedun ei is wesi. |
| 6 | 56 | jah žishwaduh žadei iddja in haimos aižžau baurgs aižžau in weihsa, ana gagga lagidedun siukans jah bedun ina ei žau skauta wastjos is attaitokeina; jah swa managai swe attaitokun imma, ganesun. |
| 7 | 1 | Jah gaqemun sik du imma Fareisaieis jah sumai žize bokarje qimandans us Iairusaulwmim. |
| 7 | 2 | jah gasaihwandans sumans žize siponje is gamainjaim handum, žat-ist unžwahanaim, matjandans hlaibans; |
| 7 | 3 | iž Fareisaieis jah allai Iudaieis, niba ufta žwahand handuns, ni matjand, habandans anafilh žize sinistane, |
| 7 | 4 | jah af mažla niba daupjand, ni matjand, jah anžar ist manag žatei andnemun du haban: daupeinins stikle jah aurkje jah katile jah ligre; |
| 7 | 5 | žažroh žan frehun ina žai Fareisaieis jah žai bokarjos: duhwe žai siponjos žeinai ni gaggand bi žammei anafulhun žai sinistans, ak unžwahanaim handum matjand hlaif? |
| 7 | 6 | iž is andhafjands qaž du im žatei waila praufetida Esaļas bi izwis žans liutans, swe gameliž ist: so managei wairilom mik sweraiž, iž hairto ize fairra habaiž sik mis. |
| 7 | 7 | iž sware mik blotand, laisjandans laiseinins, anabusnins manne; |
| 7 | 8 | afletandans raihtis anabusn gudis habaiž žatei anafulhun mannans, daupeinins aurkje jah stikle jah anžar galeik swaleikata manag taujiž. |
| 7 | 9 | jah qaž du im: waila inwidiž anabusn gudis, ei žata anafulhano izwar fastaiž. |
| 7 | 10 | Moses auk raihtis qaž: swerai attan žeinana jah aižein žeina; jah: saei ubil qižai attin seinamma aižžau aižein seinai, daužau afdaužjaidau. |
| 7 | 11 | iž jus qižiž: jabai qižai manna attin seinamma aižžau aižein: kaurban, žatei ist maižms, žishwah žatei us mis gabatnis; |
| 7 | 12 | jah ni fraletiž ina ni waiht taujan attin seinamma aižžau aižein seinai, |
| 7 | 13 | blaužjandans waurd gudis žizai anabusnai izwarai, žoei anafulhuž galeik swaleikata manag taukiž. |
| 7 | 14 | jah athaitands alla žo managein qaž im: hauseiž mis allai jah fražjaiž. |
| 7 | 15 | ni waihts ist utažro mans ingaggando in ina žatei magi ina gamainjan; ak žata utgaggando us mann žata ist žata gamainjando mannan. |
| 7 | 16 | jabai hwas habai ausona hausjandona, gahausjai. |
| 7 | 17 | jah žan galaiž in gard us žizai managein, frehun ina siponjos is bi žo gajukon. |
| 7 | 18 | jah qaž du im: swa jah jus unwitans sijuž? ni fražjiž žammei all žata utažro inngaggando in mannan ni mag ina gamainjan: |
| 7 | 19 | unte ni galeižiž imma in hairto, ak in wamba, jah in urrunsa usgaggiž, gahraineiž allans matins. |
| 7 | 20 | qažuž-žan žatei žata us mann usgaggando žata gamaineiž mannan. |
| 7 | 21 | innažro auk us hairtin manne mitoneis ubilos usgaggand: kalkinassjus, horinassjus, mauržra, |
| 7 | 22 | žiubja, faihufrikeins, unseleins, liutei, aglaitei, augo unsel, wajamerjeins, hauhhairtei, unwiti. |
| 7 | 23 | žo alla ubilona innažro usgaggand jah gagamainjand mannan. |
| 7 | 24 | jah jainžro usstandands galaiž in markos Twre jah Seidone jah galeižands in gard ni wilda witan mannan jah ni mahta galaugnjan. |
| 7 | 25 | gahausjandei raihtis qino bi ina, žizozei habaida dauhtar ahman unhrainjana, qimandei draus du fotum is. |
| 7 | 26 | wasuž-žan so qino haižno, Saurini fwnikiska gabauržai, jah baž ina ei žon unhulžon uswaurpi us dauhtr izos. |
| 7 | 27 | iž Iesus qaž du izai: let fauržis sada wairžan barna, unte ni gož ist niman hlaib barne jah wairpan hundam. |
| 7 | 28 | iž si andhof imma jah qaž du imma: jai frauja; jah auk hundos undaro biuda matjand af drauhsnom barne. |
| 7 | 29 | jah qaž du izai: in žis waurdis gagg, usiddja unhulžo us dauhtr žeinai. |
| 7 | 30 | jah galeižandei du garda seinamma bigat unhulžon usgaggana jah žo dauhtar ligandein ana ligra. |
| 7 | 31 | jah aftra galeižands af markom Twre jah Seidone qam at marein Galeilaie miž tweihnaim markom Daikapaulaios. |
| 7 | 32 | jah berun du imma baudana stammana jah bedun ina ei lagidedi imma handau. |
| 7 | 33 | jah afnimands ina af managein sundro, lagida figgrans seinains in ausona imma jah spewands attaitok tuggon is. |
| 7 | 34 | jah ussaihwands du himina gaswogida jah qaž du imma: aiffaža, žatei ist: uslukn. |
| 7 | 35 | jah sunsaiw usluknodedun imma hliumans, jah andbundnoda bandi tuggons is jah rodida raihtaba. |
| 7 | 36 | jah anabauž im ei mann ni qežeina. Hwan filu is im anabauž; mais žamma eis meridedun. |
| 7 | 37 | jah ufarassau sildaleikidedun qižandans: waila allata gatawida jah baudans gataujiž gahausjan jah unrodjandans rodjan. |
| 8 | 1 | In jainaim žan dagam aftra at filu managai managein wisandein jah ni habandan hwa matidedeina, athaitands siponjans qažuh du im: |
| 8 | 2 | infeinoda du žizai managein, unte ju dagans žrins miž mis wesun jah ni haband hwa matjaina; |
| 8 | 3 | jah jabai fraleta ins lausqižrans du garda ize, ufligand ana wiga; sumai raihtis ize fairražro qemun. |
| 8 | 4 | jah andhofun imma siponjos is: hwažro žans mag hwas gasožjan hlaibam ana aužidai? |
| 8 | 5 | jah frah ins: hwan managans habaiž hlaibans? iž eis qežun: sibun. |
| 8 | 6 | jah anabauž žizai managein anakumbjan ana airžai; jah nimands žans sibun hlaibans jah awiliudonds gabrak jah atgaf siponjam seinaim, ei atlagidedeina faur; jah atlagidedun faur žo managein. |
| 8 | 7 | jah habaidedun fiskans fawans, jah žans gažiužjands qaž ei atlagidedeina jah žans. |
| 8 | 8 | gamatidedun žan jah sadai wauržun; jah usnemun laibos gabruko sibun spwreidans. |
| 8 | 9 | wesunuž-žan žai matjandans swe fidwor žusundjos; jah fralailot ins. |
| 8 | 10 | jah galaiž sunsaiw in skip miž siponjam seinaim, jah qam ana fera Magdalan. |
| 8 | 11 | jah urrunnun Fareisaieis jah dugunnun mižsokjan imma sokjandans du imma taikn us himina, fraisandans ina. |
| 8 | 12 | jah ufswogjands ahmin seinamma qaž: hwa žata kuni taikn sokeiž? Amen, qiža izwiz: jabai gibaidau kunja žamma taikne. |
| 8 | 13 | jah afletands ins, galeižands aftra in skip uslaiž hindar marein. |
| 8 | 14 | jah ufarmunnodedun niman hlaibans jah niba ainana hlaif ni habaidedun miž sis in skipa. |
| 8 | 15 | jah anabauž im qižands: saihwiž ei atsaihwiž izwis žis beistis Fareisaie jah beistis Herodis. |
| 8 | 16 | jah žahtedun miž sis misso qižandans: unte hlaibans ni habam. |
| 8 | 17 | jah fražjands Iesus qaž du im: hwa žaggkeiž unte hlaibans ni habaiž? ni nauh fražjiž nih wituž, unte daubata habaiž hairto izwar. |
| 8 | 18 | augona habands ni gasaihwiž, jah ausona habandans ni gahauseiž jah ni gamunuž. |
| 8 | 19 | žan žans fimf hlaibans gabrak fimf žusundjom, hwan managos tainjons fullos gabruko usnemuž? qežun du imma: twalif. |
| 8 | 20 | ažžan žan žans sibun hlaibans fidwor žusundjom, hwan managans spwreidans fullans gabruko usnemuž? iž eis qežun: sibun. |
| 8 | 21 | jah qaž du im: hwaiwa ni nauh fražjiž? |
| 8 | 22 | jah qemun in Bežaniin jah berun du imma blindan jah bedun ina ei imma attaitoki. |
| 8 | 23 | jah fairgripands handu žis blindins ustauh ina utana weihsis jah speiwands in augona is, atlagjands ana handuns seinos frah ina ga-u-hwa-sehwi? |
| 8 | 24 | jah ussaihwands qaž: gasaihwa mans, žatei swe bagmans gasaihwa gaggandans. |
| 8 | 25 | žažroh aftra galagida handuns ana žo augona is jah gatawida ina ussaihwan; jah aftra gasatižs warž jah gasahw bairhtaba allans. |
| 8 | 26 | jah insandida ina du garda is qižands: ni in žata weihs gaggais, ni mannhun qižais in žamma wehsa. |
| 8 | 27 | jah usiddja Iesus jah siponjos is in wehsa Kaisarias žizos Filippaus: jah ana wiga frah siponjans žeinans qižands du im: hwana mik qižand mans wisan? |
| 8 | 28 | iž eis andhofun: Iohannen žana daupjand, jah anžarai Helian: sumaih žan ainana praufete. |
| 8 | 29 | jah is qaž du im: ažžan jus, hwana mik qižiž wisan? andhafjands žan Paitrus qaž du imma: žu is Xristus. |
| 8 | 30 | jah faurbauž im ei mannhun ni qežeina bi ina. |
| 8 | 31 | jah dugann laisjan ins žatei skal sunus mans filu winnan jah uskiusan skuld ist fram žaim sinistam jah žaim auhumistam gudjam jah bokarjam jah usqiman jah afar žrins dagans usstandan. |
| 8 | 32 | jah swikunžaba žata waurd rodida; jah aftiuhands ina Paitrus dugann andbaitan ina; |
| 8 | 33 | iž is gawandjands sik jah gasaihwands žans siponjans seinans andbait Paitru qižands: gagg hindar mik, Satana, unte ni fražjis žaim gudis, ak žaim manne. |
| 8 | 34 | jah athaitands žo managein miž siponjam seinaim qaž du im: saei wili afar mis laistjan, inwidai sik silban jah nimai galgan seinana jah laistjai mik. |
| 8 | 35 | saei allis wili saiwala seina ganasjan, fraqisteiž izai: iž saei fraqisteiž saiwalai seinai in meina jah in žizos aiwaggeljons, ganasjiž žo. |
| 8 | 36 | hwa auk boteiž mannan, jabai gageigaiž žana fairhwu allana jah gasleižeiž sik saiwalai seinai? |
| 8 | 37 | aižžau hwa gibiž manna inmaidein saiwalos seinaizos? |
| 8 | 38 | unte saei skamaiž sik meina jah waurde meinaize in gabauržai žizai horinondein jah frawaurhton, jah sunus mans skamaiž sik is, žan qimiž in wulžau attins seinis miž aggilum žaim weiham. |
| 9 | 1 | Jah qaž du im: amen, qiža izwis žatei sind sumai žize her standandane, žai ize ni kausjand daužaus, unte gasaihwand žiudinassu gudis qumanana in mahtai. |
| 9 | 2 | jah afar dagans saihs ganam Iesus Paitru jah Iakobu jah Iohannen jah ustauh ins ana fairguni hauh sundro ainans: jah inmaidida sik in andwairžja ize. |
| 9 | 3 | jah wastjos is wauržun glitmunjandeins, hweitos swe snaiws, swaleikos swe wullareis ana airžai ni mag gahweitjan. |
| 9 | 4 | jah ataugižs warž im Helias miž Mose; jah wesun rodjandans miž Iesua. |
| 9 | 5 | jah andhafjands Paitrus qaž du Iesua: rabbei, gož ist unsis her wisan, jah gawaurkjam hlijans žrins, žus ainana jah Mose ainana jah ainana Helijin. |
| 9 | 6 | ni auk wissa hwa rodidedi; wesun auk usagidai. |
| 9 | 7 | jah warž milhma ufarskadwjands im, jah qam stibna us žamma milhmin: sa ist sunus meins sa liuba, žamma hausjaiž. |
| 9 | 8 | jah anaks insaihwandans ni žanaseižs ainohun gasehwun, alja Iesu ainana miž sis. |
| 9 | 9 | dalaž žan atgaggandam im af žamma fairgunja, anabauž im ei mannhun ni spillodedeina žatei gasehwun, niba biže sunus mans us daužaim usstoži. |
| 9 | 10 | jah žata waurd habaidedun du sis misso sokjandans: hwa ist žata us daužaim usstandan? |
| 9 | 11 | jah frehun ina qižandans: unte qižand žai bokarjos žatei Helias skuli qiman fauržis? |
| 9 | 12 | iž is andhafjands qaž du im: Helias swežauh qimands fauržis aftra gaboteiž alla; jah hwaiwa gameliž ist bi sunu mans, ei manag winnai jah frakunžs wairžai. |
| 9 | 13 | akei qiža izwis žatei ju Helias qam jah gatawidedun imma swa filu swe wildedun, swaswe gameliž ist bi ina. |
| 9 | 14 | jah qimands at siponjam gasahw filu manageins bi ins jah bokarjans sokjandans miž im. |
| 9 | 15 | jah sunsaiw alla managei gasaihwandans ina usgeisnodedun jah durinnandans inwitun ina. |
| 9 | 16 | jah frah žans bokarjans: hwa sokeiž miž žaim? |
| 9 | 17 | jah andhafjands ains us žizai managein qaž: laisari, brahta sunu meinana du žus habandan ahman unrodjandan. |
| 9 | 18 | jah žishwaruh žei ina gafahiž, gawairpiž ina, jah hwažjiž jah kriustiž tunžuns seinans jah gastaurkniž; jah qaž siponjam žeinaim ei usdreibeina ina, jah ni mahtedun. |
| 9 | 19 | iž is andhafjands im qaž: o kuni ungalaubjando! und hwa at izwis sijau? und hwa žulau izwis? bairiž ina du mis. |
| 9 | 20 | jah brahtedun ina at imma. jah gasaihwands ina sunsaiw sa ahma tahida ina; jah driusands ana airža walwisoda hwažjands. |
| 9 | 21 | jah frah žana attan is: hwan lagg mel ist ei žata warž imma? iž is qaž: us barniskja. |
| 9 | 22 | jah ufta ina jah in fon atwarp jah in wato, ei usqistidedi imma; akei jabai mageis, hilp unsara, gableižjands unsis. |
| 9 | 23 | iž Iesus qaž du imma žata jabai mageis galaubjan; allata mahteig žamma galaubjandin. |
| 9 | 24 | jah sunsaiw ufhropjands sa atta žis barnis miž tagram qaž: galaubja; hilp meinaizos ungalaubeinais! |
| 9 | 25 | gasaihwands žan Iesus žatei samaž rann managei, gahwotida ahmin žamma unhrainjin, qižands du imma: žu ahma, žu unrodjands jah baužs, ik žus anabiuda: usgagg us žamma jah žanaseižs ni galeižais in ina. |
| 9 | 26 | jah hropjands jah filu tahjands ina usiddja; jah warž swe daužs, swaswe managai qežun žatei gaswalt. |
| 9 | 27 | iž Iesus undgreipands ina bi handau urraisida ina; jah usstož. |
| 9 | 28 | jah galeižandan ina in gard, siponjos is frehun ina sundro: duhwe weis ni mahtedum usdreiban žana? |
| 9 | 29 | jah qaž du im: žata kuni in waihtai ni mag usgaggan, niba in bidai jah fastubnja. |
| 9 | 30 | jah jainžro usgaggandans iddjedun žairh Galeilaian, jah ni wilda ei hwas wissedi, |
| 9 | 31 | unte laisida siponjans seinans jah qaž du im žatei sunus mans atgibada in handuns manne, jah usqimand imma, jah usqistižs žridjin daga usstandiž. |
| 9 | 32 | iž eis ni frožun žamma waurda jah ohtedun ina fraihnan. |
| 9 | 33 | jah qam in Kafarnaum. jah in garda qumans frah ins: hwa in wiga miž izwis misso mitodeduž? |
| 9 | 34 | iž eis slawaidedun; du sis misso andrunnun, hwarjis maists wesi. |
| 9 | 35 | jah sitands atwopida žans twalif jah qaž du im: jabai hwas wili frumists wisan, sijai allaize aftumists jah allaim andbahts. |
| 9 | 36 | jah nimands barn gasatida ita in midjaim im jah ana armins nimands ita qaž du im: |
| 9 | 37 | saei ain žize swaleikaize barne andnimiž ana namin meinamma, mik andnimiž; jah sahwazuh saei mik andnimiž, ni mik andnimiž, ak žana sandjandan mik. |
| 9 | 38 | andhof žan imma Iohannes qižands: laisari! sehwum sumana in žeinamma namin usdreibandan unhulžons, saei ni laisteiž unsis, jah waridedum imma, unte ni laisteiž unsis. |
| 9 | 39 | iž is qaž: ni warjiž imma; ni mannahun auk ist saei taujiž maht in namin meinamma jah magi sprauto ubilwaurdjan mis; |
| 9 | 40 | unte saei nist wižra izwis, faur izwis ist. |
| 9 | 41 | saei auk allis gadragkjai izwis stikla watins in namin meinamma, unte Xristaus sijuž, amen qiža izwis ei ni fraqisteiž mizdon seinai. |
| 9 | 42 | jah sahwazuh saei gamarzjai ainana žize leitilane žize galaubjandane du mis, gož ist imma mais ei galagjaidau asiluqairnus ana halsaggan is jah frawaurpans wesi in marein. |
| 9 | 43 | jah jabai marzjai žuk handus žeina, afmait žo : gož žus ist hamfamma in libain galeižan, žau twos handuns habandin galeižan in Gaiainnan, in fon žata unhwapnando, |
| 9 | 44 | žarei maža ize ni gaswiltiž jah fon ni afhwapniž. |
| 9 | 45 | jah jabai fotus žeins marzjai žuk, afmait ina; gož žus ist galeižan in libain haltamma, žau twans fotuns habandin gawairpan in gaiainnan, in fon žata unhwapnando, |
| 9 | 46 | žarei maža ize ni gaswiltiž jah fon ni afhwapniž. |
| 9 | 47 | jah jabai augo žein marzjai žuk, uswairp imma; gož žus ist haihamma galeižan in žiudangardja gudis, žau twa augona habandin atwairpan in gaiainnan funins, |
| 9 | 48 | žarei maža ize ni gadaužniž jah fon ni afhwapniž. |
| 9 | 49 | hwazuh auk funin saltada jah hwarjatoh hunsle salta saltada. |
| 9 | 50 | gož salt; iž jabai salt unsaltan wairžiž, hwe supuda? habaiž in izwis salt jah gawairžeigai sijaiž miž izwis misso. |
| 10 | 1 | Jah jainžro usstandands qam in markon Iudaias hindar Iaurdanau; jah gaqemun sik aftra manageins du imma, jah, swe biuhts [was], aftra laisida ins. |
| 10 | 2 | jah duatgaggandans Fareisaieis frehun ina, skuldu sijai mann qen afsatjan, fraisandans ina. |
| 10 | 3 | iž is andhafjands qaž: hwa izwis anabauž Moses? |
| 10 | 4 | iž eis qežun: Moses uslaubida unsis bokos afsateinais meljan jah afletan. |
| 10 | 5 | jah andhafjands Iesus qaž du im: wižra harduhairtein izwara gamelida izwis žo anabusn. |
| 10 | 6 | iž af anastodeinai gaskaftais gumein jah qinein gatawida guž. |
| 10 | 7 | inuh žis bileižai manna attin seinamma jah aižein seinai, |
| 10 | 8 | jah sijaina žo twa du leika samin, swaswe žanaseižs ni sind twa, ak leik ain. |
| 10 | 9 | žatei nu guž gawaž, manna žamma ni skaidai. |
| 10 | 10 | jah in garda aftra siponjos is bi žata samo frehun ina. |
| 10 | 11 | jah qaž du im: sahwazuh saei afletiž qen seina jah liugaiž anžara, horinož du žizai. |
| 10 | 12 | jah jabai qino afletiž aban seinana jah liugada anžaramma, horinož. |
| 10 | 13 | žanuh atberun du imma barna, ei attaitoki im: iž žai siponjos is sokun žaim bairandam du. |
| 10 | 14 | gasaihwands žan Iesus unwerida jah qaž du im: letiž žo barna gaggan du mis jah ni warjiž žo, unte žize [swaleikaize] ist žiudangardi gudis. |
| 10 | 15 | amen, qiža izwis: saei ni andnimiž žiudangardja gudis swe barn, ni žauh qimiž in izai. |
| 10 | 16 | jah gažlaihands im, lagjands handuns ana žo žiužida im. |
| 10 | 17 | jah usgaggandin imma in wig, duatrinnands ains jah knussjands baž ina qižands: laisari žiužeiga, hwa taujau ei libainais aiweinons arbja wairžau? |
| 10 | 18 | iž is qaž du imma: hwa mik qižis žiužeigana? ni hwashun žiužeigs, alja ains guž. |
| 10 | 19 | žos anabusnins kant: ni horinos; ni mauržrjais; ni hlifais; ni sijais galiugaweitwods; ni anamahtjais; swerai attan žeinana jah aižein žeina. |
| 10 | 20 | žaruh andhafjands qaž du imma: laisari, žo alla gafastaida us jundai meinai. |
| 10 | 21 | iž Iesus insaihwands du imma frijoda ina jah qaž du imma: ainis žus wan ist; gagg, swa filu swe habais frabugei jah gif žarbam, jah habais huzd in himinam; jah hiri laistjan mik nimands galgan. |
| 10 | 22 | iž is gahnipnands in žis waurdis galaiž gaurs; was auk habands faihu manag. |
| 10 | 23 | jah bisaihwands Iesus qaž siponjam seinaim: sai, hwaiwa agluba žai faiho gahabandans in žiudangardja gudis galeižand. |
| 10 | 24 | iž žai siponjos afslaužnodedun in waurde is. žaruh Iesus aftra andhafjands qaž im: barnilona, hwaiwa aglu ist žaim hugjandam afar faihau in žiudangardja gudis galeižan. |
| 10 | 25 | azitizo ist ulbandau žairh žairko nežlo galeižan, žau gabigamma in žiudangardja gudis galeižan. |
| 10 | 26 | iž eis mais usgeisnodedun qižandans du sis misso: jah hwas mag ganisan? |
| 10 | 27 | insaihwands du im Iesus qaž: [akei] fram mannan unmahteig ist, [akei] ni fram guda; allata auk mahteig ist fram guda. |
| 10 | 28 | dugann žan Paitrus qižan du imma: sai, weis aflailotum alla jah laistidedum žuk. |
| 10 | 29 | andhafjands im Iesus qaž: amen, qiža izwis: ni hwashun ist saei aflailoti gard aižžau brožruns [aižžau swistruns] aižžau aižein aižžau attan aižžau qen aižžau barna aižžau haimožlja in meina jah in žizos aiwaggeljons, |
| 10 | 30 | saei ni andnimai .r. falž nu in žamma mela gardins jah brožruns jah swistruns jah attan jah aižein jah barna jah haimožlja miž wrakom jah in aiwa žamma anawairžin libain aiweinon. |
| 10 | 31 | ažžan managai wairžand frumans aftumans, jah aftumans frumans. |
| 10 | 32 | wesunuž-žan ana wiga gaggandans du Iairusaulwmai jah was faurbigaggands ins Iesus, jah sildaleikidedun jah afarlaistjandans faurhtai wesun. jah andnimands aftra žans twalif dugann im qižan žoei habaidedun ina gadaban. |
| 10 | 33 | žatei sai, usgaggam in Iarusaulwma jah sunus mans atgibada žaim ufargudjam jah bokarjam, jah gawargjand ina daužau [jah atgiband ina žiudom] |
| 10 | 34 | jah bilaikand ina jah bliggwand ina jah speiwand ana ina jah usqimand imma, jah žridjin daga ustandiž. |
| 10 | 35 | jah athabaidedun sik du imma Iakobus jah Iohannes, sunjus Zaibaidaiaus, qižandans: laisari, wileima ei žatei žuk bidjos, taujais uggkis. |
| 10 | 36 | iž Iesus qaž im: hwa wileits taujan mik igqis? |
| 10 | 37 | iž eis qežun du imma: fragif ugkis ei ains af taihswon žeinai jah ains af hleidumein žeinai sitaiwa in wulžau žeinamma. |
| 10 | 38 | iž Iesus qažuh du im: ni wituts hwis bidjats: magutsu driggkan stikl žanei ik driggka, jah daupeinai žizaiei ik daupjada, ei daupjaindau? |
| 10 | 39 | iž eis qežun du imma: magu. iž Iesus qažuh du im: swežauh žana stikl žanei ik driggka, driggkats jah žizai daupeinai žizaiei ik daupjada [daupjanda]; |
| 10 | 40 | iž žata du sitan af taihswon meinai aižžau af hleidumein nist mein du giban, alja žaimei manwiž was. |
| 10 | 41 | jah gahausjandans žai taihun dugunnun unwerjan bi Iakobu jah Iohannen. |
| 10 | 42 | iž is athaitands ins qaž du im: wituž žatei [žaiei] žuggkjand reikinon žiudom, gafraujinond im, iž žai mikilans ize gawaldand im. |
| 10 | 43 | iž ni swa sijai in izwis; ak sahwazuh saei wili wairžan mikils in izwis, sijai izwar andbahts; |
| 10 | 44 | jah saei wili izwara wairžan frumists, sijai allaim skalks. |
| 10 | 45 | jah auk sunus mans ni qam at andbahtjam, ak andbahtjan jah giban saiwala seina faur managans lun. |
| 10 | 46 | jah qemun in Iairikon. jah usgaggandin imma jainžro miž siponjam seinaim jah managein ganohai, sunus Teimaiaus, Barteimai[a]us [sa] blinda, sat faur wig du aihtron. |
| 10 | 47 | jah gahausjands žatei Iesus sa Nazoraius ist, dugann hropjan jah qižan: sunau Daweidis, Iesu, armai mik! |
| 10 | 48 | jah hwotidedun imma managai ei gažahaidedi; iž is filu mais hropida: sunau Daweidis, armai mik! |
| 10 | 49 | jah gastandands Iesus haihait atwopjan ina. jah wopidedun žana blindan, qižandans du imma: žrafstei žuk; urreis, wopeiž žuk. |
| 10 | 50 | iž is afwairpands wastjai seinai ushlaupands qam at Iesu. |
| 10 | 51 | jah andhafjands qaž du imma Iesus: hwa wileis ei taujau žus? iž sa blinda qaž du imma: rabbaunei, ei ussaihwau. |
| 10 | 52 | iž Iesus qaž du imma: gagg, galaubeins žeina ganasida žuk. jah sunsaiw ussahw jah laistida in wiga Iesu. |
| 11 | 1 | Jah biže nehwa wesun Iairusalem, in Bežsfagein jah Bižaniin at fairgunja alewjin, insandida twans siponje seinaize |
| 11 | 2 | jah qaž du im: gaggats in haim žo wižrawairžon iggqis, jah sunsaiw inngaggandans in žo [baurg] bigitats fulan gabundanana, ana žammei nauh ainshun manne ni sat; andbindandans ina attiuhats. |
| 11 | 3 | jah jabai hwas iggqis qižai: duhwe žata taujats? qižaits: žatei frauja žis gairneiž; jah sunsaiw ina insandeiž hidre. |
| 11 | 4 | galižun žan jah bigetun fulan gabundanana at daura uta ana gagga; jah andbundun ina. |
| 11 | 5 | jah sumai žize jainar standandane qežun du im: hwa taujats andbindandans žana fulan? |
| 11 | 6 | iž eis qežun du im swaswe anabauž im Iesus, jah lailotun ins. |
| 11 | 7 | jah brahtedun žana fulan at Iesua jah galagidedun ana [ina] wastjos seinos, jah gasat ana ina. |
| 11 | 8 | managai žan wastjom seinaim strawidedun ana wiga. |
| 11 | 9 | jah žai fauragaggandans [jah žai afarlaistjandans] hropidedun qižandans: osanna, žiužida sa qimanda in namin fraujins! |
| 11 | 10 | žiužido so qimandei Tiudingardi in namin [fraujins] attins unsaris Daweidis. osanna in hauhistjam! |
| 11 | 11 | jah galaiž in Iairusaulwma Iesus jah in alh; jah bisaihwands alla, at andanahtja južan wisandin hweilai usiddja in Bežanian miž žaim twalibim. |
| 11 | 12 | jah iftumin daga usstandandam im us Bežaniin gredags warž. |
| 11 | 13 | jah gasaihwands smakkabagm fairražro habandan lauf atiddja, ei aufto bigeti hwa ana imma; jah qimands at imma ni waiht bigat ana imma niba lauf; ni auk was mel smakkane. |
| 11 | 14 | jah usbairands qaž du imma: ni žanaseižs us žus aiw manna akran matjai. jah gahausidedun žai siponjos is. |
| 11 | 15 | jah iddjedun du Iaurusaulwmai. jah atgaggands Iesus in alh dugann uswairpan žans frabugjandans jah bugjandans in alh jah mesa skattjane jah sitlans žize frabugjandane ahakim uswaltida. |
| 11 | 16 | jah ni lailot ei hwas žairhberi kas žairh žo alh. |
| 11 | 17 | jah laisida qižands du im: niu gameliž ist žatei razn mein razn bido haitada allaim žiudom? iž jus gatawideduž ita du filigrja waidedjane. |
| 11 | 18 | jah gahausidedun žai bokarjos jah gudjane auhumistans jah sokidedun, hwaiwa imma usqistidedeina: ohtedun auk ina, unte alla managei sildaleikidedun in laiseinais is. |
| 11 | 19 | jah biže andanahti warž, usiddja ut us žizai baurg. |
| 11 | 20 | jah in maurgin faurgaggandans gasehwun žana smakkabagm žaursjana us waurtim. |
| 11 | 21 | jah gamunands Paitrus qaž du imma: rabbei, sai, smakkabagms žanei fraqast gažaursnoda. |
| 11 | 22 | jah andhafjands Iesus qaž du im: habaiž galaubein gudis! |
| 11 | 23 | amen auk qiža izwis, žishwazuh ei qižai du žamma fairgunja: ushafei žuk jah wairp žus in marein, jah ni tuzwerjai in hairtin seinamma, ak galaubjai žata, ei žatei qižiž gagaggiž, wairžiž imma žishwah žei qižiž. |
| 11 | 24 | dužže qiža izwis: allata žishwah žei bidjandans sokeiž, galaubeiž žatei nimiž, jah wairžiž izwis. |
| 11 | 25 | jah žan standaiž bidjandans, afletaiž, jabai hwa habaiž wižra hwana, ei jah atta izwar sa in himinam afletai izwis missadedins izwaros. |
| 11 | 26 | iž jabai jus ni afletiž, ni žau atta izwar sa in himinam afletiž izwis missadedins izwaros. |
| 11 | 27 | jah iddjedun aftra du Iairusaulwmai. jah in alh hwarbondin imma, atiddjedun du imma žai auhumistans gudjans jah bokarjos jah sinistans. |
| 11 | 28 | jah qežun du imma: in hwamma waldufnje žata taujis? jah hwas žus žata waldufni atgaf, ei žata taujis? |
| 11 | 29 | iž Iesus andhafjands qaž du im: fraihna jah ik izwis ainis waurdis jah andhafjiž mis, jah qiža izwis in hwamma waldufnje žata tauja. |
| 11 | 30 | daupeins Iohannis uzuh himina was žau uzuh mannam? andhafjiž mis. |
| 11 | 31 | jah žahtedun du sis misso qižandans, jabai qižam: us himina, qižiž: ažžan duhwe ni galaubideduž imma? |
| 11 | 32 | ak qižam: us mannam, uhtedun žo managein. allai auk allakjo habaidedun Iohannen žatei bi sunjai praufetes was. |
| 11 | 33 | jah andhafjandans qežun du Iesua: ni witum. jah andhafjandans Iesus qaž du im: nih ik izwis qiža in hwamma waldufnje žata tauja. |
| 12 | 1 | Jah dugann im in gajukom qižan: weinagard ussatida manna jah bisatida ina fažom jah usgrof dal uf mesa jah gatimrida kelikn jah anafalh ina waurstwjam jah aflaiž aljaž. |
| 12 | 2 | jah insandida du žaim waurstwjam at mel skalk, ei at žaim waurstwjam nemi akranis žis weinagardis. |
| 12 | 3 | iž eis nimandans ina usbluggwun jah insandidedun laushandjan. |
| 12 | 4 | jah aftra insandida du im anžarana skalk; jah žana stainam wairpandans [gaaiwiskodedun jah] haubižwundan brahtedun jah insandidedun ganaitidana. |
| 12 | 5 | jah aftra insandida anžarana; jah jainana afslohun jah managans anžarans, sumans usbliggwandans, sumanzuh žan usqimandans. |
| 12 | 6 | žanuh nauhžanuh ainana sunu aigands liubana sis, insandida jah žana du im spedistana, qižands žatei gaaistand sunu meinana. |
| 12 | 7 | iž jainai žai waurstwjans qežun du sis misso žatei sa ist sa arbinumja; hirjiž, usqiman imma, jah unsar wairžiž žata arbi. |
| 12 | 8 | jah undgreipandans ina usqemun jah uswaurpun imma ut us žamma weinagarda. |
| 12 | 9 | hwa nuh taujai frauja žis weinagardis? qimiž jah usqisteiž žans waurstwjans jah gibiž žana weinagard anžaraim. |
| 12 | 10 | nih žata gamelido ussuggwuž: stains žammei uswaurpun žai timrjans, sah warž du haubida waihstins? |
| 12 | 11 | fram fraujin warž sa jah ist sildaleiks in augan unsaraim. |
| 12 | 12 | jah sokidedun ina undgreipan jah ohtedun žo managein; frožun auk žatei du im žo gajukon qaž. jah afletandans ina galižun. |
| 12 | 13 | jah insandidedun du imma sumai žize Fareisaie jah Herodiane, ei ina ganuteina waurda. |
| 12 | 14 | iž eis qimandans qežun du imma: laisare, witum žatei sunjeins is jah ni kara žuk manshun; ni auk saihwis in andwairžja manne, ak bi sunjai wig gudis laiseis: skuldu ist kaisaragild giban kaisara, žau niu gibaima? |
| 12 | 15 | iž Iesus gasaihwands ize liutein qaž du im: hwa mik fraisiž? atbairiž mis skatt, ei gasaihwau. |
| 12 | 16 | iž eis atberun, jah qaž du im: hwis ist sa manleika jah so ufarmeleins? iž eis qežun du imma: kaisaris. |
| 12 | 17 | jah andhafjands Iesus qaž du im: usgibiž žo kaisaris kaisara jah žo gudis guda. jah sildaleikidedun ana žamma. |
| 12 | 18 | jah atiddjedun Saddukaieis du imma žaiei qižand usstass ni wisan, jah frehun ina qižandans: |
| 12 | 19 | laisari Moses gamelida unsis žatei jabai hwis brožar gadaužnai jah bileižai qenai jah barne bileižai, ei nimai brožar is žo qen is jah ussatjai barna brožr seinamma. |
| 12 | 20 | sibun brožrahans wesun; jah sa frumista nam qen jah gaswiltands ni bilaiž fraiwa. |
| 12 | 21 | jah anžar nam žo jah gadaužnoda jah ni sa bilaiž fraiwa. jah žridja samaleiko. |
| 12 | 22 | jah nemun žo samaleiko žai sibun jah ni bileižun fraiwa. spedumista allaize gaswalt jah so qens. |
| 12 | 23 | in žizai usstassai, žan usstandand, hwarjamma ize wairžiž qens? žai auk sibun aihtedun žo du qenai. |
| 12 | 24 | jah andhafjands Iesus qaž du im: niu duže airzjai sijuž, ni kunnandans mela nih maht gudis? |
| 12 | 25 | allis žan usstandand us daužaim, ni liugand ni liuganda, ak sind swe aggiljus žai in himinam. |
| 12 | 26 | ažžan bi daužans, žatei urreisand, niu gakunnaideduž ana bokom Mosezis ana aihwatundjai, hwaiwa imma qaž guž qižands: ik im guž Abrahamis jah guž Isakis jah [guž] Iakobis? |
| 12 | 27 | nist guž daužaize, ak qiwaize. ažžan jus filu airzjai sijuž. |
| 12 | 28 | jah duatgaggands ains žize bokarje, gahausjands ins samana sokjandans, gasaihwands žatei waila im andhof, frah ina: hwarja ist allaizo anabusne frumista? |
| 12 | 29 | iž Iesus andhof imma žatei frumista allaizo anabusns: hausei, Israel frauja guž unsar frauja ains ist. |
| 12 | 30 | jah frijos fraujan guž žeinana us allamma hairtin žeinamma jah us allai saiwalai žeinai jah us allai gahugdai žeinai jah us allai mahtai žeinai. so frumista anabusns. |
| 12 | 31 | jah anžara galeika žizai: frijos nehwundjan žeinana swe žuk silban. maizei žaim anžara anabusns nist. |
| 12 | 32 | jah qaž du imma sa bokareis: waila, laisari, bi sunjai qast žatei ains ist, jah nist anžar alja imma; |
| 12 | 33 | jah žata du frijon ina us allamma hairtin jah us allamma fražja jah us allai saiwalai jah us allai mahtai, jah žata du frijon nehwundjan swe sik silban managizo ist allaim žaim alabrunstim jah saudim. |
| 12 | 34 | jah Iesus gasaihwands ina žatei frodaba andhof, qaž du imma: ni fairra žiudangardjai gudis. jah ainshun žanaseižs ni gadaursta ina fraihnan. |
| 12 | 35 | jah andhafjands Iesus qaž laisjands in alh: hwaiwa qižand žai bokarjos žatei Xristus sunus ist Daweidis? |
| 12 | 36 | silba auk Daweid qaž in ahmin weihamma: qižiž frauja du fraujin meinamma, sit af taihswon meinai, unte ik galagja fijands žeinans fotaubaurd fotiwe žeinaize. |
| 12 | 37 | silba raihtis Daweid qižiž ina fraujan, jah hwažro imma sunus ist? jah alla so managei hausidedun imma gabaurjaba. |
| 12 | 38 | jah qaž du im in laiseinai seinai: saihwiž faura bokarjam. . . . |
| 13 | 16 | . . . . wastja seina. |
| 13 | 17 | ažžan wai žaim qižuhaftom jah daddjandeim in jainaim dagam. |
| 13 | 18 | ažžan bidjaiž ei ni wairžai sa žlauhs izwar wintrau. |
| 13 | 19 | wairžand auk žai dagos jainai aglo swaleiko, swe ni was swaleika fram anastodeinai gaskaftais žoei gaskop guž, und hita, jah ni wairžiž. |
| 13 | 20 | jah ni frauja gamaurgidedi žans dagans, ni žauh ganesi ainhun leike; akei in žize gawalidane, žanzei gawalida, gamaurgida žans dagans. |
| 13 | 21 | jah žan jabai hwas izwis qižai: sai, her Xristus, aižžau sai, jainar, ni galaubjaiž; |
| 13 | 22 | unte urreisand galiugaxristjus jah galiugapraufeteis jah giband taiknins jah fauratanja du afairzjan, jabei mahteig sijai, jah žans gawalidans. |
| 13 | 23 | iž jus saihwiž: sai, faurgataih izwis allata. |
| 13 | 24 | akei in jainans dagans afar žo aglon jaina sauil riqizeiž jah mena ni gibiž liuhaž sein. |
| 13 | 25 | jah stairnons himinis wairžand driusandeins jah mahteis žos in himinam gawahjanda. |
| 13 | 26 | jah žan gasaihwand sunu mans qimandan in milhmam miž maihtai managai jah wulžau. |
| 13 | 27 | jah žan insandeiž aggiluns seinans jah galisiž žans gawalidans seinans af fidwor windam fram andjam airžos und andi himinis. |
| 13 | 28 | ažžan af smakkabagma ganimiž žo gajukon. žan žis južan asts žlaqus wairžiž, jah uskeinand laubos, kunnuž žatei nehwa ist asans. |
| 13 | 29 | swah jah jus, žan gasaihwiž žata wairžan, kunneiž žatei nehwa sijuž at . . . . |
| 14 | 4 | . . . . teins žis balsanis warž? |
| 14 | 5 | maht wesi auk žata balsan frabugjan in managizo žau žrija hunda skatte jah giban unledaim. jah andstaurraidedun žo. |
| 14 | 6 | iž Iesus qaž: letiž žo; duhwe izai usžriutiž? žannu gož waurstw waurhta bi mis. |
| 14 | 7 | sinteino auk žans unledans habaiž miž izwis, jah žan wileiž, maguž im waila taujan; iž mik ni sinteino habaiž. |
| 14 | 8 | žatei habaida so gatawida; faursnau salbon mein leik du usfilha. |
| 14 | 9 | amen, qiža izwis: žishwaruh žei merjada so aiwaggeljo and alla manasež, jah žatei gatawida so rodjada du gamundai izos. |
| 14 | 10 | jah Iudas Iskarioteis, ains žize twalibe, galaiž du žaim gudjam, ei galewidedi ina im. |
| 14 | 11 | iž eis gahausjandans faginodedun jah gahaihaitun imma faihu giban; jah sokida hwaiwa gatilaba ina galewidedi. |
| 14 | 12 | jah žamma frumistin daga azwme, žan paska salidedun, qežun du imma žai siponjos is: hwar wileis ei galeižandans manwjaima, ei matjais paska? |
| 14 | 13 | jah insandida twans siponje seinaize qažuh du im: gaggats in žo baurg, jah gamoteiž igqis manna kas watins bairands: gaggats afar žamma, |
| 14 | 14 | jah žadei innagaleižai, qižaits žamma heiwafraujin žatei laisareis qižiž: hwar sind saližwos žarei paska miž siponjam meinaim matjau? |
| 14 | 15 | jah sa izwis taikneiž kelikn mikilata, gastrawiž, manwjata; jah jainar manwjaiž unsis. |
| 14 | 16 | jah usiddjedun žai siponjos . . . . |
| 14 | 41 | . . . . sai, galewjada sunus mans in handuns frawaurhtaize. |
| 14 | 42 | urreisiž, gaggam! sai, sa lewjands mik atnehwida. |
| 14 | 43 | jah sunsaiw nauhžanuh at imma rodjandin qam Iudas, sums žize twalibe, jah miž imma managei miž hairum jah triwam fram žaim auhumistam gudjam jah bokarjam jah sinistam. |
| 14 | 44 | at-uh-žan-gaf se lewjands [ina] im bandwon qižands: žammei kukjau, sa ist: greipiž žana jah tiuhiž arniba. |
| 14 | 45 | jah qimands sunsaiw, atgaggands du imma qaž: rabbei, rabbei!, jah kukida imma. |
| 14 | 46 | iž eis uslagidedun handuns ana ina jah undgripan ina. |
| 14 | 47 | iž ains sums žize atstandandane imma uslukands hairu sloh skalk auhumistins gudjins jah afsloh imma auso žata taihswo. |
| 14 | 48 | jah andhafjands Iesus qaž du im: swe du waidedjin urrunnuž miž hairum jah triwam greipan mik. |
| 14 | 49 | daga hwammeh was at izwis in alh laisjands jah ni gripuž mik: ak ei usfullnodedeina bokos. |
| 14 | 50 | jah afletandans ina gažlauhun allai. |
| 14 | 51 | jah ains sums juggalaužs laistida afar imma biwaibižs leina ana naqadana; jah gripun is žai juggalaudeis. |
| 14 | 52 | iž is bileižands žamma leina naqažs gažlauh faura im. |
| 14 | 53 | jah gatauhun Iesu du auhumistin gudjin; jah garunnun miž imma auhmistans gudjans allai jah žai sinistans jah bokarjos. |
| 14 | 54 | jah Paitrus fairražro laistida afar imma, unte qam in garda žis auhumistins gudjins; jah was sitands miž andbahtam jah warmjands sik at liuhada. |
| 14 | 55 | iž žai auhumistans gudjans jah alla so gafaurds sokidedun ana Iesu weitwodiža du afdaužjan ina jah ni bigetun. |
| 14 | 56 | managai auk galiug weitwodidedun ana ina, jah samaleikos žos weitwodižos ni wesun. |
| 14 | 57 | jah sumai usstandans galiug weitwotidedun ana ina qižandans: |
| 14 | 58 | žatei weis gahausidedun qižandan ina žatei ik gataira alh žo handuwaurhton jah bi žrins dagans anžara unhanduwaurhta gatimrja. |
| 14 | 59 | jah ni swa samaleika was weitwodiža ize. |
| 14 | 60 | jah usstandans sa auhumista gudja in midjaim frah Iesu qižands: niu andhafjis waiht, hwa žai ana žuk weitwodjand? |
| 14 | 61 | iž is žahaida jah waiht ni andhof. aftra sa auhumista gudja frah ina jah qaž du imma: žu is Xristus sa sunus žis žiužeigins? |
| 14 | 62 | iž is qažuh: ik im; jah gasaihwiž žana sunu mans af taihswon sitandan mahtais jah qimandan miž milhmam himinis. |
| 14 | 63 | iž sa auhumista gudja disskreitands wastjos seinos qaž: hwa žanamais žaurbum weis weitwode? |
| 14 | 64 | hausideduž žo wajamerein is: hwa izwis žugkeiž? žaruh eis allai gadomidedun ina skulan wisan daužau. |
| 14 | 65 | jag dugunnun sumai speiwan ana wlit jah huljan andwairži is jah kaupatjan ina; jah qežun du imma: praufetei! jah andbahtos [gabaurjaba] lofam slohun ina. |
| 14 | 66 | jah wisandin Paitrau in rohsnai dalaža [jah] atiddja aina žiujo žis auhumistins gudjins. |
| 14 | 67 | jah gasaihwandai Paitru warmjandan sik, insaihwandei du imma qaž: jah žu miž Iesua žamma Nazoreinau wast. |
| 14 | 68 | iž is afaiaik qižands: ni wait, ni kann hwa žu qižis. jah galaiž faur gard, jah hana wopida. |
| 14 | 69 | jah žiwi gasaihwandai ina aftra dugann qižan žaim faurastandandam, žatei sa žizei ist. |
| 14 | 70 | iž is aftra laugnida. jah afar leitil aftra žai atstandandans qežun du Paitrau: bi sunjai, žizei is; jah auk [Galeilaius is jah] razda žeina galeika ist. |
| 14 | 71 | iž is dugann afaikan jah swaran žatei ni kann žana mannan žanei qižiž. |
| 14 | 72 | jah anžaramma sinža hana wopida. jah gamunda Paitrus žata waurd, swe qaž imma Iesus, žatei fauržize hana hrukjai twaim sinžam, inwidis mik žrim sinžam. jah dugann greitan. |
| 15 | 1 | Jah sunsaiw in maurgin garuni taujandans žai auhumistans gudjans miž žaim sinistam jah bokarjam, jah alla so gafaurds gabindandans Iesu brahtedun ina at Peilatau. |
| 15 | 2 | jah frah ina Peilatus: žu ist žiudans Iudaie? iž is andhafjands qaž du imma: žu qižis. |
| 15 | 3 | jah wrohidedun ina žai auhumistans gudjans filu. |
| 15 | 4 | iž Peilatus aftra frah ina qižands: niu andhafjis ni waiht? sai, hwan filu ana žuk weitwodjand. |
| 15 | 5 | iž Iesus žanamais [waiht] ni andhof, swaswe sildaleikida Peilatus. |
| 15 | 6 | iž and dulž hwarjoh frailalot im ainana bandjan žanei bedun. |
| 15 | 7 | wasuh žan sa haitana Barabbas miž žaim miž imma drobjandam gabundans, žaiei in auhjodau mauržr gatawidedun. |
| 15 | 8 | jah usgaggandei alla managei dugunnun bidjan, swaswe sinteino tawida im. |
| 15 | 9 | iž Peilatus andhof im qižands: wileidu fraleitan izwis žana žiudan Iudaie? |
| 15 | 10 | wissa auk žatei in neižis atgebun ina žai auhumistans gudjans. |
| 15 | 11 | iž žai auhumistans gudjans inwagidedun žo managein ei mais Barabban fralailoti im. |
| 15 | 12 | iž Peilatus aftra andhafjands qaž du im: hwa nu wileiž ei taujau žammei qižiž žiudan Iudaie? |
| 15 | 13 | iž eis aftra hropidedun: ushramei ina. |
| 15 | 14 | iž Peilatus qaž du im: hwa allis ubilis gatawida? iž eis mais hropidedun: ushramei ina. |
| 15 | 15 | iž Peilatus wiljands žizai managein fullafahjan, fralailot im žana Barabban, iž Iesu atgaf usbliggwands, ei ushramižs wesi. |
| 15 | 16 | iž gadrauhteis gatauhun ina innana gardis, žatei ist praitoriaun, jah gahaihaitun alla hansa |
| 15 | 17 | jah gawasidedun ina paurpurai jah atlagidedun ana ina žaurneina wipja uswindandans. |
| 15 | 18 | jah dugunnun goljan ina: hails, žiudan Iudaie! |
| 15 | 19 | jah slohun ist haubiž rausa jah bispiwun ina jah lagjandans kniwa inwitun ina |
| 15 | 20 | jah biže bilailaikun ina andwasidedun ina žizai paurpurai jah gawasidedun ina wasjom swesaim. jah ustauhun ina ei ushramidedeina ina. |
| 15 | 21 | jag undgripun sumana manne, Seimona Kwreinaiu, qimandan af akra, attan Alaiksandraus jah Rufaus, ei nemi galgan is. |
| 15 | 22 | jah attauhun ina ana Gaulgauža staž, žatei ist gaskeiriž hwairneins stažs. |
| 15 | 23 | jah gebun imma drigkan wein miž smwrna; iž is ni nam. |
| 15 | 24 | jah ushramjandans ina disdailjand wastjos is wairpandans hlauta ana žos, hwarjizuž hwa nemi. |
| 15 | 25 | wasuh žan hweila žridjo, jah ushramidedun ina. |
| 15 | 26 | jah was ufarmeli fairinos is ufarmeliž: sa žiudans Iudaie. |
| 15 | 27 | jah miž imma ushramidedun twans waidedjans, ainana af taihswon jah ainana af hleidumein is. |
| 15 | 28 | jah usfullnoda žata gamelido žata qižando: jah miž usibjaim rahnižs was. |
| 15 | 29 | jah žai faurgaggandans wajameridedun ina, wižondans haubida seina jah qižandans: o sa gatairands žo alh jag bi žrins dagans gatimrjands žo, |
| 15 | 30 | nasei žuk silban jah atsteig af žamma galgin! |
| 15 | 31 | samaleiko jah žai auhumistans gudjans bilaikandans ina miž sis misso miž žaim bokarjam qežun: anžarans ganasida, iž sik silban ni mag ganasjan. |
| 15 | 32 | sa Xristus, sa žiudans Israelis, atsteigadau nu af žamma galgin, ei gasaihwaima jah galaubjaima. jah žai mižushramidans imma idweitidedun imma. |
| 15 | 33 | jag biže warž hweila saihsto, riqis warž ana allai airžai und hweila niundon. |
| 15 | 34 | jah niundon hweilai wopida Iesus stibnai mikilai qižands: ailoe ailoe, lima sibakžanei, žatei ist gaskeiriž: guž meins, duhwe mis bilaist? |
| 15 | 35 | jah sumai žize atstandane gahausjandans qežun: sai, Helian wopeiž. |
| 15 | 36 | žragjands žan ains jah gafulljands swam akeitis, galagjands ana raus, dragkida ina qižands: let, ei saihwam qimaiu Helias athafjan ina. |
| 15 | 37 | iž Iesus aftra letands stibna mikila uzon. |
| 15 | 38 | jah faur[a]hah als disskritnoda in twa iupažro und dalaž. |
| 15 | 39 | gasaihwands žan sa hundafažs sa atstandands in andwairžja is žatei swa hropjands uzon, qaž: bi sunjai, sa manna sa sunus was gudis. |
| 15 | 40 | wesunuž-žan qinons farraižro saihwandeins, in žaimei was Marja so Magdalene jah Marja Iakobis žis minnizins jah Iosezis aižei jah Salome. |
| 15 | 41 | jah žan was in Galeilaia, jah laistidedun ina jah andbahtidedun imma, jah anžaros managos žozei mižiddjedun imma in Iairusalem. |
| 15 | 42 | jah južan at andanahtja wauržanamma, unte was paraskaiwe, saei ist fruma sabbato, |
| 15 | 43 | qimands Iosef af Areimažaias, gaguds ragineis, saei was [jah] silba beidands žiudangardjos gudis, anananžjands galeiž inn du Peilatau jah baž žis leikis Iesuis. |
| 15 | 44 | iž Peilatus sildaleikida ei is južan gaswalt; jah athaitands žana hundafaž frah ina ju-žan gadaužnodedi. |
| 15 | 45 | jah finžands at žamma hundafada fragaf žata leik Iosefa. |
| 15 | 46 | jah usbugjands lein jah usnimands ita biwand žamma leina jah galagida ita in hlaiwa, žatei was gadraban us staina, jah atwalwida stain du daura žis hlaiwis. |
| 15 | 47 | iž Marja so Magdalene jah Marja Iosezis sehwun hwar galagižs wesi. |
| 16 | 1 | Jah inwisandins sabbate dagis Marja so Magdalene jah Marja so Iakobis jah Salome usbauhtedun aromata, ei atgaggandeins gasalbodedeina ina. |
| 16 | 2 | jah filu air žis dagis afarsabbate atiddjedun du žamma hlaiwa at urrinnandin sunnin. |
| 16 | 3 | jah qežun du sis misso: hwas afwalwjai unsis žana stain af daurom žis hlaiwis? |
| 16 | 4 | jah insaihwandeins gaumidedun žammei afwalwižs ist sa stains; was auk mikils abraba. |
| 16 | 5 | jah atgaggandeins in žata hlaiw gasehwun juggalauž sitandan in taihswai biwaibidana wastjai hweitai; jah usgeisnodedun. |
| 16 | 6 | žaruh qaž du im: ni faurhteiž izwis, Iesu sokeiž Nazoraiu žana ushramidan; nist her, urrais, sai žana staž žarei galagidedun ina. |
| 16 | 7 | akei gaggiž qižiduh du siponjam is jah du Paitrau žatei faurbigaggiž izwis in Galeilaian; žaruh ina gasaihwiž, swaswe qaž izwis. |
| 16 | 8 | jah usgaggandeins af žamma hlaiwa gažlauhun; dizuh-žan-sat ijos reiro jah usfilmei, jah ni qežun mannhun waiht; ohtedun sis auk. |
| 16 | 9 | usstandands žan in maurgin frumin sabbato ataugida [sik] frumist Marjin žizai Magdalene, af žizaiei uswarž sibun unhulžons. |
| 16 | 10 | soh gaggandei gataih žaim miž imma wisandam, qainondam jah gretandam. |
| 16 | 11 | jah eis hausjandans žatei libaiž jah gasaihwans warž fram izai, ni galaubidedun. |
| 16 | 12 | afaruh žan žata twaim ize ataugižs warž in anžaramma farwa, gaggandam du wehsa: |
| 16 | 13 | jah jainai galeižandans gataihun žaim anžaraim; niž-žaim galaubidedun. |
| 16 | 14 | bi spedistin žan anakumbjandam žaim ainlibim ataugida, jah idweitida ungalaubein ize jah harduhairtein, unte žaim gasaihwandam ina urrisanana, ni galaubidedun. |
| 16 | 15 | jah qaž du im: gaggandans in žo manasež alakjo, merjaiž žo aiwaggeljon allai žizai gaskaftai. |
| 16 | 16 | jah sa galaubjands ufdaupižs ganisiž; iž saei ni galaubeiž, afdomjada. |
| 16 | 17 | ažžan taikns žaim galaubjandam žata afargaggiž: in namin meinamma unhulžons uswairpand: razdom rodjand niujaim, |
| 16 | 18 | waurmans nimand, jah jabai ingibe hwa drigkaina, ni žauh im agljai; ana unhailans handuns uslagjands, jah waila wairžiž im. |
| 16 | 19 | žanuh žan frauja Iesus afar žatei rodida du im, usnumans warž in himin jah gasat af taihswon gudis. |
| 16 | 20 | iž jainai usgaggandans meridedun and allata miž fraujin gawaurstwin jah žata waurd tulgjandin žairh žos afargaggandeins taiknins. amen. Aiwaggeljo žairh Marku ustauh. wulžus žus Guž. amen. |